planetanews Posted March 28, 2011 დარეპორტება გაზიარება Posted March 28, 2011 http://www.epn.ge/wp-content/uploads/2011/03/sasjelagsruleba-300x200.jpgპენიტენციურ სისტემაში ტუბერკულოზის დროულად გამოვლენის, გავრცელების პრევენციის და ეფექტური მკურნალობის ახალი, სამპუნქტიანი სამოქმედო გეგმის განხორციელება დაიწყო. სამოქმედო გეგმის ფარგლებში შრომის, ჯანმრთელობისა და სოციალური დაცვის მინისტრმა ანდრია ურუშაძემ, სასჯელაგსრულების, პრობაციისა და იურიდიული დახმარების მინისტრმა ხათუნა კალმახელიძემ და ტუბერკულოზისა და ფილტვის დაავადებათა ეროვნული ცენტრის აღმასრულებელ დირექტორმა იაგორ კალანდაძემ ურთიერთთანამშრომლობის მემორანდუმს მოაწერეს ხელი. შეთანხმების თანახმად, ტუბერკულოზის ეროვნული პროგრამიდან მიმაგრებული იქნება თითო სპეციალისტი სასჯელაღსრულების ყველა დაწესებულებაში ტუბერკულოზური დაავადების ადრეული გამოვლენის, გადამდები ფორმების სეპარაციის, დიაგნოსტირებისა და შემდგომი კვალიფიციური მკურნალობისთვის, რაც წარმოადგენს ტუბერკულოზის კონტროლის ყველაზე ეფექტურ მეთოდს. ხათუნა კალმახელიძის თქმით, ეს ნაბიჯები, პირველადი ჯანდაცვის დანერგვის პარალელურად, საბოლოოდ შექმნის ტუბერკულოზთან ბრძოლის ყველაზე ეფექტურ მექანიზმს პენიტენციურ სისტემაში. ანდრია ურუშაძის განცხადებით, კი ეს არის მოქმედების ერთობლივი გეგმა იმისათვის, რომ ყველა მოქალაქემ მიიღოს ის მკურნალობა, რომელიც აუცილებელია ტუბერკულოზის შემთხვევების შემცირებისთვის საქართველოში. ხელშეკრულებას ტუბერკულოზით დაავადებულ მსჯავრდებულთა მშენებარე დაწესებულების ფონზე მოეწერა ხელი, რომელიც პენიტენციურ სისტემაში ტუბერკულოზთან ბრძოლის ახალი სამოქმედო გეგმის მიხედვით ინსტრუმენტალური იქნება დაავადების გადადების პრევენციის და ეფექტური მკურნალობისთვის. ურჩიეთ: http://epn.ge/wp-content/plugins/jw-share-this/su.pnghttp://epn.ge/wp-content/plugins/jw-share-this/digg.pnghttp://epn.ge/wp-content/plugins/jw-share-this/fb.pnghttp://epn.ge/wp-content/plugins/jw-share-this/twitter.png იხილეთ epn.ge Quote ლინკი სოციალურ ქსელებში გაზიარება More sharing options...
Recommended Posts