epn.ge - პარლამენტში ჩერქეზთა განადგურებისა და დეპორტაციის ფაქტების გენოციდად შეფასებასთან დაკავშირებით დისკუსიები გაიმართება

[planetanews]

http://www.epn.ge/wp-content/uploads/wiklauri-nugzar-150x150.jpgსაქართველოს პარლამენტში ჩერქეზთა მასიური განადგურებისა და დეპორტაციის ფაქტების გენოციდად შეფასებასთან დაკავშირებით დისკუსიები გაიმართება.

 

 

ამის შესახებ დღეს გამართულ პრესკონფერენციაზე ქართულ დიასპორებთან ურთიერთობის კომიტეტის ხელმძღვანელმა ნუგზარ წიკლაურმა განაცხადა.

 

 

წიკლაურის თქმით, 21-22 მარტს ჯეიმსთაუნის ფონდის ორგანიზებით გამართულ სამეცნიერო კონფერენციაზე ,,უცნობი ერები – უწყვეტი დანაშაული’’ გამოიკვეთა მოცემული საკითხის უფრო კომპლექსური შესწავლის აუცილებლობა.

 

 

დეპუტატის შეფასებით, საქართველოსთვის ამ საკითხს განსაკუთრებული მნიშვნელობა აქვს, ვინაიდან ქვეყანას კავკასიის ხალხებთან არა მხოლოდ წარსული, არამედ საერთო მომავალიც აკავშირებს.

 

 

შეგახსენებთ, რომ აღნიშნული თხოვნით საქართველოს პარლამენტს ჩერქეზთა დიასპორის წარმომადგენლებმა მიმართეს.

 

 

ამასთან, პარლამენტში აღნიშნულ საკითხზე შეხვედრები შესაძლოა უკვე მიმდინარე კვირას დაიწყოს.

 

 

 

 

იხილეთ epn.ge