epn.ge - თემურ შაშიაშვილი ქვეყნის გადარჩენის შანსს მხოლოდ ქართველი ხალხის ერთობაში ხედავს

[planetanews]

http://www.epn.ge/wp-content/uploads/shashiashvili20-150x150.jpgმოძრაობა “თეთრების” ლიდერმა თემურ შაშიაშვილმა, ქვეყანაში მიმდინარე პროცესების გარშემო სპეციალური განცხადება გაავრცელა, სადაც ის კიდევ ერთხელ შეეხო ტელეკომპანია იმედის იმიტირებულ ქრონიკას და ხელისუფლება ტელევიზიების დამორჩილებაში დაადანაშაულა.

 

 

შაშიაშვილის განცხადებით, იყო „იმედის“ მოდელირებული გადაცემა სიძულვილის აპოლოგია, რადგან ხელისუფლების მთავარი იდეოლოგია სიძულვილზე გადის.

 

 

მან ხელისუფლებას არასწორ საგარეო პოლიტიკაშიც დასდო ბრალი, მისი თქმით, ქვეყნის მთავრობა ერთი სახელმწიფოს სიძულვილით ცდილობს მეორისათვის ერთგულების დამტკიცებას.

 

 

თემურ შაშიაშვილმა ხელისუფლებას საქართველოს წინააღმდეგ შეთქმულებაში დასდო ბრალი, რაც მისი თქმით, პირველი კავკასიური რუსული არხის გახსნაშიც გამოიხატა.

 

 

“მოსკოვის ტერაქტი ადასტურებს, რომ ხელისუფლების ინიციატივით, სახელმწიფო ტელევიზიის ფორმატით პირველი კავკასიური რუსული არხის გახსნა _ საქართველოს ხელისუფლების კიდევ ერთი შეთქმულებაა საქართველოს წინააღმდეგ”, _ აცხადებს შაშიაშვილი.

 

 

“თეთრების” ლიდერი განცხადებაში ასევე რუსეთ-საქართველოს ომზეც საუბრობს, მისი განცხადებით 2008 წლის 8 აგვისტოს სიძულვილმა და ბოღმამ ამ ხელისუფლებას პირველი გასროლა გააკეთებინა, რასაც ტერიტორიების დაკარგვა და ჩვენს ისტორიულ ძმებთან _ ოსებთან ურთიერთობის უკიდურესად დაძაბვა მოყვა.

 

 

თემურ შაშიაშვილი ქვეყნის გადარჩენის ერთადერთ გზას, ქართულ პატრიოტულ განწყობაში, განახლებულ ეროვნულ მოძრაობაში და დიდ ქართულ ერთობაში ხედავს, წინააღმდეგ შემთხვევაში კი მისი თქმით, საქართველო ნამდვილ ტერორისტულ აფეთქებებში გაეხვევა.

 

 

 

 

იხილეთ epn.ge