უკრაინაში ვადამდელი საპრეზიდენტო არჩევნები 25 მაისს გაიმართება. უკრაინის რადამ ეს გადაწყვეტილება რამდენიმე წუთის წინ მიიღო. შესაბამისად, იანუკოვიჩს მან უფლებამოსილება შეუჩერა. ასევე დანიშნა უშიშროებისა და თავდაცვის მინისტრების მოვალეობის შემსრულებლები.

ვიქტორ იანუკოვიჩი აცხადებს, რომ ის არის ლეგიტიმური პრეზიდენტი. შესაბამისად, არც გადადგომას აპირებს და არც ქვეყნის დატოვებას.

როგორც მან დღეს, კიევის დროით, 16 საათზე განაცხადა, - უკრაინაში ადგილი ჰქონდა სახელმწიფო გადატრიალებას. თავს დამნაშავედ არ გრძნობს. სიუჟეტში იანუკოვიჩის ადგილ-სამყოფელად მითითებული იყო ხარკოვი - ქალაქი აღმოსავლეთ უკრაინაში.