epn.ge - ინგა გრიგოლია და გიორგი თარგამაძე დღეს საარჩევნო კამპანიაზე ისაუბრებენ

[planetanews]

http://www.epn.ge/wp-content/uploads/grigolia-inga-EPN-150x130.jpgყოფილი ტელე-სახე და “ქრისტიან დემოკრატების” სიის პირველი წევრი ინგა გრიგოლია, დღეს “ქრისტიან-დემოკრატიული მოძრაობის” ლიდერებთან ერთად, საარჩევნო გარემოსა და უახლოეს გეგმებზე იმსჯელებს.

 

 

ამის შესახებ ინგა გრიგოლიამ “ექსპრესნიუსთან” საუბარში განაცხადა.

 

 

პოპულარული ექს-ჟურნალისტი ამბობს, რომ საქართველოში დაბრუნების შემდეგ, პირველი შეხვედრა დღეს პარტიის ლიდერებთან და უშუალოდ გიორგი თარგამაძესთან ექნება. გრიგოლიამ შეხვედრის დაწყებამდე კონკრეტულ პროგრამაზე “ექსპრესნიუსთან” საუბრისას თავი შეიკავა.

 

 

“საარჩევნო კამპანიისა და გეგმების შესახებ სამშაბათიდან მუდმივად მოგაწვდით სრულ ინფორმაციას. აღდგომის დღესასწაულის დასრულებისთანავე, ანუ იმ კვირიდან მოსახლეობასთან შეხვედრების დაწყებას ვგეგმავ,”_ განაცხადა ინგა გრიგოლიამ.

 

 

საარჩევნო კამპანიის შესახებ გრიგოლია ქრისტიან დემოკრატებთან ერთად დღეს, საარჩევნო შტაბში დაგეგმილ შეხვედრაზე იმსჯელებს.

 

 

სხდომა “ქრისტიან დემოკრატების” საარჩევნო შტაბში 14:00 საათზე გაიმართება.

 

 

ყოფილი ტელესახე და პოპულარული ჟურნალისტი დიდი ბრიტანეთიდან საქართველოში გუშინ ჩამოვიდა. ინგა გრიგოლია ამბობს, რომ აქტიურ პოლიტიკურ მოღვაწეობას მომავალი კვირიდან დაიწყებს.

 

 

 

 

იხილეთ epn.ge