planetanews Posted April 9, 2010 დარეპორტება გაზიარება Posted April 9, 2010 http://www.epn.ge/wp-content/uploads/tugushi-giorgi3-150x150.jpgგალის რაიონში წირვა ლოცვას რუსეთის სპეცსამსახურის თანამშრომლები აღავლენენ. ამ პრობლემით სახალხო დამცველს, გიორგი ტუღუშს გალის რაიონის წარმომადგენლებმა მიმართეს. მათი განცხადებით, გალელების უფლებები უხეშად ირღვევა. მათ ეკრძალებათ წირვა-ლოცვებზე დასწრება. გაძარცვული და დანგრეულია ქართული ეკლესია-მონასტრები, გამოძევებულია ქართველი მღვდელმსახური, რომელიც ქართულ ენაზე აღავლენდა ლოცვებს. გიორგი ტუღუშის განცხადებით, მან წაიკითხა გალელების მიერ გამოგზავნილი წერილი და აუცილებლად მიიღებს საჭირო ზომებს. ,,გალის მოსახლეობას ადრე საშუალება ჰქონდათ ზუგდიდში დასწრებოდნენ წირვა-ლოცვებს, მაგრამ ახლა რუსის ჯარი მათ საზღვარზე გადასვლის საშუალებას არ აძლევს. ადგილზეა საერთაშორისო ნორმების უხეში დარღვევა. გამოდევნილია ქართველი მოძღვარი და განადგურებულია ისტორიული ძეგლები”,- აღნიშნა ტუღუშმა. მისი თქმით, იგი გამოიყენებს ყველა საერთაშორისო მექანიზმს მათ დასახმარებლად. ასევე შემდეგ ანგარიშში ამ თემას სპეციალურ თავს დაუთმობს. იხილეთ epn.ge Quote ლინკი სოციალურ ქსელებში გაზიარება More sharing options...
Recommended Posts