epn.ge - პრაიმერში მონაწილეობას კიდევ 6 პარტია მიიღებს

[planetanews]

http://www.epn.ge/wp-content/uploads/primer31-150x150.jpgპრაიმერის ინიციატორთა და ეროვნულ საბჭოში შემავალ პარტიათა რაოდენობა კიდევ 6 გაიზარდა.

 

 

ამის შესახებ დღეს “კონსერვატიული პარტიის” ოფისში, საბჭოში შემავალი პარტიის წევრებმა განაცხადეს.

 

 

მათი განცახდებით, ბოლო პერიოდში გაიმართა კონსულტაციები სხვადასხვა პოლიტიკურ პარტიასთან. გარდა ექვსი დამფუძნებელი პარტიისა წინასწარ არჩევნებში მონაწილეობას მიიღებენ: სრულიად საქართველოს სახალხო ალიანსი, მონარქისტული პარტია, შენთვის საქართველო, მშრომელთა უფლებების დამცველი პარტია, სოციალ-დემოკრატები და სამშობლო.

 

 

აღნიშნული პარიები, აგრეთვე მონაწილეობას მიიღებენ ეროვნულ საბჭოს მიერ ჩატარებულ ყველა ღონისძიებაში.

 

 

როგორც ცნობილია, 1 თებერვალს “კონსერვატიულმა პარტიამ”, “ხალხის პარტიამ”, “მოძრაობა სამართლიანი საქართველოსთვის”, “მამულიშვილმა”, “მომავლის პარტიამ” და “ქრისტიანულმა საქართველომ” ხელი მოაწერეს წინასწარი არჩევნების ჩატარების და ეროვნული საბჭოს შექმნის შესახებ შეთანხმებას. ამავდროულად გამოცხადდა, რომ შეთანხმება ღია იყო ხელმოწერისთვის სხვა პოლიტიკური პარტიებისთვის.

 

 

 

 

იხილეთ epn.ge