მოვაჭრეები საგადასახადო სამსახურის წინააღმდეგ

[dachi2006]

მას შემდეგ, რაც საგადასახადო კანონში ცვლილებები შევიდა და საპროტესტო აქციებმა თითქმის მთელი საქართველო მოიცვა, წალენჯიხელმა მოვაჭრეებმა პროტესტი საკმაოდ ხმაურიანად გამოხატეს.

 

ცენტრალრი ბაზრის ტერიტორიაზე დასაქმებულმა მცირე მეწარმეებმა ჯერ გაფიცვა გამოაცხადეს, ხოლო შემდეგ მათთან შესახვედრად ფოთიდან საგანგებოდ ჩასულ საგადასახადო ინსპექციის მაღალჩინოსანს, თენგიზ ჭითანავას ახსნა-განმარტებები მოსთხოვეს.

 

პროდუქციის ადმინისტრირების გამკაცრებასთან ერთად მოვაჭრეებმა პროტესტი სალარო აპარატების მოქმედებასთან დაკავშირებითაც გამოხატეს, თუმცა მათი განსაკუთრებული შეშფოთება იმ გავრცელებულმა ინფორმაციამ გამოიწვია, რომლის მიხედვითაც ხელისუფლება ცენტრალური ბაზრის ალაგმვას და მიწის გასხვისებას გეგმავს.

 

შექმნილი პრობლემების გასარკვევად მოვაჭრეებმა მაჟორიტარი დეპუტატის ბიუროსაც მიაკითხეს, მაგრამ იქ მათ არავინ დახვდა. როგორც წალენჯიხელები ამბობენ მაჟორიტარი როლანდ ფიფია რაიონში იშვიათად ჩნდება და მოსახლეობასთან შეხვედრით თავსაც არ იწუხებს.

 

სამაგიეროდ წალენჯიხელებს „დაიცავი საქართველოსა“ და „ალიანსი საქართველოსათვის“ წევრებმა დაუჭირეს მხარი. მომავალ კვირას მათი ორგანიზებით წალენჯიხაში მასშტაბური საპროტესტო აქცია იგეგმება.

 

 

 

ვიდეო: http://boqlomi.blogspot.com/2010/02/video_2296.html

[newstudio]

ვინ თქვა რეგიონებშ სიწყნარეაო?))))))))

 

[machkatela]

მთელი უბედურება ის არის, რომ საგადასახდოში რეალურად არანაირი ცვლილება არ შესულა...

 

უბრალოდ, მისი მოქმედება გამკაცრდა...

 

ან ისევ უბრალოდ, არჩევნები მოდის, ფულია საჭირო და ყველას წეწავენ/////

 

ეკონომიკურ საქმიანობაში ზედნადები, ანუ ანგარიშფაქტურა, ისედაც აუცილებელი იყო./....

 

კობა დავითაშვილმა კი გაასულელა ხალხი და იმის მაგივრად პროტესტი ბიზნესტერორის წინააღმდეგ იყოს, გაფუჭებული კასეტასავით ჩაიხვიეს არ შემდგარი "საგადასახადო კოდექსში ცვლილება"