planetanews Posted October 20, 2010 დარეპორტება გაზიარება Posted October 20, 2010 პროფესიული სასწავლებლები პროფესიულ სწავლების კოლეჯებად გადაკეთდება, - ამის შესახებ მთავრობის სხდომის დაწყებამდე პრემიერ-მინისტრმა ნიკა გილაიურმა განაცხადა. პროფესიულ კოლეჯებში სტუდენტების სწავლის საფასურის 80%–ს სახელმწიფო დააფინანსებს. სოციალურად დაუცველთათვის კი სწავლის საფასურს მთლიანად სახელმწიფო დაფარავს. პრემიერ-მინისტრის განცხადებით, უახლოეს დღეებში ხელი მოეწერება საფრანგეთთან ,,მობილური პარტნიორობის’’ ხელშეკრულებას. რის შედეგადაც პროფკოლეჯების კურსდამთავრებულები შეძლებენ საფრანგეთში თავიანთი პროფესიის მიხედვით დასაქმდნენ. გილაურის თქმით, ასეთი ხელშეკრულებების გაფორმება ევროპის სხვა ქვეყნებთანაც იგეგმება. პროფესიული კოლეჯები ასევე ითანამშრომლებენ კერძო სექტორთან, კურსდამთავრებულთა დასაქმების მიზნით. ,, ეს არის სასწავლებლები, რომლებიც, ჩვენ გვინდა, რომ ახლო კავშირში იყვნენ კერძო სექტორთან. რადგან სწორედ კერძო სექტორი მიაწვდის მათ იმ სამუშაოების ნუსხას, რომელიც მათ სჭირდებათ. კერძო სექტორის წარმომადგენლები პროფკოლეჯების კურსდამთავრებულებს დაასაქმებენ ’’, - განაცხადა ნიკა გილაურმა. განათლებისა და მეცნიერების მინისტრის დიმიტრი შაშკინის განცხადებით, პროფესიულ სწავლების კოლეჯებში სტუდენტები ისეთივე დონის განათლებას მიიღებენ, როგორსაც ევროპისა და ამერიკის სხვა ქვეყნებში. ამ წუთებში საქართველოს მთავრობის სხდომა მიმდინარეობს. სხდომაზე განსახილველად 44 საკითხია გამოტანილი. მთავრობის სხდომას ლტოლვილთა და განსახლების მინისტრი კობა სუბელიანი, საქართველოს სახელმწიფო მინისტრი რეინტერგაციის საკითხებში თემურ იაკობაშვილი, კულტურისა და ძეგლთა დაცვის მინისტრი ნიკა რურუა, ენერგეტიკის მინისტრი ალექსანდრე ხეთაგური, განათლებისა და მეცნიერების მინისტრი დიმიტრი შაშკინი, შრომისა და ჯანმრთელობის მინისტრი ესწრებიან სრული ინფო(netgazeti.ge) Quote ლინკი სოციალურ ქსელებში გაზიარება More sharing options...
Recommended Posts