planetanews Posted July 29, 2011 დარეპორტება გაზიარება Posted July 29, 2011 ავტორი სალომე ლილუაშვილი17:26 29.07.2011... და იხილა (იესომ) ლეღვი ერთი გზასა ზედა და მოვიდა მისა და არარაი პოვა მას შინა, გარნა ფურცელი ხოლო. და ჰრქუა მას: ნუღარა იყოფინ ნაყოფი შენგან საუკუნოდ. და განხმა ლეღვი იგი მეყსეულად“(მთ. 21,19). http://4.bp.blogspot.com/-eq8fk6yNZOo/TjQLQ172sSI/AAAAAAAAEvc/BjLOJ2Un0us/s200/68859_156579867708787_100000703243348_331398_2691984_n.jpgვაზი და ლეღვი აღიქმებოდა არა მარტო სასოფლო-სამეურნეო კულტურად, ძველ აღთქმაში ისრაელი სახელდებული იყო „"უფლის ვენახად" ან "ლეღვის ხედ". ლეღვის ხე ასევე სამყაროსა და ებრაელი ერისადმი უფლის კეთილგანწყობის სიმბოლო იყო. ლეღვის ფოთოლი იყო პირველი შესამოსელი სამოთხეში მყოფი ადამისა და ევასი. ინდოეთში ლეღვი ითვლებოდა შემეცნების წმინდა ხედ - ანუ ამ ხის ქვეშ ბუდამ შეიმეცნა ჭეშმარიტება.კარაბადინში წერია: "კაცი თუ ბევრს ლეღვსა სჭამს, მუწუკებს გამოასხამს და სტომაქ მხურვალსა კაცსა ცხელებასა აუგდებს". ლეღვი თანამედროვე გაგებით...ბათუმი ედემია საქართველოსი.ბათუმი პრეზიდენტ სააკაშვილის ქალიშვილიც გახლავთ... (საინტერესოა, მომდევნო პრეზიდენტიც თუ განაცხადებს პრეტენზიას მის შვილობაზე. ან იქნებ სქესიც შეუცვალოს და ვაჟად აქციოს). ბათუმი კურორტია - ზღვა, მზე და ბევრი ფული თუ გაქვს, კარგი ნამზეური და დასვენება გარდაუვალია, მაგრამ... (ოჰ, ეს "მაგრამ" რომ არ არსებობდეს, სამყაროში ყველაფერი სრულყოფილებამდე იქნებოდა, მათ შორის - ჩვენს ქვეყანაშიც.) ... მაგრამ, თუ ბევრი ფული არ გაქვთ და "ედემში" ვერ წახვალთ, მადლობა ღმერთს, გვაქვს არაერთი საზღვაო კურორტი, სადაც შეგიძლიათ შედარებით იაფად, მაგრამ ჯანსაღად დაისვენოთ. ხაზს ვუსვამ - ჯანსაღად. ... მაგრამ, თუ ზღვაზეც ვერ ახერხებთ წასვლას, არსებობს მთა, მდინარე, ბოლოს და ბოლოს, ქალაქთან ახლოს ან ქალაქში არსებული ხელოვნური ტბები, წყალსაცავები... ალტერნატივა მრავალგვარია. ... მაგრამ, თუ ამასაც ვერ ახერხებთ, ბოლოს და ბოლოს, მომრავლებულ საცურაო აუზებს ესტუმრებით. ... მაგრამ გოგონების (თურმე ბიჭებისაც!) უმეტესობა ნამზეურის სურვილით მაინც სახლის სახურავებზე, აივნებსა და ფანჯრის რაფებზე წამოწოლას არჩევს. ხომ გაგიგიათ, "მზე მანახე და კარგ "ზაგარს" განახებო"? ჰოდა, საზოგადოება მიეჩვია მიწისგან შორს და მზესთან ახლოს გასარუჯად გაწოლილი "მანანების" ხილვას. ყველაზე მეტად კი ის მაინტერესებს, რომელმა მშვენიერმა ალქიმიკოსმა გადაწყვიტა, მიეღო ლეღვის ნახარშისგან ჯადოსნური სითხე, რომლითაც ცდებს საკუთარ მეგობრებსა და შოკოლადისფერ კანზე გახელებულ თანატოლებზე ჩაატარებდა? და ისიც მაინტერესებს, ტელევიზორში მოსმენილი საგანგაშო ინფორმაციის შემდეგ, რომლის მიხედვითაც, ლეღვის ფოთლების ნახარშის კანზე წასმისა და მზეზე გაწოლის შედეგად დადაგულ-დაფუფქული გოგონა რეანიმაციაში მოათავსეს, როგორღა გაუჩნდა აზრი და სურვილი ახალგაზრდებს, საკუთარ თავზე (კანზე) გამოეცადათ იგივე მაზოხისტური მეთოდი?ისიც საინტერესოა, ვისი ან რისი ბრალია ეს ყველაფერი? პრეზიდენტის, რომელიც მხოლოდ საკუთარი ქალიშვილი-ბათუმის მორთვა-მოკაზმვაზე ფიქრობს და ამ დროს დანარჩენი ქალიშვილები მძიმე ეკონომიკურ-სოციალური პირობების გამო კურორტის გარეშე დარჩენილნი თავს (ტანს) კორპუსების სახურავებზე სასიკვდილოდ დებენ? იქნებ მშობლების, რომელთაც სათანადო ყურადღება ვერ მიაქციეს მოზარდებს ან უბრალოდ, თავის დროზე იმდენი ვერ ასწავლეს ან წააკითხეს, რომ მსგავსი უმეცრება არ ჩაიდინონ? ან იქნებ ტელევიზიის, რომელმაც პროპაგანდა გაუწია ლეღვის ფოთლების არასწორად გამოყენებულ ნახარშს და თან არ დაურთო სრულყოფილი, კომპეტენტური ინფორმაცია იმის შესახებ, რომ ლეღვის ფოთოლის ნახარში კანის ქიმიურ დამწვრობას იწვევს? ან იქნებ სოციუმის დაბალ ინტელექტუალურ დონეზე მიუთითებს ეს ფაქტი? საით მივექანებით, ხომ არ არის ეს ევოლუციური რეგრესი? იმის გასაგებად, რა ხდება დამწვრობის ცენტრში, ცენტრის დირექტორის მოადგილეს სამკურნალო დარგში გუგა ქაშიბაძეს დავუკავშირდით: "ეს ნახარში მზის სხივების გარეშეც იწვევს კანის ქიმიურ დამწვრობასა და ქსოვილის დაზიანებას. შარშან-შარშანწინ მსგავსი შემთხვევა ერთეული იყო. წელს კი, როდესაც გავიდა პირველი სიუჟეტი ამ ნახარშით მიღებული მძიმე დამწვრობის შესახებ, მსგავსი დიაგნოზით პაციენტები მომენტალურად მომრავლდნენ(?!). როგორც ჩანს, სიუჟეტმა უკურეაქცია გამოიწვია, საზოგადოების ამ ნაწილის პროვოცირება მოახდინა. ახალგაზრდებმა გადაწყვიტეს, რომ იმ 15 წლის გოგონამ ლეღვის ფოთლის ცხელი ნახარში გამოიყენა და ამიტომაც დაშავდა, თავად კი გაცივებული წაისვეს... დღეში სამი-ოთხი პაციენტი შემოდის მსგავსი დამწვრობით. ოთხმოცდაათი პროცენტი ამბობს, რომ ტელევიზიაში გასული სიუჟეტის შემდეგ გადაწყვიტეს, ნახარში გამოეყენებინათ. დანარჩენი ათი პროცენტი კი ინფორმაციის წყაროდ მეგობარს ასახელებს. ლეღვის ფოთლების ნახარშის გამოყენება იწვევს შეშუპებას, კანის აჭრელებას, ქიმიურ დამწვრობას, დისკომფორტს... ორი კვირა მაინც სჭირდება დაზიანებული კანის შეხორცებას, მერე კი დიდი ხნის განმავლობაში დაზარალებული მზეზე ვერ გავა, თორემ პიგმენტაცია გარდაუვალია. გარდა დისკომფორტისა, ეს გახლავთ ეკონომიკური ზარალიც, როგორც ვიცი, არც ერთი სადაზღვევო კომპანია მსგავს შემთხვევაში მკურნალობას არ ანაზღაურებს, რადგან ეს თვითნებურად მიყენებული, დაგეგმილი დაზიანებაა. პაციენტთა ასაკი თოთხმეტიდან ოცდაერთ წლამდეა. დაზარალებულებს შორის მხოლოდ ერთია ბიჭი. ის დღემდე ვერ მალავს გაოცებას, რატომ მიიღო მძიმე დამწვრობა, როცა გაცივებული ნახარში წაისვა? აქვე უნდა აღვნიშნო, რომ მზით დამწვრობამ წინა წლებთან შედარებით სტატისტიკურად მოიმატა. იმის თქმა, მიზეზი რა არის, მზე გაცილებით მცხუნვარე და აგრესიულია წელს თუ უფრო მოუახლოვდა დედამიწას, ჩემი კომპეტენცია არ არის და დაზუსტებით ვერ გეტყვით, მაგრამ ამდენი პაციენტი არასდროს გვყოლია". დაბოლოს, მოდას აყოლილებს ერთი "სვეტსკი" რჩევა მინდა მოგცეთ: - ნამზეური მოდური აღარ არის. გადახედეთ მსოფლიოს ულამაზესი ქალების რჩევებს - არც ერთი მათგანი მზეს აღარ ეფიცხება - ბუნებრივად შეფერილი და დაუბერებელი კანი გაცილებით ლამაზად და ჯანსაღად გამოიყურება. ჯანსაღად ცხოვრება კი დღეს მსოფლიოში ყველაზე მოდური ტენდენციაა. გირჩევთ, ნუ გამოლეღვდებით. აჰყევით მოდას! "კვირის პალიტრა"ambebi.ge http://2.bp.blogspot.com/_NJ-vfhEIXi8/SzEjsmnETZI/AAAAAAAADK8/gGTRe_SU1m4/s400/ukan1.gif View the full article Quote ლინკი სოციალურ ქსელებში გაზიარება More sharing options...
Recommended Posts