epn.ge - მოძრაობამ ,,7 ნოემბერი” და მოძრაობამ ,,გადაარჩინე სიცოცხლე” პოლიციის თანამშრომლის გათავისუფლება გააპროტესტეს

[planetanews]

http://www.epn.ge/wp-content/uploads/IMG_0956-150x150.jpgმოძრაობამ ,,7 ნოემბერი” და მოძრაობამ ,,გადაარჩინე სიცოცხლე” დღეს, დარბაზ ,,ჯაზუში” საგანგებო პრესკონფერენცია გამართეს.

 

 

მათი განცხადებით, ისინი გიორგი გამცემლიძის მკვლელის, პოლიციის თანამშრომელის, ვახტანგ აბუაშვილის ციხიდან გათავისუფლებას აპროტესტებენ.

 

 

როგორც მოძრაობა ,,7 ნოემბრის” წევრმა, ჯაბა ჯიშკარიანმა ,,ექსპრესნიუსს” განუცხადა, ვახტანგ აბუაშვილმა 28 წლის ახალგაზრდა სრულიად უმიზეზოდ მოკლა და მას მხოლოდ 2 წლით თავისუფლების აღკვეთა მიესაჯა.

 

 

,,ჩვენ ვაპროტესტებთ ამ უსამართლობას, რათა ჩვენს ქვეყანაში მოქალაქეები არ გადაიქცნენ გამცემლიძეებად, ვაზაგაშვილებად, გირგვლიანებად, შავაძეებად, რობაქიძეებად და ათასობით უდანაშაულო მსხვერპლად”,- აღნიშნა ჯიშკარიანმა.

 

 

მისივე თქმით, მოძრაობა ,,7ნოემბერის” წევრები, ხვალ 1 საათზე, ზანდუკელის ქუჩაზე კიდევ ერთხელ შეიკრიბებიან და გააპროტესტებენ ამ უსამართლობას.

 

 

გიორგი გამცემლიძე პოლიციის თანამშრომელმა, ვახტანგ აბუაშვილმა 2 წლის წინ მოკლა. მან ცეცხლსასროლი იარაღით 28 წლის ახალგაზრდას კეფაში სასიკვდილო ჭრილობა მიაყენა. სასამართლოს გადაწყვეტილებით ეს იყო გამაფრთხილებელი გასროლა და პოლიციის თანამშრომელს 2 წლით თავისუფლების აღკვეთა მიესაჯა.

 

 

 

 

იხილეთ epn.ge