epn.ge - ველისციხეში ახლობლები და ოჯახის წევრები ერთმანეთს ეძებენ

[planetanews]

http://www.epn.ge/wp-content/uploads/0608cbee478a1d7f83a098f88956820d-150x150.jpgგურჯაანის მუნიციპალიტეტის სოფელ ველისციხეში ახლობლები და ოჯახის წევრები ერთმანეთს ეძებენ.

 

 

ამის შესახებ “ექსპრესნიუსს” კახეთიდან აცნობეს.

 

 

ადგილობრივების თქმით, წუხელ ღამით, პანიკის შედეგად საცხოვრებელი სახლები ისე დატოვეს, რომ მობილური ტელეფონების აღებაც კი ვერ მოასწრეს.

 

 

ველისციხიდან 600-მდე ოჯახია ევაკუირებული. მოსახლეობის ნაწილი თავს მეზობელ სოფლებში ნათესავებს აფარებს, ნაწილი კი სოფლის კულტურის სახლშია დაბანაკებული. ასობით ადამიანი ქუჩაშია და ახალი ინფორმაციის გაგებას ელოდება. სოფელში შსს-ს სპეცრაზმი და საპატრულო პოლიციაა მობილიზებული. უსაფრთხოების მიზნით, მდინარე ჭერმის ხევის პირას მდებარე საცხოვრებელ სახლებში მოსახლეობას ამ დრომდე არ უშვებენ.

 

 

შეგახსენებთ, რომ წვიმების შედეგად სოფელ ჭერმის თავში მდებარე წყალსაცავში წყლის რაოდენობა გაიზარდა, დამცავი ჯებირი დაზიანდა და შესაძლოა, რომ წყალი გადმოვიდეს და ველისციხეს გადაუაროს. ჭერმის წყალსაცავი 10 ჰა ტერიტორიას მოიცავს და 28 მ სიღრმისაა.

 

 

 

 

იხილეთ epn.ge