epn.ge - ფაშისტური ოკუპაციის თემატიკაზე საქართველოში 15 ფილმს გადაიღებენ

[planetanews]

http://www.epn.ge/wp-content/uploads/Malashxia-Shota011-150x130.jpgფაშისტური ოკუპაციის თემატიკაზე საქართველოში 15 ფილმს გადაიღებენ, რომელთა ჩვენება ,,დისქავერსა’’ და ,,ჰისტურიზეც’’ მოხდება.

 

 

როგორც ჟურნალისტებს პარლამენტის ტერიტორიული მთლიანობის აღდგენის საკითხთა დროებითი კომისიის თავმჯდომარე შოთა მალაშხიამ განუცხადა, ფილმებში ასახული იქნება ის ანალოგიები, რაც დღევანდელ ოკუპაციას ფაშისტურ და საბჭოთა ოკუპაციებთან აქვს.

 

 

მისი თქმით, ფაშისტური ოკუპაცია, საბჭოთა ოკუპაცია, დღევანდელი ოკუპაციები ერთმანეთის ანალოგიურია, რისი უამრავი მაგალითიც არსებობს და კომისია, პირველი არხი და კულტურის სამინისტრო გააკეთებს 15 ფილმს, სადაც ეს პარალელები იქნება ასახული და ამ ფილმებს, არა მხოლოდ ქართული საზოგადოება, არამედ საეთაშორისო საზოგადოებაც იხილავს.

 

 

მალაშხიას განმარტებით, ფილმებში იქნება გაკეთებული შედარებები სტალინის, გიტლერის და მედვედევ-პუტინის ცნობილ გამოსვლებს შორის, ასევე, ოკუპაციების სრული ანალოგიების სხვა მაგალითები.

 

 

მალაშხია იმედოვნებს, რომ ფილმები, რომელიც კულტურის სამინისტროს 200 ათასი ლარი დაუჯდება, მნიშვნელოვან ზეგავლენას მოახდენს საერთაშორისო საზოგადოებაზე საქართველოს სასარგებლოდ.

 

 

 

 

იხილეთ epn.ge