lasha_alo Posted December 3, 2009 დარეპორტება გაზიარება Posted December 3, 2009 “საქართველოს გზის” და ოპოზიციის ერთ-ერთი ლიდერი, სალომე ზურაბიშვილი ახლახანს ამერიკიდან დაბრუნდა. ვის შეხვდა იგი აშშ-ში, რას ელის ის ამ შეხვედრებიდან და როგორ აფასებს დღეისათვის ქვეყანაში შექმნილ პოლიტიკურ ვითარებას? ”პრესა.გე” სალომე ზურაბიშვილს ესაუბრა. ვის შეხვდით ამერიკაში და რა კონკრეტულ შედეგებს ელით ამ შეხვედრების შედეგად?- კონკრეტული შედეგი უკვე არის, რადგან ახალ ადმინისტრაციას ამ ქვეყნის მიმართ ძველი ილუზიები აღარ აქვს. საღად და ნათლად ხედავენ მდგომარეობას - როგორც დემოკრატიის კუთხით, ასევე ყველა სხვა ვითარებასთან დაკავშირებით რომელიც შექმნილია ქვეყანაში. რომლის შესახებაც შიგნით, ჩვენ ვიცოდით, მაგრამ გარეთ ვერ გაგვქონდა. თუ ადრე რაღაც კედელი გვხვდებოდა, ახლა ეს კედელი აღარ არის. ადმინისტრაციაში, სახელმწიფო დეპარტამენტში, კონგრესში, ”იუ-ეს-აიდ”-ში, სხვადასხვა ინსტიტუტებში თუ სხვაგან, ყველგან ჩვენი სათქმელი მისულიც არის და სრულად გაგებულიც. აქედან უკვე მოდის მათი კითხვა: რა გავაკეთოთ? უკვე, უხერხულობაც კი არის მათი მხრიდან - უნდათ დახმარება აღმოუჩინონ საქართველოს, მაგრამ არ იციან რა ფორმით დაგვეხმარონ. საქართველო აღარ არის ის მაღალი პრიორიტეტი როგორიც იყო გარკვეულ პერიოდში და ამავე დროს, ინარჩუნებს თავის მნიშვნელობას - სადღაც შუაში ვართ. ის ადამიანები, რომლებიც კურირებენ საქართველოს, კარგად ხედავენ დღეისათვის არსებულ ვითარებას, მაგრამ იმავდროულად, ეს არ არის ისეთი პრიორიტეტული საკითხი, რომ ყველაფერი ბოლო ეტაპამდე მივიდეს და იქ რაიმე ახალი გადაწყვეტილება მიიღონ. ამიტომ, ჩვენზეა ბევრი რამ დამოკიდებული. იმაზე, თუ რა და როგორ მოხდება აქ. ამერიკაში ჩემი მესიჯი იყო, რომ მათი მხრიდან იყოს სიტუაციის სწორად აღქმა და აღარ იყოს სურათის შელამაზება რათა ჩვენც ვიცოდეთ, რომ ჩვენს სიტუაციას იქ ნათლად და ზუსტად ხედავენ. გარდა ამისა, ჩაერთონ იმ პრობლემების მოგვარებაში რომლებზეც უფრო ხელი მიუწვდებათ. და სად შეიძლება ჩაერთონ ამერიკელები თუ არა, მედია-საკითხებში, საარჩევნო გარემოს გაუმჯობესებაში. ამ ორი მიმართულებით ველოდებით მათგან სერიოზულ დახმარებას. ანუ თქვენც ფიქრობთ, რომ სამართლიანი და დემოკრატიული არჩევნების ჩატარება მხოლოდ დასავლეთიდან ზეწოლის შემთხვევაშია შესაძლებელი?- ზეწოლა უნდა იყოს ხელისუფლებაზე როგორც შიგნიდან - ჩვენი მხრიდან, ასევე გარედანაც. მე მიმაჩნია, რომ ჩვენ ჯერ-ჯერობით არ ვიბრძვით არჩევნებისთვის. მე არ მგონია, რომ ადგილობრივი არჩევნები თავისით ისე ჩატარდება, რომ სამართლიანი არჩევნები მივიღოთ. ამიტომ სამართლიანი არჩევნებისთვის უნდა ვიბრძოლოთ ყოველდღიურად. ჩვენ ჯერ-ჯერობით არ ვიბრძვით არჩევნებისთვის. მე არ მგონია, რომ ადგილობრივი არჩევნები თავისით, ჩვენი ყოველდღიური ბრძოლის გარეშე ჩატარდეს დემოკრატიულად. ეს ბრძოლა უკვე დაწყებული უნდა იყოს ყველა მიმართულებით - როგორც ქვეყნის შიგნით, ასევე გარეთაც. დღე არ უნდა გადიოდეს იმის გარეშე, რომ არ შევაწუხოთ მედიაში, საარჩევნო სისტემაში თუ სხვა პრობლემების შესახებ საუბრით. დასავლეთმა თვითონაც უნდა მოითხოვოს დემოკრატიზაციის დანაპირების შესრულება. ეს უნდა იყოს მუდმივი, გაუჩერებელი, ჯერ-ჯერობით პოლიტიკური (არა ქუჩის) ბრძოლა კონკრეტულ საკითხებზე; 50%-იან ბარიერზე ხალხის ქუჩაში გამოყვანა საჭირო არ არის, მაგრამ ნელ-ნელა ყველაფერი გროვდება. ხელისუფლებას საარჩევნო კამპანია აქვს გაჩაღებული მათ ხელთ არსებული ყველა რესურსით. ეს გვაძლევს საშუალებას ვიფიქროთ, რომ შესაძლოა ისინი რაღაც სხვა არჩევნებისთვის ემზადებიან და არა, ადგილობრივისთვის. ამიტომ, ყველაფრისთვის უნდა ვიყოთ მზად. ჩვენ ვართ ის ოპოზიცია რომელიც პირველივე დღიდან - 2007 წლიდან - ვიბრძვით თავისუფალი არჩევნებისთვის რათა ხელისუფლება სწორედ არჩევნებით შევცვალოთ. მინდა ხაზი გავუსვა: ეს ბრძოლაა და არა, იმის ლოდინი, რომ ხელისუფლება არჩევნებში რაღაცას დათმობს. ესენი ერთ ნაბიჯს არ თმობენ და არჩევნებში გამარჯვებას დათმობენ? არ დათმობენ. ამიტომ, როგორც ხელისუფლება არ თმობს არაფერს, ასევე ჩვენც, ყოველ ნაბიჯზე უნდა ვიბრძოლოთ. მე არ მგონია, რომ მაისში ადგილობრივი არჩევნები ჩატარდება - უფრო სხვა არჩევნებს ველოდები, მაგრამ თუ მაინც ჩატარდა, ეს არ იქნება ჩვეულებრივი ადგილობრივი არჩევნები. ეს იქნება პლებისციტი. ჩვენ თუ აღვიქვით ეს არჩევნები როგორც რაღაც, სადაც მეურნე მერი უნდა ავირჩიოთ, მაშინ გამოდის, რომ ჩვენ არ გვცოდნია ქვეყანა რა დღეშია. არ გიფიქრიათ, რომ ოპოზიციამ ვერ აუხსნა საპროტესტოდ განწყობილ საზოგადოებას ამ არჩევნების ნამდვილი მნიშვნელობა?- ჰო, მე უფრო ამას ვიტყოდი, რომ მართლაც, შეიძლება ვერ ავუხსენით. ჩვენც ჯერ კიდევ გარკვევის ეტაპზე ვართ. რაც უფრო რთულდება ქვეყნის სიტუაცია, მით უფრო რთულდება სწორი სტრატეგიის დასახვა. ახლა უკვე ისეთ წერტილში ვართ, რომ ყველამ უნდა გადავწყვიტოთ, რას ვაკეთებთ, როგორ მივდივართ ამ არჩევნებში. ყველა მეტ-ნაკლებად ხედავს, რომ რაღაც ჩიხშია შესული. არც ერთი სტრატეგია ცალკ-ცალკე, არ ამართლებს. ამიტომ, გვინდა თუ არა, სულ უფრო ნათლად ვიაზრებთ, რომ უნდა მივმართოთ იმ ხალხის კონსოლიდირებულ მასას, რომელიც არავისი არ არის. პროტესტი რომელიც იყო, არსად წასულა - უბრალოდ გაყინულია, არ არის გააქტიურებული. ეს კონსოლიდირებული მასა ელოდება ჩვენგან კონსოლიდირებულ სტრატეგიას რომელიც ყველასთვის მისაღები იქნება. თუ იქამდე რაიმე სხვა, გაუთვალისწინებელი არ მოხდა, საბოლოოდ ეს კონსოლიდირებული სტრატეგია მიგვიყვანს იმ წერტილამდე რომელსაც ადგილობრივი არჩევნები ჰქვია სახელად, მაგრამ სინამდვილეში პლებისციტია. რეალურად, ხელისუფლება ამზადებს პლებისციტს, რომელიც ან ადგილობრივი არჩევნების, ან საპარლამენტო ან კიდევ რაიმე სხვა არჩევნების სახით ჩატარდება. ჩვენ უნდა დავრჩეთ ჩვენი თავის და ჩვენი პრინციპების ერთგულები. ჩვენ ხომ ვიბრძვით იმისთვის, რომ ამ ქვეყანაში ხელისუფლება შეიცვალოს - დამარცხდეს არჩევნების გზით. ჩვენ მზად უნდა ვიყოთ ნებისმიერი არჩევნებისთვის და ვიბრძოლოთ ასევე, ნებისმიერი არჩევნებისთვის. ამ ყველაფერში კი, გვჭირდება საარჩევნო კოდექსი, მედია, სასამართლო... ეს ყველაფერი უნდა მოვითხოვოთ, ამისთვის უნდა ვიბრძოლოთ! მიუღებელია 50%-ს პლიუს ერთი პრინციპის შესახებ ვაჭრობა. ეს პრინციპია: სადაც არსებობს მაგარი მმართველი პარტია, ოპოზიციას რაიმე შანსი რომ ჰქონდეს, სამართლიანი არჩევნები იმართება 50%-იანი ბარიერის პრინციპით რაც ნიშნავს მეორე ტურს. სხვა ყველაფერი სისულელეა. აქ ლაპარაკია იმაზე, რომ წინააღმდეგ შემთხვევაში ოპოზიციის შანსები ირღვევა. მაგალითები, რომლებიც ხელისუფლებამ მოიტანა, სხვა სისტემებია და მხოლოდ იმ ზედმიწევნით დემოკრატიულ ქვეყნებშია სადაც ტრადიციულად უკვე ჩამოყალიბებულია ორპარტიული, მაგრამ სრულიად დემოკრატიული სისტემა. აქ ვაჭრობა უადგილოა. ვინ ვის და რას უთმობს ძალიან მაინტერესებს. ვის აქვს უფლება, რომ მოსახლეობის სახელით 50%-ის ნაცვლად 30%-ზე დათანხმდეს? არავის! ეს არის მიღებული წესი მთელს მსოფლიოში. და ამაზე ვაჭრობა არ უნდა. სწორედ ეს ყველაფერია არჩევნებისთვის ის ბრძოლა რასაც წეღან ვამბობდი. ჩვენ უნდა ვიბრძოლოთ: როდესაც ”ბათუმელებზეა” შეტევა; როდესაც არსებობს ქვეყანაში სამარცხვინო შინაგან საქმეთა ტელევიზია რომლის ერთადერთი დანიშნულება ოპოზიციის ლანძღვაა. მე არ ვიცი რომელი კანონით უნდა ვებრძოლოთ, მაგრამ ეს არის ქვეყნის სირცხვილი. მე არ ვიცი მსოფლიოში სხვა ქვეყანა, რომელშიც ამდენი თანხებით იხსნება - აშკარაა, რომ ამ არხს აქვს დიდი დაფინანსება - ასეთი ფორმის ტელევიზია. მე არ ვიცი სხვა ქვეყანა, რომლის საგარეო საქმეთა მინისტრიც - იმიტომ რომ არ იცის რას ლაპარაკობს და როგორ უნდა ილაპარაკოს - აღიარებს, რომ არის ხელისუფლების დახმარება კერძო, მის მიერ დაპყრობილი არხებისთვის. და მერე, როცა ვითომ სიტუაციის გამოსწორება უნდათ, კიდევ უფრო დიდ სიულელეებს ლაპარაკობენ: რომ თურმე, ეს არ ყოფილა ფინანსური დახმარება და თურმე, ეს უბრალოდ კანონმდებლობით დახმარებაა. მაინტერესებს, რომელი კანონები არის მიღებული, რომლებიც მხარს უჭერს ორ კერძო ტელეარხს და არა, სხვებს. თქვენი საშუალებით ვეკითხები ხელისუფლებას: რომელია ეს კანონები, გვითხრან და გამოაქვეყნონ ისინი. იქმნება შთაბეჭდილება, რომ ოპოზიცია დღეს ფაქტობრივად, გამოუვალ მდგომარეობაშია და საბოლოო ჯამში ან ქუჩაში გასვლა მოგიწევთ ან პოლიტიკურ პროცესებში მონაწილეობაზე უარის თქმა...- მართლაც, ძალიან ვიწროვდება ჩვენი არეალი. ამიტომ ეს ბრძოლა უნდა იყოს ძალიან პრინციპული დღევანდელი დღიდან. უკვე უნდა ყოფილიყო დაწყებული და ახლა დროის დაკარგვა აღარ შეიძლება რადგან ხელისუფლება ყველაფერს აკეთებს და უზარმაზარ თანხებსაც ხარჯავს. ამიტომაცაა ბიზნესზე წარმოუდგენელი ზეწოლა. მათ შორის, უცხოელ ბიზნესმენებზეც. წარმოუდგენელ თანხებს ხარჯავს ხელსიუფლება რათა ჩაგაყენოს მდგომარეობაში, რომელშიც შანსი აღარ გექნება. როცა ყველა სადარბაზოში დანიშნულები არიან მათი წარმომადგენლები რომელსაც თანხას უხდიან - 150 ლარს; როცა რეგიონებში ყველა სოფელში დანიშნულია მათი წარმომადგენელი თუ კოორდინატორი; როცა დადიან ყველა ოჯახში რათა გაარკვიონ ვინ ვისი მხარდამჭერია და თან ეკითხებიან, რა გაგიკეთოთო... ეს ისეთი საარჩევნო კამპანიაა, რომელიც მე არ მინახავს არც ერთ ქვეყანაში თუნდაც ყველაზე სერიოზული არჩევნების დროსაც. ხელისუფლება მართლაც თავისი ბოლო ბრძოლისთვის ემზადება. ასეთ დროს, არ შეიძლება ვიყოთ გაურკვევლობაში და არ ვიცოდეთ რას ვაპირებთ: ბრძოლას, მოთმენას და რაღაცის ლოდინს... ამიტომ ჯერ ჩვენს თავში უნდა გავარკვიოთ რა ფორმით მივდივართ ამ ბრძოლაზე. წინასწარ გამოცხადება იმისა, რომ შედეგი მაინც არაფერს ექნება და მაინც იძულებულები ვიქნებით, ქუჩაში გამოვიდეთო, არასწორია. ჯერ უნდა ვაჩვენოთ ხალხს, რომ ჩვენ ბოლომდე ვიბრძვით. ვიბრძვით მიუხედავად იმისა, რომ ვერ ვაღწევთ ვერც ერთი ჩვენი სამართლიანი მოთხოვნის დაკმაყოფილებას. ამის მერე, თუ ქუჩაში გამოვალთ, უკვე ამ გამოსვლასაც ლეგიტიმური საფუძველი ექნება როგორც ქვეყნის შიგნით, ასევე მის გარეთაც. ის ნიჰილიზმი, რომელიც დღეს საპროტესტოდ განწყობილ საზოგადოებაშია, დიდწილად, ოპოზიციის გათიშულობითაც არის ალბათ გამოწვეული. ძალიან არასასიამოვნო სანახავია მათი მხრიდან ერთმანეთის მიმართ მკვეთრად გამოხატული პოლიტიკური მეტოქეობა. თქვენ ერთხელ უკვე შეასრულეთ ოპოზიციის გამაერთიანებლის როლი. იგივეს გამეორებას ხომ არ გეგმავთ?- კი, ვაპირებ. უკვე ყველა ხედავს, რომ ცალკ-ცალკე მხოლოდ ერთი გზით სიარულით, ჩვენ ვერ გავიმარჯვებთ, თუ ვერ შევძლებთ, რომ ერთიანი სტრატეგია დავსახოთ, რომლებიც მოიცავს სხვადასხვა ცალკეულ ელემენტებს მთლიანობაში, მაშინ ეს მეტოქეობა ბუნებრივად ჩნდება. ცხადია, რომ როცა შენი გზა გაქვს, ბუნებრივია, ცდილობ დაარწმუნო შენი ამომრჩეველი, რომ შენი გზა უფრო სწორია. რომც არ გინდოდეს, ბუნებრივად გამოგივა ეგ მეტოქეობა. არსებობს ამბიციებიც და ესეც, ბუნებრივია - უამბიციო პოლიტიკური მოღვაწე არც უნდა არსებობდეს. სხვა საქმეა, რომ კონკრეტულ სიტუაციებში ამ ამბიციების მოთოკვა და ერთიან სტრატეგიაზე გადასვლა უნდა ვიცოდეთ. მაგრამ თუ ის არ არსებობს, ვერც ამბიციას მოთოკავ. ახლა რა ნიშნით უნდა მოსთხოვო ვინმეს ამ ამბიციის მოთოკვა? არის საერთო სტრატეგია? არა! სწორედ ამიტომ არის საჭირო ერთიანი სტრატეგიის შემუშავება. მე მახსენდება 9 აპრილამდელი პერიოდი. მაშინაც, ყველას თავისი გზა ჰქონდა, მაგრამ საბოლოოდ მაინც მოხერხდა, რომ ყველას ერთად გვებრძოლა. აუცილებელია ეს ერთიანობა და აუცილებლად მივაღწევთ ამას. მე პირადად, ვუკვირდები ხოლმე როდის შეიძლება ამ მიმართულებით კონკრეტული ნაბიჯების გადადგმა და ვდგამ კიდევაც. შესაძლოა, ჯერ ამაზე ხმამაღლა არ ვლაპარაკობთ, მაგრამ ეს იმას არ ნიშნავს, რომ ბრძოლა შეჩერებულია. რას ფიქრობთ პრაიმერის შესახებ? ერთი შეხედვით, ამ იდეას ბევრი საფრთხე ახლავს თან. თქვენ თუ ხედავთ მათ და უჭერთ თუ არა მხარს პრაიმერის ჩატარებას?- კი, მეც ვფიქრობ რომ ამ იდეას კონკრეტული საფრთხეები აქვს. თუნდაც ის, რომ არჩევნებამდე საკმაოდ დიდი ხნით ადრე, ხელისუფლებას ეცოდინება ოპოზიციური ამომრჩევლის რაოდენობა - ვინც მიიღებს პრაიმერში მონაწილეობას, უკვე გასაგებია, რომ ის ოპოზიციურად არის განწყობილი. დღეს როდესაც ოპოზიციური განწყობის გამო ხელისუფლება ხალხზე დიდ ზეწოლას ახორციელებს, შეიძლება ბევრმა არც კი მოისურვოს პრაიმერში მონაწილეობა. მაშინ, ადვილი იქნება, რომ ხელისუფლებამ თავის მომხრეებს, შემოგზავნილებს მიაღებინოს პრაიმერში მონაწილეობა და თავიანთთვის სასარგებლო კანდიდატს გაამარჯვებინონ. ამას როგორ შეიძლება წინ აღუდგე, მე არ ვიცი. ამიტომ ამ საფრთხეებს ვხედავ. მიმაჩნია, რომ არჩევნებამდე დარჩენილ პერიოდში ჩვენ არ ვიბრძვით მერისთვის. სინამდვილეში ხომ იმისთვის ვიბრძვით, რომ ჩატარდეს არჩევნები რომელიც იქნება პლებისციტი ამ ქვეყნისთვის. პლებისციტი, რომელიც იქნება საბოლოო განაჩენი და პასუხი კითხვაზე: გვინდა ეს რეჟიმი და ეს სისტემა თუ არა! რას ვეძებთ ჩვენ სინამდვილეში? ჩვენ ხომ ამ ბრძოლის მეთაურს ვეძებთ სინამდვილეში. ხოლო ამ ბრძოლის მეთაური ის გახდება ვინც თვითონ აიღებს მას ხელში და საქმეს ბოლომდე მიიყვანს. ეს კი, არც პრაიმერით ხდება და არც, შიდა შეთანხმებით. ჩვენმა ამჟამინდელმა ბრძოლამ უნდა გამოავლინოს ბოლოსდაბოლოს, ვის შეუძლია და ვინ არის მზად, რომ ეს ბრძოლა ბოლომდე მიიყვანოს. http://presa.ge/index.php?text=news&i=11168 საკმაოდ საინტერესო ანალიზია. Quote ლინკი სოციალურ ქსელებში გაზიარება More sharing options...
ძუკუ Posted December 3, 2009 დარეპორტება გაზიარება Posted December 3, 2009 lasha_alo საკმაოდ საინტერესო ანალიზია.ნამდვილად. მაგრამ უფრო თეორიულ ჭრილში. Quote ლინკი სოციალურ ქსელებში გაზიარება More sharing options...
lasha_alo Posted December 3, 2009 Author დარეპორტება გაზიარება Posted December 3, 2009 ნამდვილად. მაგრამ უფრო თეორიულ ჭრილში.ვერ დაგეთანხმებით.საკმაოდ სწორი მომენტები აქვს დაჭერილი. მისი ფანი არ ვარ ,მაგრამ ეს ინტერვიუ მომეწონა Quote ლინკი სოციალურ ქსელებში გაზიარება More sharing options...
Saturn Posted December 3, 2009 დარეპორტება გაზიარება Posted December 3, 2009 50%-იან ბარიერზე ხალხის ქუჩაში გამოყვანა საჭირო არ არის, მაგრამ ნელ-ნელა ყველაფერი გროვდება.როცა გამოყვანილი იყო ის ხალხი mission impossible -ის ნაცვლად ეგ ბარიერის 50 % -მდე აწევა და კიდევ ბევრი სასარგებლო იდეა რომ წამოეყენებინათ, ახლა ნეხვში არ ისხდებოდნენ. Quote ლინკი სოციალურ ქსელებში გაზიარება More sharing options...
McLaren Posted December 3, 2009 დარეპორტება გაზიარება Posted December 3, 2009 Saturn როცა გამოყვანილი იყო ის ხალხი mission impossible -ის ნაცვლად ეგ ბარიერის 50 % -მდე აწევა და კიდევ ბევრი სასარგებლო იდეა რომ წამოეყენებინათ, ახლა ნეხვში არ ისხდებოდნენ.7 ნოემბრის მერე ძალიან ბევრ შეთანხმებას მიაღწია ოპოზიციამ. მათ შორის საარჩევნო კანონზე და პარლამენტის დაკომპლექტების წესზე. ჩაიარა საპრეზიდენტო არჩევნებმა, აქციებმა და მაინც ის კანონი მიიღეს რაც უნდოდათ. ახლაც იგივე მოხდებოდა. აგერ საკონსტიტუციო კომისია და საარჩევნო კანონმდებლობაზე მომუშავე ჯგუფი ამის კლასიკური მაგალითია. Quote ლინკი სოციალურ ქსელებში გაზიარება More sharing options...
Saturn Posted December 3, 2009 დარეპორტება გაზიარება Posted December 3, 2009 lasalexx ჩაიარა საპრეზიდენტო არჩევნებმა, აქციებმა და მაინც ის კანონი მიიღეს რაც უნდოდათაქციები სამი თვე გრძელდებოდა და მაგ დროს მოასწრებდნენ კანონის მიღებას. Quote ლინკი სოციალურ ქსელებში გაზიარება More sharing options...
lasha1997 Posted December 3, 2009 დარეპორტება გაზიარება Posted December 3, 2009 (edited) ხოლო ამ ბრძოლის მეთაური ის გახდება ვინც თვითონ აიღებს მას ხელში და საქმეს ბოლომდე მიიყვანს. ეს კი, არც პრაიმერით ხდება და არც, შიდა შეთანხმებით. ჩვენმა ამჟამინდელმა ბრძოლამ უნდა გამოავლინოს ბოლოსდაბოლოს, ვის შეუძლია და ვინ არის მზად, რომ ეს ბრძოლა ბოლომდე მიიყვანოს. ეს დილით წავიკითხე და იმისთანას არაფერს(შეცდომებს აღიარებს და კარგია) ამბობს ლაშა,აი ამის გარდა.თუ გაერთიანდა ოპოზიცია ალასანიას ირგვლივ,ნაცებს კუდით ქვას ასროლინებენ არჩევნებზე. : დავპატიჟოთ სალომე. Edited December 3, 2009 by lasha1997 Quote ლინკი სოციალურ ქსელებში გაზიარება More sharing options...
ძუკუ Posted December 3, 2009 დარეპორტება გაზიარება Posted December 3, 2009 (edited) lasha_alo ვერ დაგეთანხმებით.საკმაოდ სწორი მომენტები აქვს დაჭერილი. მისი ფანი არ ვარ ,მაგრამ ეს ინტერვიუ მომეწონამე ვიგულისხმე რომ პრაქტიკული შედეგი ამას არ ექნება. ხელისუფლება არც მოისმენს,ე.წ. რადიკალური ოპოზიცია კი მაინც თავისას მიაწვება. Edited December 3, 2009 by ძუკუ Quote ლინკი სოციალურ ქსელებში გაზიარება More sharing options...
Saturn Posted December 3, 2009 დარეპორტება გაზიარება Posted December 3, 2009 დავპატიჟოთ სალომე:yes2:წითელუბნის ქართველების მიერ დაბომბვის არაკს მოგვიყვეს Quote ლინკი სოციალურ ქსელებში გაზიარება More sharing options...
lasha_alo Posted December 3, 2009 Author დარეპორტება გაზიარება Posted December 3, 2009 (edited) თუ გაერთიანდა ოპოზიცია ალასანიას ირგვლივ,ნაცებს კუდით ქვას ასროლინებენ არჩევნებზე.ალასანიას უნდა ეყოს ძალა, მოახერხოს და ოპოფლანგი ხელში აიყვანოს. დავპატიჟოთ სალომე.ოფტოპ დიტო პმ ნომერი შემახსენე რა "იმ" ადამიანის და მანამდე შენ თუ გააფრთხილებ ჯიგარი იქნები Edited December 3, 2009 by lasha_alo Quote ლინკი სოციალურ ქსელებში გაზიარება More sharing options...
lasha_alo Posted December 3, 2009 Author დარეპორტება გაზიარება Posted December 3, 2009 ოცა გამოყვანილი იყო ის ხალხი mission impossible -ის ნაცვლად ეგ ბარიერის 50 % -მდე აწევა და კიდევ ბევრი სასარგებლო იდეა რომ წამოეყენებინათ, ახლა ნეხვში არ ისხდებოდნენ.ვერ შეგეწინააღმდეგები :resent: Quote ლინკი სოციალურ ქსელებში გაზიარება More sharing options...
lasha1997 Posted December 3, 2009 დარეპორტება გაზიარება Posted December 3, 2009 Saturn ისე შენი აზრით ვინ უფრო მეტს იტყუილება მიშა, თუ სალომე და ვისი ტყუილები უფრო ავნებს ქვეყანას? Quote ლინკი სოციალურ ქსელებში გაზიარება More sharing options...
Saturn Posted December 3, 2009 დარეპორტება გაზიარება Posted December 3, 2009 lasha1997 ისე შენი აზრით ვინ უფრო მეტს იტყუილება მიშა, თუ სალომე და ვისი ტყუილები უფრო ავნებს ქვეყანას?ტყუილების თქმა არცერთ პოლიტიკოსს არ უჭირს : რაც შეეხება იმას თუ ვისი უფრო ავნებს, შენ ალბათ გინდა თქვა რომ ხელისუფლების ტყუილი უფრო ვნებს ქვეყანას, ვიდრე ოპოზიციის. შეიძლება მასეც იყოს, მაგრამ იმ ოპოზიციის მიზანი ხელისუფლებაში მოსვლაა და ოპოზიციაში ყოფნის დროს რომ არიან მიჩვეული ტყუილების ლაპარაკს, შენ როგორ გგონია ხელისუფლებაში მოსვლის შემთხვევაში ფრთები ამოუვათ ზურგზე და გადაეჩვევიან? Quote ლინკი სოციალურ ქსელებში გაზიარება More sharing options...
lasha1997 Posted December 3, 2009 დარეპორტება გაზიარება Posted December 3, 2009 Saturn მაშინ ამირჩიეთ მე და არასოდეს მოგატყუებთ. : Quote ლინკი სოციალურ ქსელებში გაზიარება More sharing options...
Saturn Posted December 3, 2009 დარეპორტება გაზიარება Posted December 3, 2009 lasha1997 მაშინ ამირჩიეთ მე და არასოდეს მოგატყუებთის ინდაური გამოგვიგზავნე და აგირჩევთ : Quote ლინკი სოციალურ ქსელებში გაზიარება More sharing options...
Recommended Posts
შეუერთდი განხილვას
თქვენ შეგიძლიათ შექმნათ პოსტი ახლა და დარეგისტრირდეთ მოგვიანებით. თუ თქვენ გაქვთ ანგარიში, გაიარეთ ავტორიზაცია რათა დაპოსტოთ თქვენი ანგარიშით.