epn.ge - აჭარის საარქივო სამმართველო ეროვნული არქივის ერთიან ელექტრონულ სისტემაში ჩაერთო

[planetanews]

http://www.epn.ge/wp-content/uploads/iusticiisaministri9-150x130.jpgაჭარის ავტონომიური რესპუბლიკის საარქივო სამმართველო იუსტიციის სამინისტროს ეროვნული არქივის მოქალაქეთა მომსახურების ერთიან ელექტრონულ სისტემაში ჩაერთო.

 

 

დღეიდან მოქალაქეებსა და ორგანიზაციებს საშუალება მიეცათ, ელექტრონულ პროგრამაში ჩართული არქივების მომსახურება ადგილზე ჩაუსვლელად მიიღონ.

 

 

პროგრამის პრეზენტაცია ეროვნული არქივის გენერალური დირექტორის მოადგილემ გოგიტა ჭეჟიამ დღეს ბათუმში გამართა.

 

 

“დისტანციურ მომსახურებასთან ერთად, მოქალაქეებს უკვე შეუძლიათ ისარგებლონ დაჩქარებული მომსახურებითაც. ცნობებისა და სხვა დოკუმენტების მიიღება ორდინალურ, 10-დღიან ვადასთან ერთად, შესაძლებელი გახდა განცხადების შეტანიდან იმავე დღეს, 24 საათის გასვლისთანავე, მესამე ან მეხუთე დღეს”,- განაცხადა გოგიტა ჭეჟიამ.

 

 

იუსტიციის სამინისტროს ინფორმაციით, სპეციალური პროგრამა ერთი მხრივ, მოქალაქეს უმარტივებს მომსახურების მიღებას, მეორე მხრივ, მნიშვნელოვნად აჩქარებს დოკუმენტის მოძიების შიდა პროცედურებს.

 

 

ეროვნულ არქივში სხვადასხვა სახის მომსახურების მისაღებად მისულ მოქალაქეს განცხადების ხელით შევსება და პირადობის მოწმობის ასლის წარდგენა აღარ უწევს. მათ მოთხოვნას მოქალაქეთა მისაღების თანამშრომლები ელექტრონულ პროგრამაში თავად არეგისტრირებენ. ამასთან, მომსახურების პროგრამას წვდომა აქვს სამოქალაქო რეესტრის ბაზასთან, საიდანაც პიროვნების სარეგისტრაციო მონაცემების თაობაზე ინფორმაციას ონლაინ რეჟიმში იღებს.

 

 

 

 

იხილეთ epn.ge