epn.ge - “ერისიონის” საიუბილეო კონცერტები ხვალიდან იწყება

[planetanews]

http://www.epn.ge/wp-content/uploads/erisioni-150x150.jpgხალხური სიმღერისა და ცეკვის ანსამბლი “ერისიონი” 125 წლის საიუბილეო კონცერტს 6,7,8 და 9 მაისს ფილარმონიის დიდ საკონცერტო დარბაზში გამართავს.

 

 

ამასთან დაკავშირებით, “ერისიონის” სამხატვრო ხელმძღვანელმა, ჯემალ ჭკუასელმა პრესკონფერენცია გამართა.

 

 

ჯემალ ჭკუასელის თქმით, საიუბილეო კონცერტებზე ორი ახალი სიმღერა და ცეკვებში შეცვლილი ვარიანტულობა იქნება.

 

 

“ერისიონის” სამხატვრო ხელმძღვანელმა პრესკონფერენციაზე ფრანგი ფოტოგრაფი ფრანცის პრიმერსკი წარადგინა.

 

 

“საფრანგეთში “ერისიონის” ანსამბლის სტუმრობისას ფრანცის პრიმერსკი გავიცანით. იმ დღიდან მოყოლებული იგი ჩვენ ტურნეებში დაგვყვება და ამ ყველაფერის ფოტო და ვიდეო მასალა სწორედ მას ეკუთვნის. ასევე ჩვენს რეკლამებში და პრომოებში გამოყენებული მასალაც მისია,” – განაცხადა ჭკუასელმა.

 

 

ფრანცის პრიმერკსი “ერისიონზე” დოკუმენტური ფილმის გადაღებასაც გეგმავს.

 

 

ანსამბლი “ერისიონის” პირველი ჩატარებული კონცერტიდან 125 წელი ნოემბერში გადის. ჯემალ ჭკუასელის განცხადებით, ამასთან დაკავშირებით, ნოემბრის შუა რიცხვებში კონცერტი იგეგმება.

 

 

 

 

იხილეთ epn.ge