epn.ge - პოლოლიკაშვილი რეგიონების დელეგირების მომხრეა

[planetanews]

http://www.epn.ge/wp-content/uploads/pololikashvili-zura2-150x130.jpgეკონომიკური განვითარების მინისტრის ზურაბ პოლოლიკაშვილის შეფასებით, რეგიონებს რაც უფრო მეტი დელეგირება ექნებათ, მით უფრო უკეთესი იქნება.

 

 

როგორც პოლოლიკაშვილმა დღეს, მთავრობის კანცელარიაში სამუშაო შეხვედრის დაწყების წინ განაცხადა, 10 დღის წინ ის ბათუმში ლევან ვარშალომიძეს შეხვდა და ყველა საკითხი დეტალურად განიხილეს.

 

 

“ჩვენ დღეს მზად ვართ კიდევ ერთხელ მოვუსმინოთ მას. თუმცა, ბათუმში 10 დღის წინ გამართულ 2 საათიან შეხვედრაზე დეტალურად განვიხილეთ ყველაფერი და შევთანხმდით,” – განაცხადა პოლოლიკაშვილმა.

 

 

შეგახსენებთ, რომ საქართველოს მთავრობის წევრები დღეს

აჭარის ავტონომიური რესპუბლიკის მთავრობის თავმჯდომარეს, ლევან

ვარშალომიძეს მოუსმენენ.

 

 

ლევან ვარშალომიძე აჭარისთვის ადმინისტრაციული უფლებამოსილების

დელეგირებას ითხოვს. აჭარის ავტონომიური რესპუბლიკის მთავრობის

თავმჯდომარე ამბობს, რომ აჭარის სამინისტროები ვერ იღებენ უმარტივეს

ტექნიკურ გადაწყვეტილებებს და ელოდებიან თბილისელი ბიუროკრატის მიერ

მისთვის უცნობ საკითხზე ხელმოწერას.

 

 

ვარშალომიძე აცხადებს, რომ ამ პრობლემების მოსაგვარებლად პრემიერ

მინისტრს 2009 წლიდან წერილებს უგზავნის, თუმცა ისინი ნიკა გილაურის

მხრიდან უპასუხოდ რჩება.

 

 

შეხვედრას დღეს პრემიერ-მინისტრი ნიკა გილაური არ დაესწრება.

საკითხების გარკვევა დღეს მინისტრთა კაბინეტში მოხდება.

 

 

 

 

იხილეთ epn.ge