netgazeti - ქეთრინ ეშტონი საქართველოში პირველად ჩამოვა

[planetanews]

15 ივლისს საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენლი ქეთრინ ეშტონი ბათუმს ეწვევა. ეშტონი ბათუმში 15.00 საათზე ჩაფრინდება, სადაც საქართველოს პრეზიდენტს, მიხეილ სააკაშვილს შეხვდება. ვიზიტის ფარგლებში საქართველოსა და ევროკავშირს შორის ”ასოცირების შესახებ შეთნხმების” პირველი ოფიციალური მოლაპარაკება გაიმართება. დოკუმენტი ჩაანაცვლებს მანამდე არსებულ „პარტნიორობისა და თანამშრომლობის შესახებ შეთანხმებას’’.

 

დოკუმენტი საქართველოსა და ევროკავშირს შორის ურთიერთობების გაღრმავებას ითვალისწინებს. ,,აღნიშნული შეთანხმება საქართველოს მისცემს ევროკავშირთან პოლიტიკური ასოცირებისა და ეტაპობრივი ეკონომიკური ინტეგრაციის შესაძლებლობას’’, - წერია საქართველოს საგარეო საქმეთა სამინისტროს ოფიციალურ ვებგვერდზე.

 

როგორც საქართველოს საგარეო საქმეთა მინისტრმა, გრიგოლ ვაშაძემ განაცხადა, ”ასოცირების შესახებ შეთანხმება” მოიცავს ევროკავშირსა და საქართველოს შორის ღრმა და ყოვლისმომცველ, თავისუფალი სავაჭრო რეჟიმის ჩამოყალიბების შესაძლებლობას.

 

,,ეს ხელშეკრულება გულისხმობს ახალ, ხარისხობვრივად უფრო მაღალ დონეზე აყვანას საქართველო-ევროკავშრის თანამშრომლობის ყველა მიმართულებით: პოლიტიკური, ეკონომიკური, განათლების, ხალხთა შორის ურთიერთობების, უსაფრთხოების, კულტურის, სპორტის, ყველა სხვა სოციალური სფეროს მიმართულებით და ჩვენ უფრო ღრმა ინტეგრაციას ევროკავშირის ეკონომიკურ სივრცეში”, - განაცხადა ვაშაძემ.

 

მოლაპარაკებების მანდატი ”ასოცირების შესახებ შეთანხმების” თაობაძე ევროსაბჭომ საქართველოსთან ერთად აზერბაიჯანსა და სომხეთსაც დაუმტკიცა.

 

ბათუმიდან ეშტონი თბილისში ჩამოვა, სადაც დაგეგმილია შეხვედრა საქართველოს საგარეო საქმეთა მინისტრთან, გრიგოლ ვაშაძესთან. შეხვედრის შემდეგ, 20.00 საათზე ჟურნალისტებისთვის ერთობლივი პრესკონფერენცია გაიმართბა.

 

16 ივლისს, დილიდან, ეშტონი წეროვანსა და ოძისს ესტუმრება, ხოლო 11.30 საათზე სასტუმრო ,,თბილისი მერიოტში” ოპოზიციის ლიდერებს შეხვდება.

 

ვიზიტის ბოლოს ქეთრინ ეშტონი საქართველოში ევროკავშირის წარმომადგენლობის ოფისს ეწვევა.

 

 

 

სრული ინფო(netgazeti.ge)