epn.ge - ბაღაფშმა ორტეგა აფხაზეთის უმაღლესი ორდენით დააჯილდოვა

[planetanews]

http://www.epn.ge/wp-content/uploads/10865-150x150.jpgაფხაზეთის დეფაქტო პრეზიდენტმა სერგეი ბაღაფშმა ნიკარაგუას პრეზიდენტი დანიელ ორტეგა აფხაზეთის უმაღლესი ჯილდოთი, პირველი ხარისხის ღირსებისა და დიდების ორდენით დააჯილდოვა.

 

 

მეორე ხარისხის ღირსების და დიდების ორდენი ბაღაფშმა ნიკარაგუას საგარეო საქმეთა მინისტრ სამუელ სანტოს ლოპესს გადასცა.

 

 

აფხაზი სეპარატისტების ლიდერმა ნიკარაგუას ხალხს აფხაზეთის აღიარებაში გამოჩენილი მამაცობისთვის მადლობა გადაუხადა.

 

 

ნიკარაგუას დელეგაცია აფხაზეთში დიპლომატიური ურთიერთობების დასამყარებლად ჩავიდა. მანამდე სანტოს ლოპესი ცხინვალს ეწვია, სადაც ნიკარაგუასა და ე.წ სამხრეთ ოსეთს შორის დიპლომატიური ურთიერთობების დამყარების შესახებ დეკლარაციას მოეწრა ხელი.

 

 

ამ დროისთვის აფხაზეთის და ე.წ. სამხრეთ ოსეთის დამოუკიდებლობას რუსეთი, ვენესუელა, ნიკარაგუა და ნაურუ აღიარებენ.

 

 

 

 

იხილეთ epn.ge