შემოქმედ პედაგოგთა კონკურსი ”ნოვატორი”

[2010]

პატივცემულო პედაგოგებო,

ჯერ კიდევ 2009 წლის სექტემბრის თვეში პორტალმა Education.ge მოგმართათ შემოქმედ პედაგოგთა კონკურსის ჩატარების წინადადებით (პედაგოგებს >> მთავარი თემა). თქვენი წერილების გათვალისწინებით იდეამ მიიღო საბოლოო სახე. კონკურსის ჩატარებას მხარი დაუჭირეს და თანაინიციატორები გახდნენ საქართველოს განათლებისა და მეცნიერების სამინისტროს საზოგადოებასთან ურთიერთობის დეპარტამენტი, იაკობ გოგებაშვილის სახელობის პედაგოგიური კავშირი, სამოქალაქო ინსტიტუციონალიზმის განვითარების ფონდი, DVV International - ის წარმომადგენლობა საქართველოში, საქართველოს ზრდასრულთა განათლების ასოციაცია, პროფესიული მომზადებისა და განათლების ცენტრი “One World”, ბიბლიოთეკა-კულტურული ცენტრი შეზღუდულ შესაძლებლობათა პირთათვის ”თანადგომა”. დაიხვეწა ჩატარების ორგანიზაციული საკითხები, დადგინდა ვადები, შემუშავდა დებულება და კონკურსის ჩატარება იქცა რეალობად.

დაწვრილებითი ინფორმაცია იხილეთ საიტი www.education.ge-ს მთავარ თემაში