epn.ge - კოტეჯური ტიპის დასახლებების მშენებლობის მონიტორინგის შედეგებს წარადგენენ

[planetanews]

http://www.epn.ge/wp-content/uploads/qortiadi-150x150.jpgსასტუმრო “ქორთიარდ მარიოტში” დღეს ფონდი “ღია საზოგადოება – საქართველო” და საერთაშორისო გამჭვირვალობა – საქართველო” კოტეჯური ტიპის დასახლებების მშენებლობის მონიტორინგის შედეგებს წარმოადგენს.

როგორც ~ექსპრესნიუსს~ ფონდ “ღია საზოგადოება – საქართველოდან” აცნობეს, ანგარიში ყურადღებას ამახვილებს მშენებლობის ხარისხზე, რომელიც რამდენიმე დამოუკიდებელმა ინჟინერმა შეაფასა, ასევე, მშენებლობაზე პასუხისმგებელ უწყებებზე, გაწეულ ხარჯებზე და ხელისუფლების მხრიდან მშენებლობის პროცესის ზედამხედველობასა და ამ კუთხით მის ანგარიშვალდებულებაზე.

ანგარიში – “კოტეჯური ტიპის დასახლებები ახალი დევნილებისთვის საქართველოში: ანგარიშვალდებულება დახმარებისა და მშენებლობის პროცესში”, ასახავს, თუ როგორ მიმდინარეობდა საქართველო-რუსეთის 2008 წლის ომის შედეგად დევნილი მოსახლეობისთვის კოტეჯური ტიპის დასახლებების მშენებლობის პროცესი.

დასკვნით ნაწილში ხელისუფლებას და დონორებს ანგარიშის ავტორები რეკომენდაციებს სთავაზობენ იმასთან დაკავშირებით, თუ რა უნდა გაითვალისწინონ 1990-იანი წლების დევნილების საცხოვრებელი პირობების გასაუმჯობესებლად.

 

 

 

 

იხილეთ epn.ge