მოსახლეობის 80% თავისუფალ დროს სახლში ატარებს

[Nukriko]

საქართველოს მოსახლეობის 80% თავისუფალ დროს სახლში ატარებს. ამ შედეგით დასრულდა მარკეტინგული კვლევების კომპანია “ეი სი თი”–ს (act.ge) გამოკითხვა. კვლევის შედეგების მიხედვით აღმოჩნდა, რომ სახლში ყოფნა ჩვეული ქცევაა მოსახლეობის ძირითადი ნაწილისთვის. თავისუფალ დროს სტუმრად მხოლოდ 13% დადის, რესტორნებში, კაფეებსა და კონცერტებზე კი მხოლოდ 2% დადის.

 

კვლევის ავტორების განცხადებით, რთული სათქმელია ეს მაჩვენებელი ეკონომიკური ფაქტორებითაა გამოწვეული თუ სხვა მიზეზებით, მაგრამ მსოფლიო ტენდენციების გათვალისწინებით ამაში საოცარი არაფერია - განვითარებულ ქვეყნებში უკვე დაიწყეს კიდეც ზრუნვა იმაზე, როგორ მოაშორონ ადამიანები ტელევიზორებსა და კომპიუტერებს, როგორ მოწყვიტონ ელექტრონულ სამყაროს. მათი თქმით, იმედია საქართველოშიც გააქტიურდებიან გასართობი დაწესებულებები და მოქალაქეებს სახლიდან გასვლის სურვილს გაუჩენენ.

 

ინფორმაციისთვის: საერთაშორისო კვლევების კომპანია OECD შეეცადა დაედგინა სამსახურის გარდა რით არიან დაკავებული სხვადასხვა ქვეყნის მოქალაქეები. მათი მონაცემებით ადამიანები დღე-ღამეში საშუალოდ10-11 საათს ჭამას და ძილს უთმობენ, რაც გასაკვირი არცაა. ყველაზე დაბალი მაჩვენებელი იაპონელებს აქვთ - ისინი მხოლოდ 9.8 საათს იყენებენ ძილისა და ჭამისთვის. დანარჩენი დრო სხვადასხვა სახის მოვალეობებზე ნაწილდება და როგორც წესი, ადამიანებს დღეში მხოლოდ 2-3 საათი რჩებათ საკუთარი თავისთვის. შეერთებულ შტატებსა და ბრიტანეთში მთელი 3.3 საათიც კი ჰქონიათ სრულიად თავისუფალი.

 

http://www.presage.tv/?m=bp&NID=12078

 

 

გამოდის რომ საქართველოში მხოლოდ 2% გულაობს?

Edited July 4, 2011 by Nukriko