planetanews Posted May 20, 2010 დარეპორტება გაზიარება Posted May 20, 2010 “ალიანსი საქართველოსთვის” თბილისის მერობის კანდიდატმა ირაკლი ალასანიამ დიდი ლილოს ამომრჩევლებთან შეხვედრა გამართა და მათი პრობლემები მოისმინა. ირაკლი ალასანია ლილოს მოსახლეობასთან ერთად ნაგავსაყრელის მშენებლობასთან დაკავშირებით სასამართლოში სარჩელის შეტანას აპირებს. “უახლეს პერიოდში მოსახლეობასთან ერთად შეგვაქვს სარჩელი. თქვენ იცით, რომ მერიამ, აბსოლუტურად საიდუმლოდ გადაწყვიტა ნაგავსაყრელის დიდი ლილოს ტერიტორიაზე გადმოტანა; პრაქტიკულად, წაართვა ადამიანებს კერძო საკუთრება და მათ პასუხსაც არავინ სცემს“ - განაცხადა ირაკლი ალასანიამ.მისივე თქმით, წლების განმავლობაში, ამ ადამიანებისთვის არაფერი შეცვლილა; თითქოს თანხები დაიხარჯა წყალმომარაგების მოწესრიგებაზე, თუმცა დიდი ლილოს მოსახლეობისთვის ერთ-ერთი ყველაზე დიდი პრობლემა წყლის პრობლემაა; მათ წყალი დღეში, დაახლოებით, ერთი საათი აქვთ. “ამ ადამიანებს მერიის მხრიდან სჭირდებათ მზრუნველობა, რაც 6 წლის განმავლობაში არ უგრძვნიათ. ამ ხალხზე პასუხისმგებლობა, პრაქტიკულად, მოხსნილი აქვს მერიას და სწორედ ეს მიდგომა შეიცვლება”, – განაცხადა ირაკლი ალასანიამ. ნახეთ Quote ლინკი სოციალურ ქსელებში გაზიარება More sharing options...
Recommended Posts