epn.ge - “ედპ” ლევან რამიშვილის პროექტის მიღებას ეწინაღმდეგება

[planetanews]

http://www.epn.ge/wp-content/uploads/edplogo011-150x130.jpgსაქართველოს “ეროვნულ დემოკრატიული პარტიის” ერთ_ერთი ლიდერისა და საკონსტიტუციო კომისიის მდივნის თენგიზ შარმანაშვილის განცხადებით “თავისუფლების ინსტიტუტის” წარმომადგენლის, ლევან რამიშვილის საკონსტიტუციო კომისიაში წარდგენილ პროექტის მიღებას ის წინააღმდეგობას გაუწევს.

 

 

ამის შესახებ, მან დღეს, პარტიის ოფისში გამართულ პრესკონფერენციაზე განაცხადა.

 

 

მისი თქმით, პროექტში ბევრი ისეთი საკითხია, რომელსაც ის კატეგორიულად ეწინაღმდეგება და პოლიტიკურ წინააღმდეგობას გაუწევს.

 

 

შარმანაშვილის განცხადებით, რამიშვილის მიერ წარდგენილი პროექტის მიხედვით, კონსტიტუციაში ქრება ჩანაწერი მართმადიდებლობის განსაკუთრებული როლის შესახებ და ნებისმიერ კონფესიასთან შეთანხმების დადების საშუალებას იძლევა.

 

 

მეორე ასეთ საკითხად ედპ-ში გეგმის ფედერალურ მოწყობას ასახელებენ, რის მიხედვითაც საქართველო შტატებად იყოფა. შარმანაშვილის განცხადებით ასეთი მოწყობა ქვეყნის დაშლას გამოიწვევს.

 

 

“ესენი იქნება პატარა სახელმწიფოებრივი წარმონაქმნები და მომავალში აუცილებლად შეუქმნის საფრთხეს ქვეყნის ერთიანობას”,_ განაცხადა თენგიზ შარმანაშვილმა.

 

 

მესამე პრობლემატურ საკითხად მან პრეზიდენტის არჩევის წესი დასახელა, პროექტის მიხედვით პრეზიდენტი ირჩევა არა პირდაპირი წესით, არამედ პარლამენტის მიერ.

 

 

მისი განცხადებით, ასეთი სახით უმრავლესობის მიერ არჩეული პრეზიდენტი ქვეყანაში აბსოლიტურ პოლიტიკურ მონოპოლიას შექმნის.

 

 

თენგიზ შარმანაშვილმა იმედი გამოთქვა, რომ კომიისიის სხვა წევრებიც აღნიშნული პროექტის დამტკიცებას არ დაუშვებენ.

 

 

 

 

იხილეთ epn.ge