epn.ge - გოგი თოფაძე: ოღონდ არჩევნებზე 5 ნომერი არ შემოხაზოთ და რომელიც გინდათ ის შემოხაზეთ

[planetanews]

http://www.epn.ge/wp-content/uploads/tofaze-gogi1-150x150.jpg “სასტუმრო შერატონ მეტეხი პალასში” თბილისის მერობის კანდიდატები 5 უმაღლესი სასწავლებლის სტუდენტებს შეხვდნენ.

 

 

შეხვედრაზე, რომელიც ‘გეოპოლიტიკური კვლევების საერთაშორისო ცენტრის’ ორგანიზებით გაიმართა, მონაწილეობა თბილისის მერობის სამმა კანდიდატმა – გოგი თოფაძემ, ირაკლი ალასანიამ და გია ჭანტურიამ მიიღეს.

 

 

მერობის კანდიდატებმა, სტუდენტებს თავიანთი საარჩევნო პროგრამა წარუდგინეს.

 

 

მოგვიანებით, შეხვედრა კითხვა -პასუხის რეჟიმში წარიმართა.

 

 

შეხვედრაში მონაწილეობა ხუთი უმაღლესი სასწავლებლის – “თბილისის სახელმწიფო უნივერსიტეტის”, “კავკასიის ბიზნეს სკოლის”, ‘”ჯიპას”’, “ილიას უნივერსიტეტისა” და “ტექნიკური უნივერსიტეტის” სტუდენტებმა მიიღეს.

 

 

რაც შეეხება ალიანსის’მერობის კანდიდატს ირაკლი ალასანიას არჩევნებში მთავარ კონკურენტს დამარცხებულად მიიჩნევს, – ამის შესახებ ალასანიამ “სასტუმრო ‘შერატონ მეტეხი პალასში”’ სტუდენტებთან შეხვედრისას ერთ – ერთი სტუდენტის კითხვის პასუხად განაცხადა.

 

 

“დღეს ჩემს მთავარ კონკურენტს დამარცხებულად მივიჩნევ, რადგან ამომრჩეველთა უმრავლესობა არჩევნებზე მოსვლას აპირებს, დანარჩენი კი 30 მაისს გამოჩნდება”’, – აღნიშნა ალასანიამ.

 

 

შეხვედრაზე, ასევე, მიწვეული იყო თბილისის მოქმედი მერი, მერობის კანდიდატი გიგი უგულავაც, რომელიც “შერატონ მეტეხი პალასში”’არ გამოცხადდა.

 

 

სტუდენტებმა თბილისის მერობის კანდიდატებთან შეხვედრაზე გიგი უგულავას მიუსვლელობა გააპროტესტეს.

 

 

კითხვა – პასუხის რეჟიმში გადასვლის დროს, თბილისის სახელმწიფო უნივერსიტეტის სტუდენტმა, თამარ კაკაბაძემ სამწუხარო უწოდა იმ ფაქტს, რომ უგულავა სტუდენტებთან შეხვედრაზე არ მივიდა.

 

 

ქრისტიან – დემოკრატების’ მერობის კანდიდატი გია ჭანტურია კი სასტიკად უარყოფს და არ ადასტურებს გავრცელებულ ინფორმაციას იმის თაობაზე, რომ თითქოს ის ინტერპოლის მიერ არის ძებნილი.

 

 

თბილისის სახელმწიფო უნივერსიტეტის სტუდენტის, თამარ კაკაბაძის შეკითხვაზე – ‘”ხართ თუ არა ძებნილი წითელი ცირკულარით”?’,

 

 

ჭანტურიამ განაცხადა, რომ საქართველოდან არ გაპარულა და არავითარი ცირკულარით არ იძებნება.

 

 

“მე ისეთი არაფერი გამიკეთებია, რომ საქართველოდან გავპარულიყავი. გავრცელებული ინფორმაცია, თითქოს საბარგულით გადავიპარე – სიმართლეს არ შეესაბამება, იმ მარტივი მიზეზის გამო, რომ საბარგულში ვერ ვეტევი’, – აღნიშნა ჭანტურიამ და განაცხადა, რომ უკვირს იმ ადამიანების, რომლებიც ამას ადასტურებენ.

‘

მისივე თქმით, იმ ადამიანებს, ვისაც სჯერათ, თითქოს ჭანტურია ძებნილია, არჩევნების შემდეგ აუხსნის, რომ ეს სიმართლე არ არის.

 

 

გოგი თოფაძემ სტუდენტებს თხოვნით მიმართა:

 

 

“ოღონდ 5 ნომერი არ შემოხაზოთ და რომელიც გინდათ ის შემოხაზეთ”. – აღნიშნა თოფაძემ.

 

 

შეგახსენებთ, რომ ღონისძიება პროექტი – “სტუდენტების სამოქალაქო ცნობიერების ამაღლება არჩევნებთან დაკავშირებით” ფარგლებში განხორციელდა.

 

 

პროექტის თანახმად, ჩატარდა გამოკითხვა – ‘”თბილისის მერობის რომელ კანდიდატთან ისურვებდით შეხვედრას?’ – სტუდენტების უმრავლესობამ

მხარი ოთხ კანდიდატს: ირაკლი ალასანიას, გოგი თოფაძეს, გია ჭანტურიას და გიგი უგულავას დაუჭირა.

 

 

 

 

იხილეთ epn.ge