პოლიტიკის განყოფილებაში მოქმედი წესები

[Saturn]

მოდერაცია ვალდებულებას იღებს, რომ

1.1. პოლიტიკის განყოფილებაში მოქმედი წესი თანაბრად გავრცელდება ყველა ფორუმელზე მიუხედავად ფორუმელის პოლიტიკური თუ რელიგიური მრწამსისა.

1.2. არ მოხდება არც ერთი კორექტულად ჩამოყალიბებული აზრის დევნა მოდერაციის მიერ (პოსტების წაშლა / რედაქტირება, თემის დახურვა / წაშლა და ა.შ.)

1.3. ფორუმელზე პოსტვის შეზღუდვის შემთხვევაში, მას არ შეეზღუდება პირადი PM ბოქსით სარგებლობის უფლება.

1.4. ცალკეულ ოფტოპიკებზე ვორნი ან ბანი არ გაიცემა.

1.5. ერთ კვირიანი ბანი არის უმაღლესი სასჯელი, რაც შეიძლება გაიცეს პოლიტიკის განყოფილებაში. არავითარ შემთხვევაში არ მოხდება ფორუმელის ნიკის გაუქმება.

1.6. ყველა სადაო საკითხი გადაწყდება ფორუმის ომბუდსმენთან თანამშრომლობის საფუძველზე და მისი დასკვნა სადაო საკითხზე იქნება გადამწყვეტი.

 

აკრძალულია:

 

2.1. ფორუმელის შეურაცხყოფა. სასჯელი: შეურაცხყოფის სიმძიმის და სიხშირის მიხედვით შეიძლება ვარირებდეს სიტყვიერი გაფრთხილებიდან ერთ კვირიან ბანამდე.

2.2. იარლიყების მიწებება ფორუმელზე. სასჯელი: სიტყვიერი გაფრთხილებიდან ვორნამდე.

2.3. უცენზურო ლექსიკის გამოყენება არა ფორუმელთა (საჯარო პირები, პოლიტიკოსები) და პოლიტიკური კონფესიების მიმართ. ამ ტიპის დარღვევაზე მოხდება პოსტის რედაქტირება, ფორუმელი კი სიტყვიერად გაფრთხილდება. ფორუმელის მხრიდან იგივე ქმედების არა ერთხელ განმეორების შემდეგ შეიძლება მასზე გაიცეს ვორნი.

2.4. ისეთი თემის გახსნა, რომელიც არ შეესაბამება განყოფილების თემატიკას. ასეთი თემები დაიხურება. განსაკუთრებულ შემთხვევებში შესაძლებელია გამონაკლისების დაშვება.

2.5. ეროვნული და რასობრივი შუღლის გაღვივება, სხვადასხვა ეთნიკური ჯგუფის შურაცხყოფა და მათი დამცინავი მეტსახელებით მოხსენიება.

2.6. მუქარა ფორუმელზე და აგრესიის გამოვლენა მის მიმართ. სასჯელი: სიტყვიერი გაფრთხილებიდან სამ დღიან ბანამდე.

2.7. თემის მიზანმიმართული დაფლუდვა მოდერატორის გაფრთხილების მიუხედავად. სასჯელი სიტყვიერი გაფრთხილებიდან ერთ დღიან ბანამდე.

Edited April 18, 2010 by Saturn