netgazeti - გაძვირდება თუ არა სასწრაფოს გამოძახება

[planetanews]

თბილისის მერია აცხადებს, რომ სასწრაფო დახმარების გამოძახება არ გახდება ფასიანი. საზოგადოებასთან ურთიერთობის სამსახურმა ნეტგაზეთთან საუბარში განაცხადა, რომ მერიაში სასწრაფო დახმარების ფასიან მომსახურებაზე საუბარი არ ყოფილა, შესაბამისად, გავრცელებული ინფორმაცია, თითქოს, 03-ის გამოძახება 2011 წლის პირველი იანვრიდან ფასიანი გახდება, არ შეესაბამება სიმართლეს.

 

პოლიტიკოსების ნაწილს ეჭვი მას შემდეგ გაუჩნდა, რაც 2011 წლის ბიუჯეტში ჯანდაცვის სფეროს შემცირებული თანხები დაფიქსირდა. 29 მილიონი ლარის ნაცვლად, 15 მილიონი.

 

ვიქტორ დოლიძე, თავისუფალი დემოკრატების წევრი ამბობს, რომ 13 მილიონი ლარი, რომელიც 2010 წლის ბიუჯეტში უფასო სასწრაფო სამედიცინო დახმარებისთვის იყო გამოყოფილი, ახლა საგანგებო სიტუაციების სამსახურში გადაიტანეს. შესაბამისად, მისი თქმით, საგანგებო სიტუაციების სამსახურში შევა სასწრაფო სამედიცინო დახმარება.

 

შესაბამისად, ანალოგიური 13 მილიონი ლარით დაფინანსდება სასწრაფო სამედიცინო დახმარება 2011 წელს.

 

 

 

 

 

სრული ინფო(netgazeti.ge)