planetanews Posted September 15, 2010 დარეპორტება გაზიარება Posted September 15, 2010 ქობულეთში გუშინდელი წყალდიდობის შემდეგ დამეწყრილია სოფლები - მუხაისტატე, ლეღვა, წყავროკა. სახლები არ არის დანგრეული, მაგრამ გზებია დაზიანებული. ეს ინფორმაცია ნეტგაზეთს აჭარის მთავრობის თავმჯდომარის მოადგილემ ლევან ანთაძემ მიაწოდა. მეწყერი გუშინ ქობულეთი–ოზურგეთის გზის ორ მონაკვეთზე ჩამოწვა, თუმცა საავტომობილო მიმოსვლა გუშინვე აღდგა. სპეციალური ტექნიკა მთელი აჭარის მასშტაბითაა მობილიზებული. მდინარე აჭყვას ადიდება, მჟავანაძის თქმით, ძლიერმა წვიმებმა გამოიწვია. საგანგებო სიტუაციების სამსახური, ქობულეთის გამგებლის განცხადებით, გუშინდელი ღამის შემდეგ საგანგებო რეჟიმში მუშაობს. სახლების ნაწილი წყლისგან უკვე გაწმენდილია. ,,წყალი თანდათან იკლებს. ახლა საავადმყოფოდან წყლის ამოქაჩვაზე ვმუშაობთ. ქობულეთში, ჯავახიშვილის ქუჩაზე ჯერ კიდევ დიდია წყალი, ალბათ, ცოტა ხანში დაიკლებს და გადავალთ სამუშაოდ’’, – განაცხადა გუშინ, გვიან ღამით, ანთაძემ. წყალდიდობის შედეგად დაიტბორა საცხოვრებელი სახლები ქობულეთში და მის მიმდებარე სოფლებში. ქობულეთის გამგებელმა გურამ მჟავანაძემ განაცახადა, რომ ზარალის დათვლა ჯერ ვერ ხერხდება, რადგან წყალი ჯერ კიდევ დგას დასახლებებში. ,,თუ ვინმეს მნიშვნელოვანი ზარალი მიადგა, აუცილებლად დავეხმარებით’’- აცხადებს აჭარის მთავრობის თავმჯდომარის მოადგილე. ამავე თემაზე: ქობულეთში წყალდიდობაა სრული ინფო(netgazeti.ge) Quote ლინკი სოციალურ ქსელებში გაზიარება More sharing options...
Recommended Posts