epn.ge - ალასანია: ხელისუფლებასა და ოპოზიციას შორის საარჩევნო კოდექსთან დაკავშირებით მოლაპარაკებების პროცესი დაიწყო

[planetanews]

http://www.epn.ge/wp-content/uploads/2010/11/alasania111-150x150.jpg,,თავისუფალი დემოკრატების’’ ლიდერის ირაკლი ალასანიას განცხადებით, ხელისუფლებასა და ოპოზიციას შორის საარჩევნო კოდექსთან დაკავშირებით მოლაპარაკებების პროცესი დაიწყო.

 

როგორც ჟურნალისტებს ალასანიამ პარლამენტის თავმჯდომარე დავით ბაქრაძესა და ოპოზიციური პარტიების წარმომადგენლებს შორის დღეს გამართული შეხვედრის დასრულების შემდეგ განუცხადა, დღევანდელ შეხვედრაზე განისაზღვრა კონკრეტული გეგმა საარჩევნო კოდექსის გაუმჯობესებასთან დაკავშირებით როგორ უნდა წარიმართოს სამუშაო შეხვედრები და ის საკითხები, რომლებიც აღელვებს რვა პარტიას.

 

მისი თქმით, მიღწეულია პოლიტიკური შეთანხმება, რომ სამუშაო პროცესში ყველა დაინტერესებული პოლიტიკური ძალა წარადგენს საკუთარ წინადადებებს კოდექსში ცვლილებებთან დაკავშირებით.

 

,,ღიაა კარი საკითხების განხილვისთვის და ამ საარჩევნო კოდექსის ცვლილებით მოხდება ძირფესვიანი შეცვლა საარჩევნო გარემოსი’’, განაცხადა ალასანიამ.

 

 

 

იხილეთ epn.ge