epn.ge - ნონა გაფრინდაშვილი: ხელისუფლებას თავის ხალხი სძულს, და ამიტომ დაანგრია ჯანდაცვის სისტემა

[planetanews]

http://www.epn.ge/wp-content/uploads/2010/11/gaprindashvili1-150x150.jpg“სახალხო კრების” საინიციატივო ჯგუფი და მედიცინის დარგის პროფესიონალები ჯანდაცვაში დღეს “კინოს სახლში” არსებულ პრობლემებზე ისაუბრეს.

 

მათი განცხადებით, ხელისუფლებამ ჯანდაცვის სფეროში არაერთხელ გაატარა რეფორმად წოდებული ცვლილებები, მაგრამ პაციენტიდან დაწყებული მედიცინის მუშაკით დამთავრებული არავინაა კმაყოფილი ჯანდაცვის სისტემაში არსებული სისტემით.

 

“დღევანდელი კრების მიზანი ჯანდაცვის სფეროში არსებული პრობლემების გაშუქება და საზოგადოებისათვის ამ პრობლემებზე ინფორმაციის მიწოდებაა”, – განაცხადა დემოკრატიული მოძრაობის მთავარი საბჭოს წევრმა თამარ ცინცაბაძემ.

 

კრების წევრის ნონა გაფრინდაშვილის თქმით, ამ პრობლემებთან დაკავშირებით საინიციატივო ჯგუფი მომდევნო შეხვედრას 25 ნოემბერს პარლამენტის წინ გამართავს, რასაც შემდეგ აქცია მოჰყვება. ამის მიზეზი ლოკომოტივის სტადიონსა ან სპორტის სასახლეში კრების გამართვაზე ხელისუფლების მხრიდან უარი გახდა.

 

სწორედ ამ საკითხთან დაკავშირებით იმყოფებოდნენ ირაკლი ბათიაშვილი და ნონა გაფრინდაშვილი ამერიკის საელჩოში, სადაც შეხვდნენ პოლიტიკური განყოფილების მდივანს, ჯული ფიშერს.

 

“ამერიკის საელჩოში საკმაოდ ბევრი იციან საქართველოში არსებულ პრობლემებზე. ფიშერმა მითხრა, რომ ისინი საქართველოს ხელისუფლებას ხშირად ახსენებენ ამ პრობლემებს. ჩვენი ხელისუფლება კი თავის ხალხზე არ ფიქრობს, მას სძულს თავისი ხალხი ამიტომაც დაანგრია ყველაფერი”, – განაცხადა გაფრინდაშვილმა.

 

 

 

იხილეთ epn.ge