1ყრზო რაიკომის მდივნის შვილიშვილი(ვალერი კვარაცხელიას მეზობელი): მოგეხსენებათ რომ 1801წელს ამერიკის შეერთებულმა შტატებმა მუხანათურად დაარღვია ბოსტონ–გეორგიევსკ–კლივლინდის ხელშეკრულება და გააუქმა საქართველოში მეფობა, შემდგომ მოახდინა გეორგიის ანექსია. ამერიკელმა ერთმორწმუნეებმა საქართველოს ანექსიისთანავე გააუქმეს ქართული მართლმადიდებლური ეკლესიის ავტოკეფალია და ეკლესიებში ჩააყენეს ვირჯინიელი მალიარი ეგზარხოსები რომლებმაც უძველესი ქართული ფრესკები, წარწერები წაშალეს კირწყლითა და სხვა ამერიკული მართლმადიდებლური საშუალებებით. . 2ყრზო ეგორ გიორგაძის ნათლული(ამჟამად ჰეისაკუ კუკავას იატაქვეშეთში მერადისტე ნატახას მოვალეობის შემსრულებელი). მოგახსენებთ რომ მთელი მეცხრამეტე საუკუნის მანძილზე მიმდინარეობდა აჯანყებები ამერიკის საოკუპაციო რეჟიმის წინააღმდეგ: მთიულეთის აჯანყება, აჯანყება კახეთში, აფხაზეთში, სამეგრელოში….ყოველ აჯანყებას ბოროტი იანკი კოლონიზატორები სისხლში ახშობდნენ ვიდრე ისინი ღმერთმა არ დასაჯა და აბრაამ–ვლადიმირ ლინკოლნ–ულიანოვის რევოლუცია არ მოუვლინა 1863–1917 წლებში როდესაც დროებით დაემხო რეჟიმი და საქართველომ დამოუკიდებლობა მოიპოვა….. 3. ყრზო: გივი გუმბარიძის ყოფილი მძღოლის ვაჟი, ზახარა ქუცუნაშვილი(ამჟამად მსხვილი იურისტი(ჭორვილას მასშტაბებით) და მეიგავე ამასთან რესპექტაბელურობისათვის ამაოდ მაშვრალი, სოფლის ორღობეში სამუდამოდ გაჩხერილი მაგიკური სამკუთხედით კისერზე(რომელიც ოდესღაც ცისკრის ვარსკვლავის ორდენოსანმა რჩეულიშვილმა პირადად ჩამოკიდა). მოგახსენებთ რომ 1921 წლის თებერვალში აშშ–მა უტიფრად დაარღვია საქართველოს რესპუბლიკასთან დადებული ყველა მშვიდობიანი ხელშეკრულება და შემოიჭრა საქართველოში. მეცხრე და მეთერთმეტე შავკანიანების არმიით მოახდინა ქვეყნის ოკუპაცია რაშიც აქტიურად იღებდნენ მონაწილეობას ადგილობრივი კოლლაბორაციონისტი ამერიკანოფილები სერგო ორჯონიკიძე, ფილიპე მახარაძე, მამია ორახელაშვილი, გივი–ჯუმბრ ნოღაიდელი და პეტრა(ქვაკაცა.ბერძ) მამრაძე.(ჯონდი უბრალოდ ტაშს უკრავდა). 4ყრზო: ვაკეში გუნცაძე–გაჩეჩილაძეების მონასტერის მოკრივე ბერი. ….მოგეხსენებათ საქართველომ აშშ–ს ოკუპაციებისა და ტერორის საპასუხოდ მოაწყო აჯანყება 1924წლის აგვისტოში, მაგრამ ამერიკელმა მედესანტეებმა აჯანყებულები სასტიკად გაანადგურეს და ათეული წლების მანძილზე აჯანყებულთა ნათესავებს ასახლებდნენ ალიასკის გულაგებში …..1956წელს ჰარი თრუმენის პიროვნების კულტის გამოცხადების გამო ქართველებმა პროტესტი გამოთქვეს(ხმები დადიოდა რომ ჰარი ბებიით ქართველიაო და ჩურჩხელები უყვარსო). იანკებმა ეს ქართული პროტესტი ტყვიამფრქვევებით ჩაახშეს….იყო ათასობით დახვრეტილი ქართველი რომელიც ამერიკელმა ოკუპანტებმა მტკვარში გადაყარეს…..“რას გვიშვება ეს ამერიკა” ანუ ყრზოთა ვარამი. 5ყრზო: გიგა ლორთქიფანიძეს მოსწავლე, ქეთი დოლიძეს პირადი დიდოსტატი ჩუკოკუნობასა და ცოცხის ქნევის თაიჩუჩუანში. როდესაც აშშ–მ დემოკრატია გამოაცხადა ქართველებმა დაიჯერეს და 1989წელს ქვეყნის დამოუკიდებლობის მოთხოვნით დემონსტრაციები მოაწყეს…..ამ ამბებმა ისე შეაშფოთა აშშ–ს პრეზიდენტი რომ პირადად გასცა ბრძანება ქართველთა პროტესტის განადგურების შესახებ. 9აპრილს ამერიკელმა მსანგრეებმა და ფეხოსნებმა ტანკებითა და მომწამვლელი გაზებით სასტიკად დაარბია თავისუფლებისათვის მებრძოლი ქართველები და ათობით მათგანი დახოცა…..“რას გვიშვება ეს ამერიკა” ანუ ყრზოთა ვარამი. 6 ყრზო თვით მშიერ კობას და გუბას ბრწყინვალეს თანამოინახე, ქართული ნეტარყუჩიზმის დამაარსებელი. ცნობილია რომ ამერიკელების წაქეზებითა და დახმარებით თენგიზ კიტოვანმა და რობერტ სტურუამ(უკაცრავად სიგუამ) დაამხეს საქართველოს ხელისუფლება და ოჰაიოს შტატიდან ჩამოიყვანეს ედუარდ შევარდნაძე, რომლის მმართველობის დროს საქართველოს ტყეებში აჯანყდნენ თხები ოჩამჩირე–გუდაუთას ბატალიონი და გარული–შინაური კატები ცხინვალის სოფლებთან….ეს თხები და კატები აშშ–ს დაფინანსებითა და კარნახით მოქმედებდნენ რათა ისედაც პროამერიკული შევარდნაძე კიდევ დამთმობი ყოფილიყო…….“რას გვიშვება ეს ამერიკა” ანუ ყრზოთა ვარამი. 7ყრზო სამსახურიდან დათხოვნილი საგზაო ინსპექტორთა ლეგიონის ვიცეპრეზიდენტი და შალიკო პირველის გუნდთან დაახლოვებული სიკოფანტი. მოგეხსენებათ რომ 1991 წლიდან აშშ–ს იმპერიული ხრიკებით გამოფიტულ საქართველოს ხანდახან ქველმოქმედებით და გულმოწყალებით ეხმარება ევანგელისტურ–ბაპტისტური რუსეთი პროდუქტებით ხან ტექნიკით ხან კიდევ რა სიკეთეებით რაც თავიდან მხოლოდ ღირსი მამების ბასილის და მისი რაზმის გულისწყრომას იწვევდა. შემდგომში როდესაც ქვეყანა ბაბტისურ ევანგელისტური რუსეთის დახმარებით ცოტა ფეხზე დადგა, შეკეთდა გზები, ქართველებს სახლებში ნანატრი ელექტროობა და გაზი მიეწოდათ, ქუჩაში უსაფრთხო გახდა ფეხით სიარული, პენსიონერებს დაურიგდათ მოკრძალებული მაგრამ რეგულარული პენსიები და სხვა უამრავი რამ რაც რუსეთის მოკრძალებული ხელშეწყობითა და დახმარებით გაკეთდა, ამასთან რუსეთი არ ითხოვდა საქართველოსაგან როგორც ამერიკა სამხედრო ბაზების დაკანონებას. აგრეთვე რუსეთს არ აინტერესებდა საქართველოს ენერგომაგისტრალების კონტროლის ხელში ჩაგდება. რუსეთი არ აქეზებდა როგორც აშშ თხებსა და კატებს: ქართველი გლეხები დააწიოკეთ მერე ქართველები იძულებით ძალას გამოიყენებენ თავის გლეხების დასაცავად და მეც ჩავერევი როგორც აშშ–ს peacekeeper impostor–ო. “რას გვიშვება ეს ამერიკა” ანუ ყრზოთა ვარამი. 8 ყრზო “მძინარე ცხინვალის” ჩეკისტური არაკის გუნდის(მომღერლები: გოგი თოფაძე, ერო კიცმარი, ჰეისაკუ კუკავა, ზუხრაბ ნოღა, სესიაშვილი, ანთაძე, აქუჯანგირა და სხვა პროამერიკელი მასონები) ბარიტონი. მოგეხსენებათ რომ 2008 წელის 7 აგვისტოს აშშ–ს 52 არმიამ რომელსაც გენერალი ხრულიოვ–შვარცკოფი ხემძღვანელობდა ხაბიზგინების რეცეპტის ჩასაწერად გადმოკვეთა საქართველოს საზღვარი და ბრძოლებით(თუმცა თვითონ ხრულოვ–შვარცკოფი და 52 არმია ქართველებმა გაანდაგურეს) აიღეს საქართველოს სოფლები და ქალაქები აქაოდა კატებს ვისკასს არ აჭმევენ და არ დაუშვებთ კატების გენოციდსო…..რუსეთის გარდა საქართველო–აშშ–ს ომის დროს საქართველოს არავინ გვერდში არ დადგომია. ამიტომ გასაკვირია ზოგიერთ გადაგვარებულ ქართველს რატომ უნდა ამერიკის შეერთებულ შტატებთან ე.წ. პარტნიორული ურთიერთობის შენარჩუნება და რას ერჩის რუსეთს რომელსაც საქართველოსათვის ამ 211წლის მანძილზე რაც ამერიკას დაპყრობილი ყავს საქართველო კარგის მეტი არაფერი არ გაუკეთებია…..აი რას გვიშვება ამერიკა!!! ეპიზოდი ყრზოთა ვარამისა დაწერილი ღრმა სულიერი მარტვილობასა და ტანჯვაში მუნ ჭორვილასა საპინგვინესა ზედა….. http://s54.radikal.ru/i145/1303/0e/b0690e3d6fd1.gif