epn.ge - სუბელიანი საერთაშორისო ორგანიზაციებს ოკუპირებულ ტერიტორიებზე მცხოვრები მოსახლეობისთვის სამედიცინო დახმარების გაწევას სთხოვს

[planetanews]

http://www.epn.ge/wp-content/uploads/Subeliani-Koba5-150x130.jpgლტოლვილთა და განსახლების მინისტრი კობა სუბელიანი საერთაშორისო ორგანიზაციებს ოკუპირებულ ტერიტორიებზე მცხოვრები მოსახლეობისთვის სამედიცინო დახმარების გაწევას სთხოვს.

 

 

როგორც ტერიტორიული მთლიანობის აღდგენის დროებითი საპარლამენტო კომისიის დღევანდელ სხდომაზე სუბელიანმა განაცხადა, მოსალოდნელი რეპრესიების გამო, ოკუპირებულ ტერიტორიებზე მცხოვრები მოსახლეობა საქართველოს ჯანდაცვის მომსახურებით ვერ სარგებლობს.

 

 

სუბელიანის ინფორმაციით, საქართველოში მკურნალობა ოკუპირებულ ტერიტორაზე მცხოვრებმა 25-მა მოქალაქემ გაიარა, თუმცა მათი ოჯახის წევრების მიმართ, სხვადასხვა სახით, რეპრესიები განხორციელდა.

 

 

მინისტრმა საკანონმდებლო ორგანოსა და აფხაზეთის ლეგიტიმური სტრუქტურების წარმომადგენლებს მოუწოდა, საერთაშორისო ორგანიზაციებთან დაისვას საკითხი, რომ შემუშავდეს მექანიზმი, რომლის მეშვეობიტაც ოკუპირებულ ტერიტორიაზე მცხოვრებ მოსახლეობას მკურნალობის საშუალება უსაფრთხოდ მიეცემა.

 

 

 

 

იხილეთ epn.ge