epn.ge - ნატოს საპარლამენტო ანსამბლეა იმოდოვნებს, რომ ნატოსა და საქართველოს შორის ურთიერთობა გაღრმავდება

[planetanews]

საქართველოს პარლამენტის დელეგაციამ ნატოს საპარლამენტო ანსამბლეას პრენალურ სხდომაში მონაწილეობა მიიღო, რომელიც რიგაში გაიმართა.

სესიის მსვლელობისას, ნატო–საქართველოს საპარლამენტთაშორისო საბჭოს ფორმატში საქართველოს პარლამენტის დელეგაცია დეპუტატ გიორგი კანდელაკის ხელმძღვანელობით ანსამბლეის პრეზიდენტს აშშ კონგრესმენ ჯონ ტანერს, ანსამბლეის ვიცე პრეზიდენტებს კარლ ლამერსს, ჰენდრიკ ორნელს, ასენ აგოვს და გენერალურ მდივან დავიდ ჰობსს შეხვდა .

კონგრესმენმა ტანერმა და ანსამბლეის ვიცე–პრეზიდენტებმა დადებითად შეაფასეს საქართველოში მიმდინარე წლის აპრილში გამართული ნატო–საქართველოს საპარლამენტთაშორისო საბჭოს პირველი სხდომა, რომლის ფარგლებშიც საქართველოში მიმდინარე პროცესებზე ამომწურავი ინფორმაცია მიიღეს.

ვიცე–პრეზიდენტმა ასენ აგოვმა აღნიშნა, რომ ანსამბლეამ სათანადოდ უნდა შეაფასოს საქართველოში თავისუფალი და სამართლიანი არჩევნების ჩატარება რამაც დადებითი გავლენა უნდა მოახდინოს საქართველოს ნატოში ინტეგრაციის პროცესზე.

შეხვედრის მონაწილეებმა ასევე იმედი გამოთქვეს რომ საპარლამენტთაშორისო საბჭო გააგრძელებს პროდუქტიულ საქმიანობას და მნიშვნელოვან წვლილს შეიტანს საქართველოს ალიანსთან დაახლოების პროცესში.

ანსამბლეის პლენარულ სხდომაზე, საქართველოს დელეგაციის ხელმძღვანელის კითხვაზე თუ რა გავლენას მოახდენს საქართველოში გამართული ადგილობრივი არჩევნების დადებითი შეფასება ჩვენი ქვეყნის ნატოში ინტეგრაციის პროცესზე, ნატოს გენერალურმა მდივანმა ანდერს ფოგ რასმუსენმა აღნიშნა, რომ საქართველოში გამართული არჩევნები, რომლებიც, იყო თავისუფალი და სამართლიანი, აუცილებლად დადებითად აისახება საქართველოს ალიანსში ინტეგრაციაზე.

 

 

 

იხილეთ epn.ge