epn.ge - უალკოჰოლო გამაგრილებელ სასმელების ფალსიფიცირების ფაქტზე ორი მოქალაქე დააკავეს

[planetanews]

http://www.epn.ge/wp-content/uploads/dakaveba516-150x150.jpgფინანსთა სამინისტროს საგამოძიებო სამსახურის თანამშრომლებმა კახეთისა და იმერეთის რეგიონში ადამიანის სიცოცხლისა და ჯანმრთელობისათვის საშიში პროდუქციის დამზადება-რეალიზაციის ფაქტზე ორი მოქალაქე: შოველი მჭედლიშვილი და მერაბ ბრეგაძე დააკავეს.

 

 

ფინანსთა სამინისტროს ინფორმაციით, დაკავებულები მათსავე კუთვნილ საცხოვრებელ ბინებში მოწყობილ კუსტარულ საამქროებში ასხამდნენ სხვადასხვა დასახელების ფალსიფიცირებულ უალკოჰოლო გამაგრილებელ სასმელებს.

 

 

ექსპერტიზის დასკვნის მიხედვით, აღნიშნული სასმელები თავიანთი ორგანოლეპტიკური, ფიზიკო-ქიმიური და მიკრობიოლოგიური მაჩვენებლებით არ შეესაბამება, როგორც სტანდარტით, ასევე სამედიცინო ნორმებით დადგენილ მოთხოვნებს, შეცვლილი აქვს თვისობრიობა, მათში აღმოჩენილია ნაწლავური ჩხირები, რაც ადამიანის სიცოცხლისა და ჯანმრთელობისათვის საშიშროებას წარმოადგენს.

 

 

სამართალდამცველებმა ორივე კუსტარული საწარმო დალუქეს და ფალსიფიცირებული პროდუქციის დიდი ნაწილი სარეალიზაციო ქსელიდან ამოიღეს.

 

 

მიმდინარეობს წინასწარი გამოძიება საქართველოს სისხლის სამართლის კოდექსის 197-ე და 198-ე მუხლებით, რაც ითვალისწინებს თავისუფლების აღკვეთას სამიდან ხუთ წლამდე ვადით.

 

 

 

 

იხილეთ epn.ge