planetanews Posted June 3, 2010 დარეპორტება გაზიარება Posted June 3, 2010 http://i.dailymail.co.uk/i/pix/2010/06_01/RafaPlayers0306_482x449.jpgსტივი, “ელ ნინიო” და მასკე - შესაძლოა “ინტერში” ბენიტესს გადაჰყვნენ. რაფაელ ბენიტესი გუნდიდან გაუშვეს. ეს უკვე ცნობილია და ამ ფაქტით ზოგი ქომაგი გახარებულია, ზოგი პირიქით – შეფიქრიანებული. დიდი შანსია იმისა, რომ დათხოვნილი ბენიტესი სათავეში მილანის “ინტერს” ჩაუდგეს. არახალია ის ფაქტი, რომ ფერნანდო ტორესს მოსწონდა ესპანელი მწვრთნელი და იმასაც ამბობდა, რომ თუკი ბენიტესი “ენფილდს” დატოვებდა, იგიც იმავეს გაიმეორებდა. ასევე მოგეხსენებათ, რომ ხავიერ მასკერანომ ცოტა ხნის წინათ უკმაყოფილება გამოთქვა ქალაქ ლივერპულში ყოფით. “ინტერში” ბენიტესის შესაძლო გადასვლას ისიც უწყობს ხელს, რომ ფაბიო კაპელომ (რომელიც, მილანური გრანდის მესვეურებს თავიანთი კლუბის მწვრთნელად ჰყავდათ შეგულიანებული) ინგლისის ნაკრებთან ორი წლით გაახანგრძლივა კონტრაქტი, რამაც “ინტერს” მასზე ოცნების შანსიც არ დაუტოვა. როგორც La Gazetta Dello Sport-ი იტყობინება, რაფაელ ბენიტესს გადაწყვეტილი აქვს, რომ მასკერანო თავისთან წაიყვანოს. სტივენ ჯერარდის მომავალი მერსისაიდულ კლუბში ჯერ კიდევ გაურკვეველია, ხოლო ტორესის მილანში გადაბარგებას შესაძლოა ხელი შეუწყოს იმ ფაქტმა, თუკი “ინტერი” დიეგო მილიტოს, ან სამუელ ეტო’ოს გაყიდის (მსურველად მადრიდის “რეალი” სახელდება). Daily Mail-ი კი წერს, რომ “რეალიდან” დათხოვნილი მანუელ პელეგრინი სწორედ რაფაელ ბენიტესის შემცვლელად განიხილება. ინფორმაციის წყარო:www.Dailymail.co.uk View the full article ლინკი სოციალურ ქსელებში გაზიარება More sharing options...
Recommended Posts