epn.ge - გამსახურდიას განაჩენზე საქალაქო სასამართლო განმარტებას აკეთებს

[planetanews]

http://www.epn.ge/wp-content/uploads/SHENOBEBI2-150x150.jpgთბილიის საქალაქო სასამართლოში ცოტნე გამსახურდიას განაჩენზე კომენტარი სასამართლოს პრეს-სპიკერმა ეკა არეშიძემ გააკეთა.

 

 

მისი განცხადებით, სასამართლომ გამსახურდია დამნაშავედ ცნო დავით ბაჯელიძის განზრახ მკვლელობის მცდელობასა და ცეცხლსასროლი იარაღის მართლსაწინააღმდეგო შეძენა-შენახვასა და ტარებაში.

 

 

დანაშაულთა ეთობლიობით სასამართლომ გამსახურდიას სასჯელი 9 წლითა და 6 თვით თავისუფლების აღკვეთა განუსაზღვრა.

 

 

პრეს-სპიკერის განცხადებით, ცოტნე გამსახურდიამ წარდგენილ ბრალდებაში თავი დამნაშავედ არ სცნო, თუმცა სასამართლოს მიერ გამოკვლეული და საქმეში არსებული სხვა მტკიცებულებებით მისი ბრალეულობა იქნა დადასტურებული.

 

 

სასამართლომ გამსახურდია დამნაშავედ სცნო, სსკ-ის 236-ე მუხ I და მე-2 ნაწ, 19,108-ე მუხლებით გათვალისწინებული დანაშაულის ჩადენაში.

 

 

საქართველოს პირველი პრეზიდენტის, ზვიად გამსახურდიას ვაჟი, ცოტნე

გამსახურდია, 2009 წლის 27 ოქტომბერს დააკავეს. მას მოქალაქე დავით ბაჯელიძის დაჭრაში ადანაშაულებენ. გამსახურდიას ბრალი განზრახ მკვლელობისა და იარაღის უკანონო შეძენა-შენახვა-ტარების მუხლებით წაუყენეს, იგი ბრალდებებს უარყოფს.

 

 

 

 

იხილეთ epn.ge