epn.ge - ქართული ღვინის III ეროვნული კონკურში გამარჯვებულებს დღეს დააჯილდოვებენ

[planetanews]

http://www.epn.ge/wp-content/uploads/gvino1-150x150.jpgღვინის ისტორიის ფონდის, საქართველოს სავაჭრო-სამრეწველო პალატის და საქართველოს ეროვნული მუზეუმის ორგანიზებით ჩატარებულ ქართული ღვინის III ეროვნული კონკურს “საქართველო ღვინის სამშობლო” გამარჯვებულებს დღეს დააჯილდოვებენ.

 

 

როგორც “ექსპრესნიუსს” სავაჭრო-სამრეწველო პალატიდან აცნობეს კონკურსში მონაწილეობას 34 ღვინის კომპანია იღებს საქართველოს სხვადასხვა რეგიონებიდან.

 

 

მათივე ინფორმაციით, მათ მიერ წარმოდგენილი ღვინოების დეგუსტაცია და შეფასება მოხდება “ბრმა მეთოდით” ჟიურის მიერ, რომელიც დაკომპლექტებულია ცნობილი ღვინის ექსპერტებით დიდი ბრიტანეთიდან (ტომ კანავანი-ჟიურის თავმჯდომარე, დოქტორი ქეროლაინ გილბი, მარგარეტ რანდი), ჰოლანდიიდან, (პოლ ოფ ტენბერგი), ფინეთიდან (ტიმო იოკინენი), შვედეთიდან (კატარინა ალვინი), ამერიკის შეერთებული შტატებიდან (ლორან ჟინარი) და საქართველოდან (ანა გოდაბრელიძე).

 

 

გამარჯვებული ღვინოები დაჯილდოვდებიან ოქროს და ვერცხლის მედლებით. ოქროს მედლის მფლობელებს გადაეცემათ სპეციალურად შექმნილი პრიზი.

 

 

კონკურსის ”საქართველო ღვინის სამშობლო” სპონსორები არიან:

ოქროს სპონსორი – პსპ; ვერცხლის სპონსორი – ჯეოსელი;

სპონსორები: შპს ლუკოილი; გუდვილი; სს ბანკი რესპუბლიკა-ჯგუფი სოსიეტე ჟენერალი; ავერსი; სს ბორჯომი; სს თიბისი ბანკი; ჭილჰელმსენ შჰიპ შერვიცე

 

 

 

 

იხილეთ epn.ge