shamili Posted February 17, 2010 დარეპორტება გაზიარება Posted February 17, 2010 ირაკლი წერეთელი: ჩვენი ოპოზიცია, უკლებლივ ყველა, ერის მოღალატეებად უნდა გამოაცხადოს ქართველმა ხალხმა "გადამიხადეს? იქნებ თანხაც დამისახელოთ, რამდენი გაიმეტა მიხეილ სააკაშვილმა ჩემში? ხელისუფლება ვერასდროს "დამავერბოვკებს". მე თავად "დავავერბოვკე" სააკაშვილი, თუნდაც იმით, რომ მისი პრინციპული გეზია ნატო. მიშა გადავიყვანე ანტირუსულ, პროამერიკულ გზაზე და ახლა მიხედოს საქმეს თვითონ, სულ ხომ ვერ დავეხმარები", _ განაცხადა "ჯორჯიან თაიმსთან" საუბარში დეოკუპაციის კომიტეტის თავმჯდომარემ, ირაკლი წერეთელმა. ინტერვიუდან შეიტყობთ, რა საგვარეულო დინასტიებად დაჰყო საქართველო ეროვნული მოძრაობის ერთ-ერთმა ლიდერმა. ირაკლი წერეთელი: არანაირი ყალბი მოლოდინი არა მაქვს, როცა ამერიკიდან ვინმე ჩამოდის, მაკკეინი იქნება ის თუ გორდონი. მაკკეინის პოზიცია ჩემთვის მისაღებია, მაგრამ, სამწუხაროდ, ის არ არის ამერიკის პრეზიდენტი. ვიღაცები ამბობენ, რომ თურმე მას პატივს არ სცემენ თავის ქვეყანაში, ეს ტყუილია. სულ არ მაინტერესებს, მაკკეინი რა რეპუტაციის მქონე პოლიტიკოსია. მთავარია, ჩემი ქვეყნის სასარგებლო საქმე გააკეთოს. _ ხელისუფლებას შეეკარით? ერთნაირი ილუზიები გაქვთ ამერიკის მეგობრობასთან დაკავშირებით. _ როგორც მოაზროვნე კაცს, მესმის, რომ ამერიკის სახით საქართველოს ყველაზე კარგი სტრატეგიული მოკავშირე ჰყავს. დარწმუნებული ვარ, ამერიკაზე დიდი პოლიტიკური მეგობარი საქართველოს არა ჰყავს. ამერიკა რომ არა, აქამდე შეიძლება რუსეთს გავენადგურებინეთ. თუ ახლანდელი პრეზიდენტი და სენატორები ვერ გაამართლებენ სხვა ქვეყნებთან სწორი პოლიტიკური მიდგომებით, შეიცვლებიან და ამერიკაში სხვა ხელისუფლება მოვა. _ ამერიკის ხელისუფლების ყოფნა-არყოფნას ობამას საქართველოსადმი მხარდაჭერა ხომ არ განაპირობებს მხოლოდ? _ ბარაკ ობამა რომ თავს არ იკლავს რუსეთის წინააღმდეგ ბრძოლით, ეს ფაქტია. მეტიც, მე მაქვს ინფორმაცია, რომ მილიარდებია გადახდილი სწორედ რუსეთის მიერ, რომ ობამა მოსულიყო ამერიკის ხელისუფლებაში. _ საზოგადოების ნაწილს მიაჩნია, რომ რუსეთმა და ამერიკამ საქართველო გაიყო... _ ეს ჩვენზეა დამოკიდებული, მივცემთ თუ არა სხვა სახელმწიფოებს უფლებას, გაგვიყოს სამშობლო. თუ ქართველი ერი გააგრძელებს ბრძოლას თავისუფლებისა და დეოკუპაციისათვის, ამერიკა იძულებული გახდება, ჩვენ დაგვიჭიროს მხარი თავისუფლებისათვის ბრძოლაში. _ ამერიკის მხარდაჭერა მხოლოდ ზეპირი განცხადებებით ამოიწურება, საქართველოს კი ქმედითი ნაბიჯები სჭირდება, ხედავთ ამას ამერიკის მხრიდან? _ ამერიკა დემოკრატიული სახელმწიფოა და ერის ნებას პატივი უნდა სცეს. ჩვენ ვიმყოფებით რუსული სამხედრო-შეიარაღებული პირდაპირი და ბოროტი აგრესიის ქვეშ. ტერიტორიები ოკუპირებულია. თუ ახლა გავამწვავებთ ურთიერთობებს ამერიკასთან, ის ჩამოგვშორდება. ამიტომ სიფრთხილე გვმართებს. ქართველმა ერმა უნდა იბრძოლოს, თუკი წამოვწვებით და მხოლოდ ხელისუფლების იმედზე ვიქნებით, ჩვენ გამო ამერიკა ზედმეტად თავს არ აიტკივებს. შენ თუ დაჯექი და ხელი არ გაანძრიე, ის ხომ არ მოგიგვარებს ყველა პრობლემას? _ აშკარაა, რომ ამერიკა საქართველოს გამო არ დაუპირისპირდება რუსეთს... _ ჩვენ გამო კი არა, თავისი პრინციპების გამო დაუპირისპირდება. თუ აგრესორი თავისუფალი ქვეყნის სუვერენიტეტს ხელჰყოფს, ამერიკა იძულებულია, დაიცვას დემოკრატიული პრინციპები. _ ამერიკასაც აქვს თავისი ინტერესები საქართველოში, მაშინ რა მნიშვნელობა აქვს, რუსეთის ქვეშევრდომები ვიქნებით თუ ამერიკის? _ რატომ არ უნდა ჰქონდეს ინტერესები ამერიკას? ყველა სახელმწიფოს, ვინც რამეს გაგვიკეთებს, თავისი მიზნები აქვს. რუსეთისგან განსხვავებით, ამერიკის ინტერესი არაა საქართველოს დაშლა-დაქუცმაცება. ძალადობისა და შეიარაღებული სამხედრო ოპერაციების გზით ის არაფერს მოითხოვს ჩვენგან. _ ბატონო ირაკლი, ოპოზიციაზე გული არ მოგიბრუნდათ? _ რა გული უნდა მომიბრუნდეს მაგათზე? ჩვენი ოპოზიცია, უკლებლივ ყველა, ერის მოღალატეებად უნდა გამოაცხადოს ქართველმა ხალხმა. მათთვის მიზანი საქართველოს დეოკუპაცია კი არა, პირადი კეთილდღეობაა. _ თქვენ თქვით, რომ ოპოზიციას არა აქვს უფლება, 9 აპრილი აღნიშნოს, რატომ? _ ამის უფლება აქვს მხოლოდ იმ ადამიანებს, ვინც საქართველოს თავისუფლებისათვის ერთი აგური მაინც დადო, მაგათ რა გააკეთეს? 9 აპრილი დიდი თარიღია ქართველი ერის ცხოვრებაში. ამ დღეს ქართველი ქართველს არ დაპირისპირებია. ქართველი რუსეთის იმპერიას დაუპირისპირდა, შარშან კი ოპოზიციის გამო ქართველი ქართველს გადაეკიდა. _ თქვენი აზრით, მართლა დადიან რუსეთში ფარულად? _ რუსეთში კი არა, ეგენი მოუსვლელში დარბიან. _ რუსეთში ნოღაიდელის ღიად წასვლა როგორ აღიქვით? _ სამშობლოს პირდაპირ ღალატად... _ ხელისუფლების რუსეთთან კავშირზეც ბევრი ლაპარაკობს. _ ჩანს ეს რამეში? რითი ადასტურებენ ამ ჰიპოთეზას? _ ასე რატომ ეფერებით ხელისუფლებას? გადაგიხადეს? _ გადამიხადეს? იქნებ თანხაც დამისახელოთ, რამდენი გაიმეტა მიხეილ სააკაშვილმა? ხელისუფლება ვერასდროს "დამავერბოვკებს". მე თავად "დავავერბოვკე" სააკაშვილი თუნდაც იმით, რომ მისი პრინციპული გეზია ნატო. სწორედ მე გადავიყვანე მიშა ანტირუსულ, პროამერიკულ გზაზე. ხელისუფლება რუსეთში რომ ღიად არ დადის და დიპლომატიური ურთიერთობაც გაწყვიტა მასთან, ჩემთვის ეს საკმარისია, რომ სააკაშვილში ღირსება დავინახო. მან გამოიყვანა საქართველო ესენგედან, დეოკუპაციის საკითხი სახელმწიფო პოლიტიკის რანგში აიყვანა და ოკუპირებულ ტერიტორიებს მიანიჭა შესაბამისი სტატუსი. ახლა ჩუმად ვინ ვისთან დარბის, ეგ რა ჩემი საქმეა. თუ რამე დოკუმენტი გამოჩნდება, რითიც დაამტკიცებენ ხელისუფლების რუსეთთან შეკრულობას, მერე ვიყვირებ. რა გადამიხადა მიშამ? ადამიანების რომელიღაც კატეგორიამ ჭორი რომ არ მოიგონოს, აბა რითი გაერთოს? ოღონდ ალაპარაკე და არ შეჭამენ, არ დალევენ, არ დაიძინებენ. მაგათ სად ვსდიო სერიოზულმა კაცმა? _ გამოდის, უნდა გიმადლოდეთ სააკაშვილი, რომ სწორ გზაზე დააყენეთ... _ ეჭვი გეპარებათ? უნდა მაღიაროთ, რომ ვარ სერიოზული პოლიტიკური მოაზროვნე და მხოლოდ მე მაქვს დიადი იდეები. ხელისუფლებასთან ჩემი დაპირისპირება არის წმინდა ადამიანური. არის საკითხები, რომელშიც მას არ ვეთანხმები, მაგრამ მიშას სახელმწიფოებრივი მიდგომები ემთხვევა ჩემს იდეებს. _ რა არის სააკაშვილის ყველაზე დიდი ნაკლი და ღირსება? _ ამ თემაზე არ ვლაპარაკობ. _ რატომ? სააკაშვილის შეფასება, მგონი, თქვენ გარდა, არც ერთ პოლიტიკოსს არ უჭირს. _ ჩემთვის მაგ საკითხზე მნიშვნელოვანი საკითხებიც არსებობს. ჯერ არ დამიწყია მიხეილ სააკაშვილის პიროვნებაზე მონოგრაფიის დაწერა. მოვიცლი მაგისთვის და დავწერ მიშას უარყოფითსაც და ღირსებასაც. პუტინს რომ "ლილიპუტი" უწოდა, ეს არის მისი ნაკლი? ემოციამოჭარბებული კაცია და თქვა, მერე რა? რასაც ეს ხელისუფლება აკეთებს, ყველაფერი წერია ეროვნულ-დამოუკიდებლობის პროგრამაში. ახლა საუბარია ახალ პროვოკაციებზე ცხინვალის მიმართულებით, თუ სააკაშვილი რამე პროვოკაციას წამოიწყებს და მას წარმატებით განახორციელებს, მაშინ იქნება ის ღირსეული ქართველი. რომაელთა პრინციპით, გამარჯვებულებს არ ასამართლებენ. დამარცხება ძალიან ძვირი დაუჯდება. არა მგონია, სააკაშვილი თავის მოქმედებებში ამერიკასა და დასავლეთთან არ იყოს შეთანხმებული. _ მერის არჩევნებისას რა შედეგს ელოდებით? _ სულ არ მადარდებს ეგ საკითხი. დარწმუნებული ვარ, ყველაზე მეტი შანსი აქვს უგულავას, რადგან ოპოზიციამ დაკარგა შანსი მისი გარუსების გამო. უგულავა კი ჯერ არ გარუსებულა. ოპოზიციამ სააკაშვილისგანაც აიღო ფული და რუსეთისგანაც, გაუტყდებოდა სახელი, აბა, რა? მე საქართველოს ვყოფ ორ საგვარეულოდ: ქართველიშვილებად და უკანალიშვილებად. ქართველიშვილები არიან ისინი, ვინც დასაბამიდან რუსეთს ებრძოდა იარაღით, კალმით. ვინც რუსეთს არ ებრძვის და ეგუება მონობას, უკანალიშვილები არიან. ნოღაიდელი გაქანებული უკანალიშვილია, ამას წყალი არ გაუვა, ნოღაიდელთან დგომა კი სხვა გვარით შემიძლია მოვიხსენიო, მაგრამ ამჯერად თავს შევიკავებ. ზოგიერთებმა მასთან შეძრომის პროცესი წარმატებით განახორციელეს. _ როგორ ფიქრობთ, ბურჯანაძე რატომ დუმს? _ მიუხედავად იმისა, რომ ქალბატონი ნინო ძალიან აკადემიური ქალია და მის მიმართ თბილად ვიყავი განწყობილი ყოველთვის, მგონი, ამ ბოლო ხანს, უარს ამბობს, იყოს ქართველიშვილი. შევხვდები მას და მინდა დეოკუპაციის ფრონტზე გადმოვისროლო. _ გადაცემა "სიმართლის დრო"-ში მისვლა ხომ არ გადაგიწყვეტიათ? _ პრეზიდენტი და პატრიარქი თუ მიიღებს მონაწილეობას, მხოლოდ მაშინ მივიღებ მეც. _ როგორ ფიქრობთ, ცოტნე გამსახურდიას წინააღმდეგ აგორებული კამპანია ვისი დაკვეთილია? _ რა თქმა უნდა, ხელისუფლების, მიმაჩნია, რომ ცოტნე ხელისუფლების პირადი მძევალია და ის სამართალთან აბსოლუტურად მართალია. ცოტნე ამაყი და თავმოყვარე კაცია და ასეთი ადამიანი ვერავის ჯაშუშობას ვერ იკადრებს. _ მისი გათავისუფლება რა საფრთხეს შეიცავს სააკაშვილისათვის? _ არა მგონია, რამე საფრთხეს შეიცავდეს. ყველა ბრალდება ცოტნეს წინააღმდეგ ბინძური პროვოკაციაა. _ კაკო ასათიანის წინააღმდეგაც ბევრი ცუდი ხმა ვრცელდება, სააკაშვილს შეეკრაო. _ მეტი საქმე არა აქვს ამ ხალხს, კაკოს რომ დასდევენ? ასათიანი იმიტომ არის ნამდვილი კაცი, რომ ალექსანდრე მაკედონელს შემადარა. უკრიტიკო დამოკიდებულება საკუთარი თავის მიმართ არა მაქვს, ბევრი რამ შემშლია და ვერც იმის გარანტიას ვიძლევი, რომ შემდგომშიც არ შემეშლება. კაკოსაც ბევრი შეცდომა დაუშვია, მაგრამ მე ისტორიის მკვლევარი არა ვარ, რომ მისი მოღვაწეობა შევაფასო. Quote ლინკი სოციალურ ქსელებში გაზიარება More sharing options...
Saturn Posted February 17, 2010 დარეპორტება გაზიარება Posted February 17, 2010 რატომ არ უნდა ჰქონდეს ინტერესები ამერიკას? ყველა სახელმწიფოს, ვინც რამეს გაგვიკეთებს, თავისი მიზნები აქვს. რუსეთისგან განსხვავებით, ამერიკის ინტერესი არაა საქართველოს დაშლა-დაქუცმაცება. ძალადობისა და შეიარაღებული სამხედრო ოპერაციების გზით ის არაფერს მოითხოვს ჩვენგან.სულ ამას არ ვამბობ? შეადარეთ ახლა გრეჩიხების, დავითაშვილის და კუკავას ბჟუტური (ნოღაიდელის ხო საერთოდ) წერეთლის აბსოლუტურად ზუსტ შეფასებას. აი ასეთი ოპოზიცია უნდა ჰყავდეს ხელისუფლებას და არა ეგ სკამებზე გადარეული ხალხი. Quote ლინკი სოციალურ ქსელებში გაზიარება More sharing options...
Siknadmo Posted February 17, 2010 დარეპორტება გაზიარება Posted February 17, 2010 ფერი ფერსა ;) Quote ლინკი სოციალურ ქსელებში გაზიარება More sharing options...
lasha1997 Posted February 17, 2010 დარეპორტება გაზიარება Posted February 17, 2010 Saturn აი ასეთი ოპოზიცია უნდა ჰყავდეს ხელისუფლებას და არა ეგ სკამებზე გადარეული ხალხი. ;) Quote ლინკი სოციალურ ქსელებში გაზიარება More sharing options...
machkatela Posted February 17, 2010 დარეპორტება გაზიარება Posted February 17, 2010 რავი რაა,, რავი.... ვინ მოღალატეა და ვინ შეუსრულა რუსეთს ყველაზე მეტად, კი არის აგერ ფაქტი (რაღაც არ გამომივიდა მიშისტურად) Quote ლინკი სოციალურ ქსელებში გაზიარება More sharing options...
shamili Posted February 17, 2010 Author დარეპორტება გაზიარება Posted February 17, 2010 ირაკლი წერეთელი - “ეს მიტინგები ოპოზიციის მხრიდან შეიცავს პრორუსულ ხასიათს” “ეს ვიდეოჩანაწერები მე სპექტაკლი არ მგონია, სიმართლე იქნება. სადაც პოლიტიკურ წრეებში არის უკმაყოფილება სააკაშვილის მიმართ, ყოფილ სამხედროებშიც იქნება. სამხედრო გადატრიალება დიდი სირცხვილია. ჯარი არ უნდა ჩაერიოს შიდასამოქალაქო დაპირისპირებებში. ის ჯარისკაცი, რომელიც პრეზიდენტს უღალატებს, დასახვრეტია. მას ფიცი აქვს დადებული და მოღალატე ერს არ სჭირდება. მე რომ მოვიდე ხელისუფლებაში, მას, ვინც სააკაშვილს უღალატებს, ჯარიდან გავაგდებ. როგორც მას უღალატა, ისე მიღალატებს მეც. თუ სააკაშვილი გადადგება, ადვილი შესაძლებელია რუსეთი გაბატონდეს საქართველოში და გაქცეული მოღალატეები დაბრუნდნენ” - აცხადებს “ეროვნული დამოუკიდებლობის” პარტიის ლიდერი ირაკლი წერეთელი გაზეთ “ჯორჯიან თაიმსისთვის” მიცემულ ინტერვიუში, სათაურით - ”ის ჯარისკაცი, რომელიც პრეზიდენტს უღალატებს, დასახვრეტია”.“ჩემი აზრით, ეს მიტინგები ოპოზიციის მხრიდან შეიცავს პრორუსულ ხასიათს, იმიტომ, რომ 30 დღეა მიმდინარეობს აქციები, პიკეტირებულია ყველა მნიშვნელოვანი სახელწიფო დაწესებულება. თავისთავად ოპოზიციამ და მომიტინგეებმა გამოავლინეს დიდი სიმტკიცე. მაგრამ ჯერაც არ დაუყენებიათ საქართველოს სრული, უპირობო დეოკუპაციის საკითხი. რუსული აგრესია და თავხედობა იქამდე მივიდა, რომ სასაზღვრო ჯარები ჩააყენეს. დემარკაცია დაიწყეს და ასეთი აგრესორი ქვეყნის წინააღმდეგ რომ არც ერთხელ არ გახმაურებულა მისი საწინააღმდეგო ლოზუნგი. ეს ჩემთვის ძალიან საეჭვოა. როცა სააკაშვილი მოვიდა ხელისუფლებაში 2 ნოემბერს ვიყავი ყველაზე რადიკალურად დაპირისპირებული მასთან. მე მისი პირველი მტერი ვიყავი. მაგრამ მას მერე, რაც მან რუსეთთან დიპლომატიური კავშირი გაწყვიტა, საქართველო გამოიყვანა დსთ-დან, ოკუპირებულ ტერიტორიებს მიანიჭა ოკუპირებულის სტატუსი, თავის მხრიდან თუნდაც დეკლარაციულად, აქცია დეოკუპაციის საკითხი პრიორიტეტად, პარალელურად ძლიერდება საქართველოსა და აშშ-ს შორის თანამშრომლობის და პარტნიორობის პროცესები, გეზი ნატოსკენ - ნებისმიერი სხვა მოთხოვნა, თუგინდაც სააკაშვილის გადაგომა, სანამ დეოკუპაციის საკითხი არ გამოიკვეთება, გაუმართლებლად მიმაჩნია”, - აღნიშნავს გამოცემის კორესპონდენტთან საუბრისას ირაკლი წერეთელი.“არანაირად არ ვარ განაწყენებული ოპოზიციაზე. მათ ჩემთვის არაფერი დაუშავებიათ. მათ გვერდით მე თვითონ არ დავდგები. ლელა კაკულიას წინასწარმეტყველების არ მჯერა, მაგრამ ამ ბოლო დროს მანაც კი გონიერება გამოიჩინა და მგონი, ჩემი ინტერვიუების წაკითხვის მერე დაასკვნა, რომ საჭიროა ამერიკის ჯარებით გაივსოს საქართველო და დედას ვუტირებთ რუსეთს. ამერიკა არ ზღუდავს თავისუფლებას არსად, ის გააძევებს რუსეთს და მერე თვითონაც გაიყვანს ჯარებს. ამერიკას შოვინისტური ზრახვები არ აქვს. ოპოზიცია მას ხელს უშლის. შეიძლება ნატოს წვრთნების დროს გზების გადაკეტვა? სააკაშვილთან დაპირისპირებაზე მაღლა უნდა იდგეს ეროვნული სტრატეგიული ინტერესები. საკითხი მაშინ მოგვარდება, თუ სააკაშვილს ჩაანაცვლებს ანტირუსული ძალა. რომელია ასეთი კაცი ოპოზიციაში” 30 დღე ლანძღავენ სააკაშვილს და ერთხელ არ გაულანძღიათ რუსეთი, არ დაუგმიათ მისი აგრესია და ოკუპაცია. საქართველოს მთავარი მტერი არის რუსეთი და არა სააკაშვილი”, - აცხადებს ირაკლი წერეთელი და შეკითხვას - “ბოლო დროს მეტად რადიკალური გახდა ოპოზიცია...” - პასუხობს:“იმიტომ, რომ ვერც სააკაშვილი გადააყენეს და ვერც ერთი თანამდებობის პირი. რატომ არ გახდებოდა რადიკალური? გამწარებულები არიან. გზების გადაკეტვა ამ ეტაპზე სისულელედ მიმაჩნია, იმიტომ, რომ ამ საქციელით ოპოზიცია გადაიმტერებს ხალხს. მიტინგხე მდგარი ხალხი არ არის საქართველოს მოსახლეობის 2%-იც კი. ვინც ამბობს, რომ აქციაზე საქართველოს მოსახლეობის ნახევარი დგას, უნამუსო მატყუარაა. 9 აპრილზე დიდი აქცია მაგათ ვერ ჩაატარეს და მაშინაც 60 000 კაცს ვერ მოუყარეს თავი”. მომზადებულია ”ჯორჯიან თაიმსი” - ს მიხედვით. Quote ლინკი სოციალურ ქსელებში გაზიარება More sharing options...
shamili Posted February 17, 2010 Author დარეპორტება გაზიარება Posted February 17, 2010 ირაკლი წერეთელი ოპოზიციას “ფუფლოვშჩიკებად” გამოცხადებას უპირებს! მართალია, “ეროვნულ-დამოუკიდებლობის პარტიის” თავმჯდომარე, ირაკლი წერეთელი აცხადებს, რომ ოპოზიციაზე 8 აგვისტომდე არაფერს იტყვის, მაგრამ “ფაქტნიუსთან” ექსკლუზიურ ინტერვიუში ამ თემაზე საუბარს მაინც ვერ ასცდა. გარდა ამისა, ირაკლი წერეთელმა “ფაქტნიუსს” ჯოზეფ ბაიდენისთვის გაგაზავნილი წერილის შინაარსიც გაუმხილა... მოკლედ, რა წერილი მისწერა საქართველოს პრეზიდენტს და რატომ “მოუბრუნდა გული” მიხეილ სააკაშვლზე, რა ნიძლავს სთხოვს ოპოზიციას და რატომ განაწყენდა ამერიკელებზე? “ფაქტნიუსი” ირაკლი წერეთელს წარმოგიდგენთ. ირაკლი წერეთელი: _ ბარაკ ობამასა და ჯოზეფ ბაიდენს ელექტრონული ფოსტით დოკუმენტები სამჯერ გავუგზავნე, ბოლო წერილი 15 ივლის მივწერე. ჩვენ დაინტერესებული ვართ ამერიკა-საქართველოს ორმხრივი ურთიერთობით. საქართველოსა და შეერთებულ შტატებს შორის გაფორმებული სტრატეგიული პარტნიორობის შესახებ დოკუმენტი ქარტიაა და არა _ ხელშეკრულება, რომელსაც ხელი საგარეო საქმეთა მინისტრების დონეზე მოეწერა და პრეზიდენტის მიერ რატიფიცირებული არ არის. ამიტომ, უნდა გაფორმდეს ჩარჩო სამოკავშირეო ხელშეკრ####ბა, რაც ნიშნავს, რომ იმას, ვინც ამერიკას დაარტყამს, ჩვენ უნდა დავარტყათ და ჩვენ ვინც დაგვარტყამს, ამერიკამ უნდა დაარტყას! თუ ასეთი ხელშეკრულება დაიდება, რუსეთი საქართველოს წინააღმდეგ ვეღარ წავა. საქართველოს ხელისუფლებამ სასამართლოში რუსეთის აგრესიის საკითხი უნდა დასვას. _ ბატონო ირაკლი, ხელისუფლება რუსეთის აგრესიაზე ძალიან ბევრს ლაპარაკობს და, როგორც ვიცი, კრემლის წინააღმდეგ ახალი სარჩელებიც მზადდება... _ რუსეთი რომ აგრესორია, ამის დამტკიცება ჩვენ ადვილად შეგვიძლია ჰააგის სასამართლოში, სადაც რუსეთს ვეტოს უფლება არ აქვს. თუ პრეზიდენტს ამის გაკეთება არ უნდა, როგორც დეოკუპაციის კომიტეტს, მოგვანიჭოს ეს მანდატი და სარჩელს ჩვენ წარვადგენთ. როგორც ბალტიის ქვეყნებმა დააღწიეს თავი რუსეთს უკომპრომისო დაპირისპირებით და ნატო-ში გაწევრიანდნენ, საქართველოც ასე უნდა შევიდეს ნატო-ში. ბუნებრივია, რუსეთს შეიარაღებით ვერ მოვერევით, დაკარგულ ტერიტორიებს კოდორის, ლიახვის და ქსნის ხეობები დაემატა. რევოლუციური ტრიუმფით ხელისუფლების სათავეში მოსულ მიხეილ სააკაშვილს, რომელმაც ამერიკასთან ურთიერთობები გააღრმავა და შეიარაღებული ძალები გააძლიერა, ტერიტორიული მთლიანობის უზრუნველყოფაში ედუარდ შევარდნაძემ აჯობა, რადგან კოდორის, ქსნის ხეობებს და ლიახვის ხეობის ნაწილს საქართველო აკონტროლებდა. _ თუმცა, როცა მიხეილ სააკაშვილი ხელისუფლებაში მოვიდა, აცხადებდა, რომ კოდორი დაკარგული იყო და დაიბრუნა. _ ტყუილია, იქ ფრიალებდა ქართული დროშა, უბრალოდ, ემზარ კვიციანი მიხეილ სააკაშვილის ჭკუაზე არ დადიოდა. აღარ მინდა სააკაშვილზე ცუდი ვთქვა, რადგან ცოტა არ იყოს, გული მომიბრუნდა. კრიტიკის მომხრე ვარ შეურაცხყოფის გარეშე, რადგან ერთი ქვეყანა გვაქვს და ერთი მტერი გვყავს. სააკაშვილი ისეთი სიტყვებით ლაპარაკობს, როგორც ჩვენ. მიხეილ სააკაშვილს წერილი 2008 წლის აპრილშიც მივწერეთ და დსთ-დან გამოსვლა, ამერიკასთან ორმხირვი სამოკავშირეო ხელშეკრულების გაფორმება და საქართველოს სრული დეოკუპაცია მოვითხოვეთ. ასე რომ, სააკაშვილს ეს რომ ადრე გაეკეთებინა და რუსეთისთვის პოლიტიკურად დაერტყა, რუსეთი ამას ვერ გაბედავდა. _ ბატონო ირაკლი, ამერიკის შეერთებულ შტატებში გაგზავნილ წერილებზე პასუხები მიიღეთ? _ გაბრაზებული ვარ... ზოგადი პასუხები მივიღეთ, ანუ მადლობა წერილისთვისო და ასე შემდეგ. Kკონკრეტიკა არ არის. ვითხოვდით, რომ ჩვენს დეოკუპაციის კომიტეტსა და ამერიკის შეერთებულ შტატებს შორის დაიწყებულიყო პირდაპირი ურთიერთობა. _ ისე, რა აზრი აქვს წერილების უშედეგოდ გაგზავნას? _ არ მოვეშვებით! ეს რომ იყოს ქალსა და მამაკაცს შორის სასიყვარულო ურთიერთობა, თავს დავანებებდი, რადგან თავმოყვარეობა მაქვს. “ეროვნულ-დამოკიდებლობის პარტია” და დეოკუპაციის კომიტეტი იმ იდეის ავტორია, რომ ამერიკასთან ურთიერთობები უნდა გაღრმავდეს. სხვათა შორის, პირველი არასამთავრობო ორგანიზაცია, რომელიც ნატოსთან ურთიერთობებს უზრუნველყოფდა, ჩვენი ინიციატივით შეიქმნა. _ როგორც ვიცი, 7 ივლისს წერილი პრეზიდენტსაც მისწერეთ, გამოხმაურება მოჰყვა? _ პრეზიდენტს წერილი დეოკუპაციასთან დაკავშირებით გავუგზავნე, პასუხი მივიღე ბატონი ნუგზარ წიკლაურისგან, სადაც ის ამბობს, რომ ისინი მიესალმებიან ჩემს ჩართულობას ამ საკითხში. ამასთან, წერს, რომ ჩვენი ხელისუფლება პრობლემის მოსაგვარებლად ყველაფერს აკეთებს, მაგრამ ყველაფერს არ აკეთებს. ნუგზარ წიკლაურს, რომელსაც დიდ პატივს ვცემ, რადგან ეროვნული მოძრაობიდან მოსული ღირსეული კაცია, მინდა შევახსენო, რომ მე კი არ ვარ ამ საკითხში ჩართული, ჩემი პარტია და დეოკუპაციის კომიტეტი ამ საკითხების ინიციატორები ვართ. ახლა თვითონ ჩაერთენ ამ საკითხებში. 2000 ლექსი მაქვს და ეს იგივეა, მე რომ გალაკტიონ ტაბიძისთვის მიმეწერა, მივესალმები თქვენს ჩართულობას ქართულ პოეზიაში-მეთქი. _ ამ მოთხოვნების გაცნობა პირადად ჯოზეფ ბაიდენისთვის გსურდათ. მოითხოვეთ მასთან შეხვედრა? _ ბაიდენთან შეხვედრის სურვილიც გამოვთქვით, საელჩოში წერილიც გავაგზავნეთ, მაგრამ არ მიგვიწვიეს. მას შემდეგ, რაც საელჩოში მაილსი და შემდეგ ტეფტი მოვიდა, ურთიერთობები გაჩერებულია. დაუმორჩილებელი ადამიანი ვარ და ბევრს ვმუშაობთ, რომ დეოკუპაციის კომიტეტი ამერიკაში ჩავიდეს. არ ვებუტები ამერიკელებს, მთავარია, საქართველოსა და ამერიკას შორის ურთიერთობები და არა _ ირაკლი წერეთელსა და ამერიკას შორის ურთიერთობები. _ როგორ ფიქრიობთ, რა კონკრეტული შედეგები მოჰყვა ბაიდენის ვიზიტს? _ რუსეთში ბარაკ ობამას ჩასვლის შემდეგ, საქართველოში შეერთებული შტატების ვიცე-პრეზიდენტის ვიზიტი ძალიან დიდი შედეგია. ამით ამერიკამ ხაზი გაუსვა, რომ ის რუსეთთან ურთიერთობის დათბობას საქართველოს ხარჯზე არ აპირებს. რა თქმა უნდა, ბაიედენის გამოსვლა საქართველოს პარლამენტში უფრო მკვეთრი და ომახიანი იყო, ვიდრე _ ბარაკ ობამას გამოსვლა მოსკოვში. ბარაკ ობამას გარეშე ის ამას ვერ გააკეთებდა. ბაიდენმა 1918 წლის ეროვნული საბჭო გაიხსენა, “ვარდების რევოლუცია” ეროვნულ მოძრაობას დაუკავშირა. ამით ბაიდენმა აღიარა, რომ საქართველოს დამოუკიდებლობისთვის ბრძოლა ახლა კი არ იწყება, როგორც ამას მიხეილ სააკაშვილი ამბობს, არამედ გაცილებით ადრე დაიწყო. ამიტომ მწყდება გული, ანუ როცა ბაიდენი ეროვნულ მოძრაობას ახსენებს, შეხვდა პოლიტიკოსებს, რომელთაც იოტისოდენი წვლილი არა აქვთ შეტანილი საქართველოს გათავისუფლებაში. _ რომ შეხვედროდით, რას ეტყოდით ბაიდენს? _ ვეტყოდი, რომ შევარდნაძისა და სააკაშვილის ხელისუფლებას ყველაფერი, რაც დღეს კეთდება, ადრე რომ გაეკეთებინათ, დიდი ხნის წინ ვიქნებოდით ნატო-ს წევრები და ამერიკის მოკავშირეები. საქართველოს ნატო-ში გაწევრიანების და ამერიკასთან სტრატეგიული მოკავშირეობის იდეა ერთპიროვნულად მე მეკუთვნის, ისე როგორც “დიდოსტატის მარჯვენის” ავტორია კონსტანტინე განსახურდია. _ ბატონო ირაკლი, რა ამის პასუხია და, რას ფიქრობთ ბაიდენისა და ოპოზიციის შეხვედრაზე? _ კარგია, რომ შეხვდნენ, მაგრამ სხვებს რატომ არ შეხვდა? რატომ არ შეხვვდა აკაკი ასათიანს და ზვიად ძიძიგურს, რომელმაც განსხვავებით ნინო ბურჯანაძისგან, ლევან გაჩეჩილაძისა და ირაკლი ალასანიასგან საქართველოს თავისუფლებისთვის ბრძოლა 20 წლის წინ დაიწყო და ეროვნული მოძრაობის პრინციპული წარმომადგენელი იყო?! _ ამის შესახებ უკმაყოფილება ოპოზიციის წარმომადგენლებმაც გამოთქვეს და განაცხადეს, რომ ბაიდენთან შეხვედრაზე გაგზავნილი ოთხეული ამერიკის საელჩომ შეარჩია. _ ამერიკის საელჩოსა და ჯონ ტეფტს სერიოზული გამათრახება მოუწევს. ელჩს კი არა, ბაიდენს უნდა შეერჩია! პირადი წერილი გავუგზავნე ბაიდენს და აუცილებლად მოვითხოვ პასუხს, ამერიკის შეერთებულ შტატებს ჩემს გადაკიდებას ჩინეთის გადაიკიდება ურჩევნია! ამერიკის შეერთებული შტატების ვიცე-პრეზიდენტი მედროვეებს შეხვდა და არა _ იმ ხალხს, ვინც თავისუფლებისთვის იბრძოდა. ასე რომ, ეს იყო შეცდომა, მაგრამ არა უშავს, მთავარია, საქმე გააკეთონ. გიორგი თარგამაძე ამბობს, რომ საქართველოს სტაბილურობისთვის შეერთებულმა შტატებმა, ქართველი ხალხის შემდეგ, დიდი წვლილი შეასრულა, ქართველი ხალხი არ არსებობს, ეს არის ქართველი ერი და რატომ არ ახსოვდა ეს ყველაფერი თარგამაძეს მაშინ, როცა ასლან აბაშიძესთან იყო?! _ იმოქმედებს თუ არა ჯოზეფ ბაიდენის ვიზიტი სამხედრო რიტორიკის შეწყვეტაზე? _ საქართველოს უფლება აქვს, ტერიტორიები დაიბრუნოს, მაგრამ ამის თავი არ გვაქვს.Oომი იმ შემთხვევაში უნდა აწარმოო, როცა გამარჯვების გარანტიები გაქვს და ეს გარანტიები ჩვენ დიდ ხანს არ გვექნება. სამხედრო რიტორიკა ორივე მხრიდან უნდა შეწყდეს და ეს ვიზიტი ამას დაეხმარება. სხვათა შორის, ომი საქართველოს არ დაუწყია, საქართველოს რუსეთისთვის არ უნდა ეპასუხა? თუ ომია, ომი უნდა იყოს, მაგრამ ასე რატომ ჩააბარეს მთელი შიდა ქართლი? _ ოპოზიცია ამბობს, რომ ომი საქართველოს ხელისუფლებამ დაიწყო. _ ეს ღალატია! როგორ დაიწყო ომი ხელისუფლებამ, როცა ყველას გვახსოვს კოკოითის წივილ-კივილი, როგორ გაიყვანა თავის მოსახლეობა ომის დაწყებამდე ჩრდილოეთში. არ მგონია, ამას ოპოზიცია ამბობდეს. თუ ომი საქართველომ დაიწყო, გამოდის, რომ რუსეთი მოპასუხეა და არა _ აგრესორი. ეს ნიშნავს, რომ თუ ეს ოპოზიცია ხელისუფლებაში მოვა, რუსეთს აგრესიაზე პასუხისმგებლობას არ დააკისრებს. ამიტომაც არ დავდექი ოპოზიციის გვერდით. მთელი ამ ომის დროს საქართველოს არ დაურღვევია რუსეთის საზღვარი და არ მოუხდენია რუსეთის ინტერვენცია, ომი საქართველოს ტერიტორიაზე მოხდა. თუ ჩვენ ომს დავიწყებდით, რუსეთს თავს უნდა დავსხმოდით, ჩვენს ტერიტორიაზე დავესხით თავს რუსეთს? _ ბატონო ირაკლი, ასეთ განცხადებებს ხელისუფლება აკეთებს._ ხელისუფლება კი არა, მე ვაკეთებ ამ განცხადებებს, რომელიც მათ გავუგზავნე და სწორადაც აკეთებენ! ამიტომ მწყდება გული, რომ დეოკუაციის საკითხში, რუსეთთან დაპირისპირების საკითხში და ამერიკასთან ურთიერთობის საკითხში მიხეილ სააკაშვილი ჯობია დღევანდელ ოპოზიციას, ოღონდ არა _ ყველას და ამიტომაც არ შეხვდა მათ ბაიდენი. ისე, მე ოპოზიციასთან ერთად არ შევხვდებოდი ბაიდენს, მივწერე, თუ მოხერხდებოდა მასთან ცალკე შეხვედრა, მაგრამ ალბათ, ბაიდენმა ვერ მოახერხა. სხვათა შორის, მეორედ რომ ჩამოვა, შეუძლია, ჩემთან მოვიდეს, ღვინოს დავალევინებ, ასეთი ღვინო სააკაშვილს არა აქვს! _ მოდით, საუბრის თემას შევცვლი. საკნების აღებაზე რა აზრის ხართ? გავრცელებული ინფორმაციით, ამის გაკეთება ოპოზიციას ჯოზეფ ბაიდენმა სთხოვა. _ ოპოზიციამ, ჭკვიანური რაც გააკეთა, საკნების აღებაა, რადგან საკნებმა თავისი დრო მოჭამეს. ბაიდენი ამას არ სთხოვდა, ეს ბადიენის პიროვნებას შეურაცხყოფდა. თანამედროვე მსოფლიო პოლიტიკის არქიტექტორმა კაცმა პირდაპირ თქვა, რომ ჩვენ გავლენის სფეროები არ გვაქვს და დირექტივებს არ ვიძლევითო. ოპოზიციასთან შეხვედრას ვგეგმავ, დიდი სურვილი მაქვს, ზვიად ძიძიგურს შევხვდე, რადგან მომეჩვენა, რომ ისინი პრორუსულები არ არიან. დანარჩენთან შეხვედრას არ ვაპირებ. მინდა, პირველად თქვენთან ინტრევიუში გამოვხატო შეხვედრის სურვილი. საარჩევნო საკითხებზე თანამშრომლობას არცერთ პარტიასთან არ ვაპირებ. აქ თანამშრომლობა დეოკუპაციის საკითხებს ეხება. _ ფიქრობთ, რომ ოპოზიციიის სხვა წარმომადგენლები “პრორუსულები”არიან? _ არა, უბრალოდ, სხვებთან შეხვედრა ჯერ არ მსურს. ოპოზიციას ბრალს ვდებ, რომ ხელისუფლება ვერ შეცვალა და მიაღწია იმას, რომ ხელისუფლებამ შეკრებისა და მანიფესტაციის შესახებ კანონი მიიღო, რომელსაც ვაპროტესტებ. იმიტომ ვერ შეცვალა, რომ ხელისუფლებას არ დაუპირისპირდნენ ნატო-ს, ამერიკის შეერთებული შტატების და ეროვნულ-განმათავისუფელი მოძრაობის პოზიციებიდან, ნიძლავი გადამიხადონ! გაზეთის მეშვეობით, მთელ საქართველოს დავენიძლავე, რომ უჩემოდ სააკაშვილის გადამგდები არავინ არის და თუ არ უნდათ, რომ ოფიციალურად “ფუფლოვშჩიკებად” გამოვაცხადო, ნიძლავი უნდა მივიღო! რატომ ვერ გამოიყვანეს ბაიდენის ჩამოსვლისას 50 000 კაცი. ხალხი არა მარტო ხელისუფლებას, არამედ ოპოზიციასაც აგინებს და ძალიან ბედნიერი ვარ, რომ მათთან არ მივედი. ოპოზიციას ხელისუფლების წინააღმდეგ უნიათო, უსუსური და კაპიტულანტური ბრძოლის გამო ვადანაშაულებ! _ ბოლოს, მინდა გკითხოთ საპარლამენტო დებატებზე. მოგეწონათ? _ ბევრი ვიცინე, მომეწონა ყველას გამოსვლა, პრეზიდენტის გამოსვლა დეოკუპაციაზე, ოპოზიციას თანამშორმლობისკენ მოუწოდებს, მაგრამ რამდენად გულწრფელია, არ ვიცი. არ მომეწონა, როცა თარგამაძემ სრულიად დაუსაბუთებლად შენიშვნა მისცა ერთმორწმუნეობაზე, პოლიტიკაში მართლმადიდებლობა რა შუაშია? ვისაც სურს, რომ მთელი არსებით მართლმადიდებელი იყოს, პოლიტიკას თავი უნდა დაანებოს. მართლმადიდებლობა ადამიანისთვისაა საჭირო და არა _ პოლიტიკოსისთვის! _ პოლიტიკოსიც ხომ ადამიანია? _ პოლიტიკოსმა, როგორც ადამიანმა ამ მიმართულებით უნდა იზრუნოს. ქრისტიანობას არ აღელვებს, აფხაზეთი, ოსეთი ცალკე სახელმწიფო იქნება თუ საქართველოს შემადგენლობაში. ქრისტიანობის ჩართვა ამ ყველაფერში მკრეხელობაა. ღმერთს უნდა სთხოვო, რომ სარწმუნოებაში გაგაძლიეროს. ჩვენი ეკლესიის მინუსია, რომ ყველაფერზე ლაპარაკობს... Quote ლინკი სოციალურ ქსელებში გაზიარება More sharing options...
kisa Posted February 17, 2010 დარეპორტება გაზიარება Posted February 17, 2010 ირაკლი წერეთელი Quote ლინკი სოციალურ ქსელებში გაზიარება More sharing options...
McLaren Posted February 17, 2010 დარეპორტება გაზიარება Posted February 17, 2010 Saturn აი ასეთი ოპოზიცია უნდა ჰყავდეს ხელისუფლებასზვიადის ხელისუფლებას ყავდა ასეთი ოპოზიცია მიტინგხე მდგარი ხალხი არ არის საქართველოს მოსახლეობის 2%-იც კი. ვინც ამბობს, რომ აქციაზე საქართველოს მოსახლეობის ნახევარი დგას, უნამუსო მატყუარაა.ხო. ზემოთნახსენებ ვიდეოში 0.2% - იც არ დგას მაგის ჭკუის სასწავლებელი რომ გახდება ქართველი ხალხი :husein: Quote ლინკი სოციალურ ქსელებში გაზიარება More sharing options...
dariala Posted February 17, 2010 დარეპორტება გაზიარება Posted February 17, 2010 ეგ ის ირაკლი ხომ არაა, რომელზედაც ჭორი დადის, რომ ერთ სუფრაში გაცვალა ზვიად გამსახურდია? Quote ლინკი სოციალურ ქსელებში გაზიარება More sharing options...
kisa Posted February 17, 2010 დარეპორტება გაზიარება Posted February 17, 2010 dariala ეგ ის ირაკლი ხომ არაა, რომელზედაც ჭორი დადის, რომ ერთ სუფრაში გაცვალა ზვიად გამსახურდია?ეს არ ვიცი, მაგრამ ეს ის ირაკლია, ომელმაც 9 აპრილის ღამეს პატრიარქს არ დაუჯერა - დანარჩენი უჩემოდაც იცით Quote ლინკი სოციალურ ქსელებში გაზიარება More sharing options...
Saturn Posted February 17, 2010 დარეპორტება გაზიარება Posted February 17, 2010 9 აპრილის ღამეს პატრიარქს არ დაუჯერარომელ პატრიარქს? რომ არ დაუჯერეს იმ ხალხთან რომ არ დარჩა? Quote ლინკი სოციალურ ქსელებში გაზიარება More sharing options...
lasha_alo Posted February 17, 2010 დარეპორტება გაზიარება Posted February 17, 2010 მოღალატეთა მხილებაჭნნირაკლი წერეთელიჭნნ კვადრატში .shamili ესაა ხომ ერთერტი ეროვნული ძალა? ეჰ ჩემი თემა ამ ხალხზე გაიხსენეთ. ირალისთან არაფერი პირადული, მაგრამ მან ისეთები მიქარა თავისი სიშტერით, მის ადგილზე ხმას არ ამოვიღებდი.ნუ ნოღა რა ნაგავია ეს გასაგებია Quote ლინკი სოციალურ ქსელებში გაზიარება More sharing options...
kisa Posted February 17, 2010 დარეპორტება გაზიარება Posted February 17, 2010 Saturn რომელ პატრიარქს? რომ არ დაუჯერეს იმ ხალხთან რომ არ დარჩა?შენ ამას მანც ვერ გაიგებ, ასე რომ ახსნაც არ ღირსსამაგიეროდ მიშაა გმირი - ტაში! Quote ლინკი სოციალურ ქსელებში გაზიარება More sharing options...
Saturn Posted February 17, 2010 დარეპორტება გაზიარება Posted February 17, 2010 kisa სამაგიეროდ მიშაა გმირიეს "აბა გრეჩიხა ჯობდა"-ს პონტში კომენტარი მაგარი იყო ) Quote ლინკი სოციალურ ქსელებში გაზიარება More sharing options...
Recommended Posts
შეუერთდი განხილვას
თქვენ შეგიძლიათ შექმნათ პოსტი ახლა და დარეგისტრირდეთ მოგვიანებით. თუ თქვენ გაქვთ ანგარიში, გაიარეთ ავტორიზაცია რათა დაპოსტოთ თქვენი ანგარიშით.