epn.ge - ეროვნული საკრედიტო ინფორმაციის ბიუროს წლის შემაჯამებელი კონფერენცია და დაჯილდოების ცერემონიალი

[planetanews]

ეროვნული საკრედიტო ინფორმაციის ბიურო, სასტუმრო Radisson Blu Iveria-ში NCIB – 28 დეკემბერს 12 საათზე წლის შემაჯამებელ კონფერენციას და დაჯილდოების ცერემონიალს ატარებს. მოწვეულ სტუმართა შორის იქნებიან კერძო კომპანიების ხელმძღვანელები, საელჩოების, საერთაშორისო ორგანიზაციებისა და სახელმწიფო სტრუქტურების წარმომადგენლები.

 

NCIB ადგილობრივ კომპანიებს გააცნობს ახალ იდეებს ბიზნესის წარმატებით განვითარებისთვის. კონფერენციაზე განხილული იქნება შემდეგი თემები:

 

ახალი პროდუქტები საქართველოს ბაზარზე; ბიზნეს ინფომრაციის დარგის სიახლეები; XXI საუკუნის ყველაზე გამოყენებადი პროდუქტები; NCIB თქვენი ბიზნესის მეგზური.

 

ნომინაციაში გამარჯვებულ კომპანიებს (“მაგთი”, “თიბისი ბანკი”, “იმედი ელი”, “ეკო-ფუდი”, “ქართულ-ამერიკული უნივერსიტეტი GAU”) გადაეცემათ სიგელები. დაჯილდოვდებიან “საუკეთესო გაყიდვების სტრატეგიის” კონკურსის საუკეთეო ხუთეული და კონკურსის მხარდამჭერი კომპანიების ფავორიტი კონკურსანტები.

 

კონფერენციაზე NCIB გამოავლენს კომპანიის რჩეულს, რომელიც გაივლის ანაზღაურებად სტაჟირებას მარკეტინგის სფეროში.

 

ხალხის რჩეულს გადაეცემა პრიზი ფულადი პრემიის სახით (1000 ლარი), რომლისთვისაც თანხა პროექტის მხარდამჭერმა კომპანიებმა (კავშირგაბმულობის კომპანია “ბილაინი” – პროექტის გენერალური სპონსორი, საგანმანათლებლო ცენტრი “ცოდნა”, ქართულ-ამერიკული უნივერსიტეტი GAU) გამოყვეს. დაჯილდოებაზე ფავორიტ კონკურსანტებს სპეციალურ პრიზებს გადასცემენ ჰიპერმარკეტი “გუდვილი”, OWG – “ღია მსოფლიო საქართველოსთვის” და ყვავილების ონლაინ მაღაზია FLOWERS.GE.

 

კომპანია NCIB (ეროვნული საკრედიტო ინფორმაციის ბიურო) წამყვანი კომპანიაა საქართველოში ბიზნეს ინფორმაციის მიწოდების სფეროში.

 

NCIB ადგილობრივ და უცხოელ ინვესტორებს აწვდის სანდო ბიზნეს ინფორმაციას, როგორც ადგილობრივ, ასევე საერთაშორისო ბაზრებზე. ჩვენ გვაქვს ყველაზე დიდი მონაცემთა ბაზა, რომელიც ახლდება ყოველდღიურად და მოიცავს საქართველოში დარეგისტრირებული ყველა კომპანიის შესახებ ინფორმაციას: მარკეტინგული სიები, კომპანიის პროფილი, ქვეყნის პროფილი, ბაზრის პროფილი და სხვა… აღსანიშნავია, რომ დღეს NCIB წარმოადგენს მყარი კომპანიის – “ალიანს ჯგუფი ჰოლდინგის” შვილობილს.

 

 

 

იხილეთ epn.ge