epn.ge - ლიტვის საგარეო საქმეთა მინისტრი დღეს ოფიციალურ შეხვედრებს გამართავს

[planetanews]

http://www.epn.ge/wp-content/uploads/litva333-150x150.jpgლიტვის რესპუბლიკის საგარეო საქმეთა მინისტრი აუდრონიუს აჟუბალისი დღეს საქართველოს მთავრობის წევრებთან და პრეზიდენტთან ოფიციალურ შეხვედრებს გამართავს.

 

 

საგარეო საქმეთა სამინისტროს ინფორმაციით, 11:00 საათზე სამინისტროში საქართველოსა და ლიტვის რესპუბლიკის საგარეო საქმეთა მინისტრებს შორის შეხვედრა გაიმართება, რომლის დასრულების შემდეგ, 12:00 საათზე ერთობლივი პრეს-კონფერენცია იგეგმება.

 

 

ასევე 17:00 საათზე ლიტვის რესპუბლიკის საგარეო საქმეთა მინისტრი საბჭოთა ოკუპაციის მუზეუმს მოინახულებს.

 

 

აუდრონიუს აჟუბალისი შეხვედრებს ასევე, საქართველოს პრეზიდენტთან მიხეილ სააკაშვილთან, საქართველოს პრემიერ-მინისტრთან ნიკა გილაურთან, ვიცე-პრემიერთან და სახელმწიფო მინისტრთან რეინტეგრაციის საკითხებში თემურ იაკობაშვილთან გამართავს. შეხვედრები იგეგმება პოლიტიკური პარტიების წარმომადგენლებთანაც.

 

 

აუდრონიუს აჟუბალისი საქართველოს 27 მარტს ოფიციალური ვიზიტით ეწვია.

 

 

ლიტვის საგარეო საქმეთა მინისტრი 27 მარტს საქართველოს პარლამენტის თავმჯდომარეს, დავით ბაქრაძეს შეხვდა, 28 მარტს კი ქალაქ გორს ეწვია.

 

 

ვიზიტის ფარგლებში დაგეგმილია აგრეთვე საველე გასვლა ევროკავშირის სადამკვირვებლო მისიის წარმომადგენლებთან ერთად.

 

 

 

 

იხილეთ epn.ge