epn.ge - სოზარ სუბარის ძმას ბრალი ოფიციალურად წაუყენეს

[planetanews]

http://www.epn.ge/wp-content/uploads/2010/10/2615734102_44776fc0fb_o-150x150.jpgსოზარ სუბარის ძმას ბრალი ოფიციალურად წაუყენეს. ბრალის წაყენება ამ წუთებში, ე.წ. მოდულის შენობაში დასრულდა.

 

გამოძიება ტარიელ სუბელიანს ყალბი ანგარიშ–ფაქტურების დამზადების ედავება.

 

ბრალის წაყენებას მისი ადვოკატი ირმა ჭკადუა ესწრებოდა.

 

სუბელიანი შპს ~ამოს~ თანამშრომელია.

 

~ამოს~ თანამშრომლების გარდა, 26 ოქტომბერს, კონსტიტუციური უსაფრთხოების დეპარტამენტის თანამშრომლებმა დააკავეს შპს “გრანდის”, შპს “ვ.ვ. ოილის”, შპს “ნეროს” თანამშრომლები, ასევე, დაკავებულია ექვსი ინდივიდუალური მეწარმე.

 

გამოძიების ცნობით, აღნიშნულმა პირებმა ყალბი ანგარიშ–ფაქტურების დამზადების გზით, სახელმწიფო ბიუჯეტს მნიშვნელოვანი მატერიალური ზარალი მიაყენეს. დანაშაული 7-წლამდე თავისუფლების აღკვეთას ითვალისწინებს.

 

სისხლის სამართლის საქმეს კონსტიტუციური უსაფრთხოების დეპარტამენტი იძიებს.

 

ვრცელდება არაოფიციალური ინფორმაცია, რომ პატიმრობიდან უკვე გაათავისუფლეს “ამოს” დირექტორი და ბუღალტერი.

 

 

 

იხილეთ epn.ge