planetanews Posted January 28, 2012 დარეპორტება გაზიარება Posted January 28, 2012 გირგვლიანის მკვლელობიდან 6 წლისთავისადმი მიძღვნილ აქციაზე, რომელიც პარლამენტთან "წინააღმდეგობის მოძრაობის" ორგანიზებით გაიმართა, რამდენიმე ადამიანი დააკავეს. სამართალდამცველებმა აქციის მონაწილეები მას შემდეგ დააკავეს, რაც რუსთაველის გამზირის სავალ ნაწილზე გადასვლა სცადეს. დაკავებულები არიან: ჟურნალისტი ილია ჩაჩიბაია, „სამოქალაქო ფრონტის“ ლიდერი ჯაბა ჯიშკარიანი, რეჟისორი ზაზა სვანაძე და „ობიექტივის“ ერთ–ერთი წამყვანი მიშა მუმლაძე. დაკავებულთა ადგილსამყოფელი ჯერჯერობით უცნობია. დღესვე გირგვლიანის მკვლელობასთან დაკავშირებით აქცია გაიმართა რუსთაველის ძეგლთან, თუმცა აღნიშნულმა აქციამ, მისი ერთ–ერთი ორგანიზატორის, "კონსერვატიული პარტიის" ლიდერის, ლაშა ჩხარტიშვილის თქმით, ექსცესების გარეშე ჩაიარა. სანდრო გირგვლიანის ოჯახის წევრები და სამოქალაქო საზოგადოების წარმომადგენლები დღესვე, 19:00 საათზე, "შარდენ ბართან" შეიკრიბებიან და ექვსი წლის წინ მომხდარ მკვლელობას გააპროტესტებენ. სრული ინფო(netgazeti.ge) Quote ლინკი სოციალურ ქსელებში გაზიარება More sharing options...
Recommended Posts