epn.ge - მელიქიშვილი: ელექტროენერგიის წყლის და გაზის საფასურის დაკლების შეპირება სიცრუეა

[planetanews]

http://www.epn.ge/wp-content/uploads/img.php_-150x150.jpgსაპარლამენტო უმრავლესობის წევრი ზურაბ მელიქიშვილი ,,ქრისტიან-დემოკრატებს’’ მოუწოდებს 30 მაისის არჩევნებთან დაკავშირებით დაპირებები საზოგადოებას განუმარტონ, რომ მათ დაპირებები ,,სიცრუედ’’ არ ჩაეთვალოთ.

 

 

პარლამენტის დღევანდელ რიგგარეშე სხდომაზე მელიქიშვილი ,,ქრისტიან-დემოკრატების’’ დაპირებებს მას შემდეგ გამოეხმაურა, რაც ფრაქციის თავმჯდომარე გიორგი ახვლედიანმა პრეზიდენტის ინტერვიუ გააკრიტიკა.

 

 

,,ახვლედიანის ცინიზმი ცნობილია, თუმცა მას ავიწყდება საქართველოში როგორ ცხოვრობდა გასულ წლებში, როცა შუქი არ იყო და თუ იყო ისიც დღეში ერთი საათი’’, – აღნიშნა დეპუტატმა.

 

 

მელიქიშვილის თქმით, ,,ქრისტიან-დემოკრატების’’ დაპირება, რომ მათი ხელისუფლებაში მოსვლის შემთხევვაში საქართველოში ელექტროენერგიის, წყლის და გაზის საფასური დაიკლებს სიცრუე იქნება, თუკი არ იქნება განმარტებული, რომ ეს მოხდება ჯანდაცვის და პენსიების დაფინანსების შემცირების ხარჯზე.

 

 

,,ტყუილია, რომ ყველაფერი უფასო იქნება. ახვლედიანის განცხადება, რომ მსოფლიო თურმე ქართველებს ნავთობსადენის გამო სცემს პატივს და ამის გამო არ შემოვიდნენ თბილსში ტანკები სირცხვილია’’, – განაცხადა მელიქიშვილმა.

 

 

 

 

იხილეთ epn.ge