epn.ge Posted March 25, 2010 დარეპორტება გაზიარება Posted March 25, 2010 თელავში სტიქიის შედეგების სალიკვიდაციო ღონისძიებები დაიწყო.http://epn.ge/wp-content/uploads/kaxeti2-150x150.jpgზარალის დამთვლელი კომისიის თავმჯდომარე დავით ქსოვრელიშვილის განცხადებით, პირველ რიგში ყურადღება იმ ობიექტებს ექცევა, რომელიც წვიმების შემთხვევაში შესაძლოა დაზიანდეს და ზარალი გამოიწვიოს. ქსოვრელიშვილის თქმით, მიწაყრილი გაკეთდა რუისპირის ხევზე, რომ მიმდებარე მიწის ნაკვეთები არ დაიტბოროს. ასევე, მიწაყრილი გაკეთდა ყარაჯალის ხევის 200 მეტრიან მონაკვეთზე. სარეაბილიტაციო სამუშაოები უტარდება იყალთოს ხევზე გადებულ ხიდს. ეს ხიდი სოფლის ნაწილს საჯარო სკოლასთან აკავშირებს. „სტიქიის შედეგების სალიკვიდაციო და დაზიანებული ობიექტების სარეაბილიტაციო სამუშაოებისთვის თანხის ნაწილი გამგეობის სარეზერვო ფონდიდან, ნაწილი კი ცენტრალური ბიუჯეტიდან დაიხარჯება“, – განაცხადა დავით ქსოვრელიშვილმა. 13-17 მარტს, სტიქიის შედეგად თელავის მუნიციპალიტეტი 185 000 ლარით დაზარალდა. მდინარე დიდხევიდან გადმოვარდნილმა წყალმა სოფელ ართანაში 2 საცხოვრებელი სახლი დატბორა და შიდა საუბნო გზა წაიღო. სტიქიამ სოფელ შალაურში სასმელი წყლის დრენაჟი დააზიანა. ღვარცოფმა მდინარე ლოპოტაზე გამავალი ხიდი და სოფელ იყალთოში საცალფეხო ხიდიც დაანგრია. View the full article Quote ლინკი სოციალურ ქსელებში გაზიარება More sharing options...
Recommended Posts