planetanews Posted September 23, 2010 დარეპორტება გაზიარება Posted September 23, 2010 2011 წლის 1 იანვრიდან ყდაზე ბორჯღალოს გამოსახულებიანი მოქალაქის პასპორტი ძალას კარგავს. მას მაღალტექნოლოგიური ბიომეტრიული პასპორტი ჩაანაცვლებს. ამის შესახებ სამოქალაქო რეესტრის სააგენტოს თავმჯდომარემ გიორგი ვაშაძემ განაცხადა. ბიომეტრიული პასპორტები საქართველოში 2010 წლის 15 აპრილიდან შემოვიდა და მისი აღება 100 ლარად შეგიძლიათ. გიორგი ვაშაძის თქმით, მათთვის, ვისაც მოქმედი ბორჯღალოს გამოსახულებიანი პასპორტი აქვს, შესაძლებლობა ეძლევა, ბიომეტრიული პასპორტი მიმდინარე წლის ბოლომდე 100 ლარის ნაცვლად 65 ლარად აიღოს. მათთვის კი, ვისაც მოქმედი პასპორტი არ აქვს, ბიომეტრიული პასპორტისთვის დაწესებული ოფიციალური თანხა 100 ლარი უნდა გადაიხადოს. 50%-იანი შეღავათით ისარგებლებენ ვეტერანები, დევნილები, ინვალიდები და ბავშვები. ხოლო საფასურის გადახდისაგან სრულიად თავისუფლდებიან მეორე მსოფლიო ომის მონაწილეები, ტერიტორიულო მთლიანობისათვის ბრძოლაში დაინვალიდებული მოქალაქეები და უცხო ქვეყნის მოქალაქეები , რომელთაც საქართველოს პრეზიდენტმა საქართველოს მოქალაქეობა მიანიჭა. თუ საქართველოს მოქალაქე საზღვარგარეთ იმყოფება, მისი ბორჯღალოსგამოსახულებიანი პასპორტი ძალაშია მის დაბრუნებამდე, ან საზღვარგარეთ საქართველოს მოქალაქის ახალი პასპორტის მიღებამდე. საზღვარგარეთ მყოფი მოქალაქეები ძველი პასპორტით მხოლოდ საქართველოში შემოსვლას შეძლებენ, ხოლო საზღვარგარეთ გამგზავრებისთვის ბორჯღალოს გამოსახულებიან პასპორტთან ერთად ახალი ბიომეტრიული პასპორტის წარდგენაც იქნება სავალდებულო. რაც შეეხება 2006 წლიდან 2010 წლის მაისამდე გაცემულ ახალსიმბოლიკიან პასპორტებს, იგი ვადის გასვლამდე ძალაშია და პასპორტის შეცვლა სავალდებულო არ არის. სრული ინფო(netgazeti.ge) Quote ლინკი სოციალურ ქსელებში გაზიარება More sharing options...
Recommended Posts