planetanews Posted June 18, 2010 დარეპორტება გაზიარება Posted June 18, 2010 http://gtn.ge/wp-content/uploads/2010/03/ckaldidoba_guriashi_1_425830128-300x210.jpgსტიქია საქართველოში. გადაუღებელმა წვიმამ მესტიაში მდინარის ადიდება გამოიწვია. წყალმა რეგიონში 12 ხიდი წაიღო. დაზიანდა ელექტროგადამცემი ხაზებიც. რაიონს ამ დროისათვის ელექტროენერგია არ მიეწოდება. მთაში დარჩენილი ათი მწყემსი შველას ითხოვს. სოფელ ჭუბერში შეწყვეტილია სასწავლო პროცესიც. სოფელს ამ დრომდე არ მიეწოდება სასმელი წყალიც. ძლიერმა წვიმამ და ქარმა დიდი ზარალი მიაყენა აბასთუმანსაც. საკურორტო ზონაში საცხოვრებელ სახლებს სახურავები აქვს გადახდილი. დაზიანდა ელექტროგადამცემი ხაზები, რის გამოც მოსახლეობას რამდენიმე საათის განმავლობაში ელექტროენერგია არ მიეწოდებოდა. გადაადგილების პრობლემა შეიქმნა საავტომობილო გზაზეც. რაიონის მუნიციპალიტეტის თანამშრომლები შემთხვევის ადგილზე მუშაობდნენ და მოსახლეობას დახმარება გაუწიეს. ამ დროისთვის უკვე აღდგენილია ელექტროენერგიის მიწოდება. თუ რა ზარალი მიადგა აბასთუმანს სტიქიის შედეგად, ამას სპეციალური კომისია დაადგენს. ძლიერმა წვიმამ თბილისის მოსახლეობაც დააზარალა. ახმეტელის მეტროსთან მდებარე მიწისქვეშა გადასასვლელი ისევ დაიტბორა. წყალი მიწისქვეშა კომპლექსში განლაგებულ სუპერმარკეტებში, სილამაზის სალონსა და რამდენიმე პოკერ-კლუბში შევარდა. ადგილზე მობილიზირებული იყო საგანგებო სიტუაციების სამსახურიც. ძლიერი წვიმის შედეგად მიწისქვეშა კომპლექსი 2 დღის წინაც დაზარალდა. გლდანის რაიონში გუშინ საღამოს საცხოვრებელი სახლიც დაიტბორა. ძლიერი წვიმის გამო, იპოლიტე ივანოვის ქუჩაზე მდებარე სახლში საყოფაცხოვრებო ნივთები დაზიანდა. ადგილზე იმყოფებოდა სამაშველო სამსახური და შესაბამისი სამუშაოები ჩატარდა. განმეორებითი შემთხვევის თავიდან ასაცილებლად, მოსახლეობა მუნიციპალიტეტისგან დახმარებას ითხოვს. ძლიერმა წვიმამ პრობლემები შექმნა თბილისის ზღვაზეც. სანაპიროზე ჩასულმა დამსვენებლებმა გზაზე ამოსვლა ვეღარ შეძლეს. წვიმის შედეგად, რამდენიმე ავტომანქანა ტალახში ჩარჩა. შემთხვევის ადგილას საგანგებო სიტუაციების სამსახურის თანამშრომლები მივიდნენ და სპეციალური ტექნიკის გამოყენებით სამივე ავტომანქანა გზაზე ამოიყვანეს. შემთხვევის შედეგად არცერთი ავტომანქანის მძღოლი არ დაზარალებულა. 1 არხი Share View the full article Quote ლინკი სოციალურ ქსელებში გაზიარება More sharing options...
Recommended Posts