epn.ge - ქრთამის შეთავაზებს ფაქტზე თურქეთის ორი მოქალაქე დააკავეს

[planetanews]

http://www.epn.ge/wp-content/uploads/dakaveba3-334x5008-150x150.jpgქრთამის შეთავაზებს ფაქტზე შემოსავლების სამსახურის „წითელი ხიდის” საბაჟო-გამშვები პუნქტის მებაჟეებმა თურქეთის ორი მოქალაქე დააკავეს.

 

 

ფინანსთა სამინისტროს იფორმაციით, ისინი აზერბაიჯანის მხრიდან კუსტარულად დამონტაჟებული ავზებით ცდილობდნენ შემოეტანათ დიზელის საწვავი, რისთვისაც მათ ქართველ მებაჟეებს ქრთამი შესთავაზეს. აღსანიშნავია, რომ მიმდინარე კვირას ქართველმა მებაჟეებმა საწვავის უკანონოდ შემოტანის ეს უკვე მეოთხე ფაქტი აღკვეთეს.

 

 

„ადმინისტრაციული ჯარიმის თავიდან აცილების მიზნით, ერთმა მძღოლმა მებაჟეს 100, ხოლო მეორემ – 30 დოლარი შესთავაზა. შედეგად, მოხდა მათი დაკავება. შემოსავლების სამსახური კვლავ გააგრძელებს აქტიურ ბრძოლას საბაჟო სამართალდარღვევათა წინააღმდეგ,” – განაცხადა შემოსავლების სამსახურის რუსთავის რეგიონული ცენტრის უფროსმა ამირან გვაზავამ.

საქმე გადაეცა შსს-ს შესაბამის სამსახურს. ამჟამად მიმდინარეობს გამოძიება.

 

 

 

 

იხილეთ epn.ge