ყველა აქტივობა

"იმის გათვალისწინებით, რომ უახლოეს დღეებში ტემპერატურის მატებაა მოსალოდნელი, მოვუწოდებთ ე.წ. ხელისუფლებას სტიქიის მეორე ფაზას მაინც შეხვდეს მომზადებული, რათა თავიდან ავიცილოთ სტიქიური უბედურებით გამოწვეული მოსალოდნელი ზიანი. განსაკუთრებით ყურადსაღებია ტემპერატურის მატების შედეგად დიდთოვლობის თანმდევი ისეთი სტიქიური პროცესების მართვა და მოსალოდნელი რისკების პრევენცია, როგორიცაა მდინარეებში წყლის დონის მატება, ღვარცოფები და მეწყრული პროცესები." პარტია "გახარია საქართველოსთვის"

უკრაინის პრეზიდენტის, ვოლოდიმირ ზელენსკის თვითმფრინავი ლონდონში დაჯდა. ამის შესახებ ცნობას ბრიტანული მედია ავრცელებს. ზელენსკი ორშაბათს, 2 მარტს მონაწილეობას მიიღებს სამიტში, რომელიც უკრაინისა და ევროპის უსაფრთხოებას შეეხება და რომლის ორგანიზატორიც გაერთიანებული სამეფოს პრემიერი კირ სტარმერია. სტარმერმა ზელენსკის თეთრ სახლში კამათის შემდეგ დაურეკა და უთხრა, რომ ის მას ლონდონში ელოდებოდა სამიტზე. სამიტს სხვა ევროპული ქვეყნების ლიდერებიც დაესწრებიან. თეთრ სახლში უკრაინისა და აშშ-ის პრეზიდენტებს შორის შეხვედრა და დიალოგი მწვავე კამათის ფონზე წარიმართა. ტრამპმა შეხვედრის შემდეგ განაცხადა, რომ ზელენსკიმ უპატივცემულობა გამოავლინა თეთრი სახლის ოვალურ კაბინეტში. „ძალიან მნიშვნელოვანი შეხვედრა გვქონდა დღეს თეთრ სახლში. ბევრ რამეს გაიგებ ასეთ შეხვედრაზე ისეთს, რასაც ვერასდროს მიხვდები საუბრის გარეშე ასეთ წნეხსა და დაძაბულობაში. შესანიშნავია, რომ ემოციებით ბევრ რამეს ავლენს. მე მივხვდი, რომ პრეზიდენტი ზელენსკი არ არის მზად მშვიდობისთვის, თუ ამერიკა ჩაერთვება საქმეში, რადგან მას ჰგონია, რომ ჩვენი ჩართულობა დიდ უპირატესობას აძლევს მოლაპარაკებებში. მე არ მინდა უპირატესობა, მე მინდა მშვიდობა. მან უპატივცემულობა გამოავლინა შეერთებული შტატებისადმი ჩვენთვის ძვირფას ოვალურ კაბინეტში. შეუძლია მაშინ დაბრუნდეს, როცა მშვიდობისთვის იქნება მზად“, — განაცხადა ტრამპმა ზელენსკისთან შეხვედრის შემდეგ. რამდენიმე დღით ადრე ტრამპმა ზელენსკი დიქტატორად მოიხსენია. მერე კი, ჟურნალისტის კითხვის პასუხად, აღნიშნა, რომ არ სჯერა, უკრაინის პრეზიდენტს დიქტატორს არ უწოდებდა. უკრაინის პრეზიდენტმა ვოლოდიმირ ზელენსკიმ, თეთრ სახლში ტრამპთან და ვიცე-პრეზიდენტ ჯეიდი ვანსთან დაძაბული შეხვედრის შემდეგ, ტელეკომპანია FOX-ის ეთერში ისაუბრა. „გაგვიჭირდება თქვენი დახმარების გარეშე. თქვენი ხალხი ჩვენს ხალხს გადარჩენაში ეხმარება. ამიტომ ვართ აქ. ვწუხვარ იმ კამათის გამო [რაც თეთრ სახლში მოხდა]“, — თქვა ზელენსკიმ. netgazeti

აფხაზეთში დე ფაქტო საპრეზიდენტო არჩევნების მეორე ტური იმართება. მეორე ტური დე ფაქტო სახელისუფლებო წარმომადგენლის, ბადრა გუნბასა და მთავარ ოპოზიციონერ კანდიდატს, ადგურ არძინბას შორის იმართება. პირველი ტური 15 თებერვალს გაიმართა. დე ფაქტო საარჩევნო კომისიის ცნობით, ბადრა გუნბამ ხმების დაახლოებით 46%, ადგურ არძინბამ კი 37% მოიპოვა. ხმების დანარჩენი წილი კი სხვა სამ კანდიდატს შორის გადანაწილდა. დე ფაქტო არჩევნების გამართვამდე, ადგილობრივი ექსპერტები აცხადებდნენ, რომ მეორე ტურის შემთხვევაში, დიდი უპირატესობა ექნება ოპოზიციის კანდიდატს, რადგან დანარჩენი სამი კანდიდატის მხარდამჭერები სწორედ მას მისცემენ ხმას. netgazeti

დღეს, პირველ მარტს, ბათუმში, 26 მაისის ქუჩაზე 40 წლამდე ქალს, რომელიც ქუჩაში გადაადგილდებოდა, შენობის სახურავიდან ჩამოვარდნილი თოვლის მასა დაეცა თავში. ინფორმაციას ადგილობრივი მედია „ბათუმელები“ ავრცელებს. როგორც თვითმხილველი „ბათუმელებს“ ეუბნება, დაშავებული ქალი სასწრაფო დახმარების მანქანით საავადმყოფოში გადაიყვანეს. „ბათუმელების“ ცნობით, ბათუმში ბოლო რამდენიმე დღე ინტენსიური თოვის შედეგად, ნახევარ მეტრზე დიდი თოვლი მოვიდა. სახლის სახურავები რადგან გაწმენდილი არ არის, თოვლის მასა შენობის სახურავებიდან დნობის შედეგად ძირს ვარდება. სახიფათო ადგილები კი არ არის შემოსაზღვრული ლენტით. publika

„გახარია - საქართველოსთვის“ ერთ-ერთი ლიდერის ნათია მეზვრიშვილის ინფორმაციით, პროკურატურა შესაწყვეტად ამზადებს „არჩევნების გაყალბების საქმეს“. მეზვრიშვილის თქმით, გადაწყვეტილებას მალე გაახმოვანებენ. მეზვრიშვილის შეფასებით, საქმეზე შეწყვეტილი გამოძიება „არალეგიტიმურ „ოცნებას“ ლეგიტიმაციას ვეღარ შესძენს“, ხოლო პროკურატურას „ნამდვილად გააფორმებს არჩევნების გაყალბების“ თანამონაწილედ. მეზვრიშვილის განცხადებით, პროკურატურის მიერ გამოძიების დაწყების მიზანი „გაყალბების მთავარი მტკიცებულების მძევლად აყვანა და სიმართლის დაფარვა იყო“ და პროცესში ცესკო, პროკურატურა და სასამართლო ერთობლივად მოქმედებდნენ. „როგორც ჩემთვის ცნობილია (და მოსალოდნელიც იყო), პროკურატურა შესაწყვეტად ამზადებს არჩევნების გაყალბების საქმეს (მალე გაახმოვანებენ გადაწყვეტილებას). ნიადაგის შესამზადებლად დღეს კობახიძემ კიდევ ერთხელ იცრუა, რომ თითქოს გაყალბების მტკიცებულებები არ არსებობს. სინამდვილეში სწორედ არჩევნების გაყალბების მტკიცებულებებზე დაყრდნობით გამოუტანა „ოცნებას“ განაჩენი ოდირმა, რომელიც იმდენად გააოგნა ნანახმა, რომ წლების განმავლობაში დამკვიდრებული ენა შეცვალა და სავარაუდო დარღვევებს, ფაქტები უწოდა. სწორედ არჩევნების გაყალბების მტკიცებულებები იყო ის, რასაც გვერდი ვერ აუარა ვერც ერთმა საერთაშორისო ორგანიზაციამ არჩევნების არალეგიტიმურად შეფასებისას. შეგახსენებთ, რომ პროკურატურის მიერ ამ ე.წ. გამოძიების დაწყების მიზანი გაყალბების მთავარი მტკიცებულების მძევლად აყვანა და სიმართლის დაფარვა იყო. ამ პროცესში ცესკო, პროკურატურა და სასამართლო ერთობლივად მოქმედებდნენ - ფაქტობრივად გაიტაცეს და გადამალეს სიები. მაგისტრატ მოსამართლესთან ორ საათზე მეტი ხნის განმავლობაში ვყვებოდი არჩევნების სისტემური გაყალბების სქემას - რომ არჩევნები მხოლოდ არჩევნების დღეს არ გაყალბებულა. დავტოვე შესაბამისი მტკიცებულებებიც მიუხედავად იმისა, რომ არჩევნებამდე თვეების განმავლობაში ყველაფერს ვაქვეყნებდით და პროკურატურას ისედაც უნდა ემოქმედა. იქ დამხვდა პროკურატურა, რომელიც, როგორც მოსალოდნელი იყო, სისტემურ გაყალბებას კი არა, ცალკეული საარჩევნო დოკუმენტების სიყალბეს და ისიც ფორმალურად იძიებდა. არც ერთი კითხვა ეხებოდა ამომრჩევლის ნებაზე სახელმწიფოს სისტემურ ზემოქმედებას, საარჩევნო კომისიების „ოცნების“ პარტაქტივით დაკომპლექტებას, ფარულობის მასშტაბურ დარღვევას და ა.შ. ყველა კითხვა რომელიც დაისვა, პირიქით, გამორიცხავდა ყველანაირ სისტემურ მიდგომას. ანუ, თავიდანვე ცხადი იყო, რომ გამოძიება დაიწყო გამოძიების შეწყვეტისთვის. ამ საქმეზე შეწყვეტილი გამოძიება არალეგიტიმურ „ოცნებას“ ლეგიტიმაციას ვეღარ შესძენს. პროკურატურას კი ნამდვილად გააფორმებს არჩევნების გაყალბების თანამონაწილედ”, - წერს ნათია მეზვრიშვილი „ფეისბუქზე“. საქართველოს პროკურატურამ 2024 წლის 26 ოქტომბრის საპარლამენტო არჩევნების შესაძლო გაყალბების ფაქტზე გამოძიება, ცენტრალური საარჩევნო კომისიის მიმართვის საფუძველზე, 30 ოქტომბერს დაიწყო. იპნ

"ქართველ ახალგაზრდებს ივანიშვილის მიერ ძალაუფლების შენარჩუნებისთვის მორიგი ფასის გადახდა უწევთ. ოცნებამ არ იკმარა თავისუფლების დასაცავად ქუჩაში გამოსული ახალგაზრდების ცემა. რეჟიმი მათ მომავალს და არსებულ შესაძლებლობებს ართმევს. სამწუხაროდ, გერმანიასა და საქართველოს შორის არსებული სამეცნიერო თანამშრომლობის შეჩერება "ოცნების“ პოლიტიკის პირდაპირი შედეგია, რომელიც უნივერსიტეტებზე ავტორიტარული კონტროლის დამყარებას ცდილობს. მადლობელი ვართ ჩვენი გერმანელი პარტნიორების მხრიდან ქართველი სტუდენტებისა და მკვლევარების მრავალწლიანი მხარდაჭერისთვის. იმედია, ყოველივე ეს დროებითია. მიუხედავად რეჟიმის მცდელობებისა, შეზღუდოს ახალგაზრდები, საქართველოს მომავალი ევროპაშია." გიორგი გახარია, პარტია "გახარია საქართველოსთვის" თავმჯდომარე.

„ოცნებისთვის“ გურია მილიონერი ფეოდალი ვასილ ჩიგოგიძეა (გუშინ ნაცი, დღეს ქოცი). ამ კაცის კეთილდღეობაში აქვს „ოცნებას“ ჩადებული ყველა რესურსი იმიტომ, რომ წინასაარჩევნოდ ეს კაცი არის „ოცნების“ რესურსი - ვალს აბრუნებს. ამ კაცს 15-მდე ბინა/სახლი აქვს თბილისში, ბათუმში, ბაკურიანში, ჩაქვში; მიწის ნაკვეთები ურეკში და ახალშენში; ბიზნეს აქტივები 30-მდე კომპანიაში. ფულს ჯერ ნაცებს სწირავდა, ახლა ქოცებს სწირავს. ამ კაცის ქონებრივი მდგომარეობაა „ოცნების“ პრიორიტეტი და რიგით გურულებს საკუთარი შრომით აშენებული თითო მამაპაპისეული სახლი ჩამოენგრევათ თუ არა, „ოცნების“ საზრუნავი არ არის. რიგითებზე ზრუნვას ფული მიაქვს, ჩიგოგიძეზე ზრუნვას ფული მოაქვს. ასეთია კორუფციული რეჟიმის ბუნება." ნათია მეზვრიშვილი, პარტია "გახარია საქართველოსთვის" თავმჯდომარის მოადგილე. Facebook: https://www.facebook.com/natia.mezvrishvili.9/posts/28793531436926937

იმერეთში რამდენიმე დღეა, გადაუღებლად თოვს. გზები გაწმენდილი არ არის, ზოგიერთ სოფელს არ მიეწოდება ელექტროენერგია და გაზი. იმერეთში მცხოვრები მოსახლეობის დასახმარებლად შექმნილი მოხალისეობრივ FB ჯგუფში „იმერეთის დასახმარებლად” მოქალაქეები წერენ, რომ ვითარება მძიმეა. ვანის მაღალმთიან სოფლებში დასახმარებლად ასვლას გეგმავს მთამსვლელთა და მოგზაურთა კლუბი „თეთნულდი”. კლუბის წარმომადგენლის, არჩილ გეგენავას თქმით, მათ „ნანუკას ფონდი” დაეხმარა, საღამოს მიეწოდებათ ტექნიკური აღჭურვილობა და 8-10 ადამიანისგან შემდგარი ჯგუფი ადგილზე ჩავა. ვანის მერია აცხადებს, რომ „დიდთოვლობისა და ინტენსიური თოვის გამო შექმნილი პრობლემების მოსაგვარებლად სხვადასხვა სახის სამუშაოები მიმდინარეობს”. დიდთოვლობამ პრობლემები ასევე შექმნა ხარაგაულში, ბაღდათსა და ზესტაფონში. ბაღდათში უკვე მუშაობენ მოხალისეები. პუბლიკა

ჩვენი პოლიტიკური პარტია არანაირ ერთიან სიაში არ იქნება, გამორიცხულია. ოპოზიციასთან კოორდინაცია კი შეიძლება იყოს ორ საკითხზე: ახალი არჩევნების თავისუფალ გარემოში ჩატარება და სინდისის პატიმრების გათავისუფლება - ჩვენი პარტია რომ ვინმესთან გაერთიანდება, ილუზია არავის ჰქონდეს, - ამის შესახებ „გახარია - საქართველოსთვის“ ერთ-ერთმა ლიდერმა, ბერდია სიჭინავამ ტელეკომპანია „პალიტრანიუსის“ გადაცემა „დღის ნიუსრუმში“ განაცხადა, როდესაც უპასუხა კითხვას ერთი მხრივ ახალ არჩევნებთან დაკავშირებით სალომე ზურაბიშვილის გეგმის, მეორე მხრივ კი ერთიან სიაზე ცალკეული ოპოზიციონერი ლიდერის პოზიციის თაობაზე. სიჭინავა ამბობს, რომ გახარიას პარტია სალომე ზურაბიშვილთან მჭიდრო კოორდინაციაშია, ზურაბიშვილის გეგმაში ახალი არაფერია და მთავარი ისაა, „არჩევნებამდე როგორ მივდივართ“. „ჩვენ დამოუკიდებლად გავედით არჩევნებზე, ჩვენი პარტია რომ ვინმესთან გაერთიანდება, ამის ილუზია არავის უნდა ჰქონდეს. ჩვენი, დამოუკიდებელი გზა გვაქვს, მაგრამ ხაზს ვუსვამ იმას, რომ კოორდინაციის აუცილებლობაზე ვსაუბრობთ და ვისაუბრებთ ყოველთვის. კოორდინაციაში ვიქნებით ორ ფუნდამენტურ საკითხთან დაკავშირებით და ამაში არანაირი კითხვის ნიშანი არ იქნება. ყველა ასეთ შეხვედრაზე დავდივართ, როდესაც სალომე ზურაბიშვილს აქვს ოპოზიციური პარტიების წარმომადგენლებთან. ახალი არჩევნების საკითხზე და რეჟიმის, სინდისის პატიმრების გათავისუფლებასთან დაკავშირებით კოორდინაციაში ვიქნებით ყველასთან. ამიტომ ამ საკითხის ისე დავიწროება, რომ ყველა ფოტოში აუცილებლად ამ ადამიანებთან ერთად უნდა ვიდგეთ, ერთ შტაბში უნდა ვისხდეთ და ერთი საკითხით ვიყოთ დაკავებული, ეს ასე არ იქნება“, - განაცხადა ბერდია სიჭინავამ. ამასთან, ერთიან სიაზე საუბრისას სიჭინავა ამბობს, რომ გიორგი გახარიას პარტიას, სხვა ოპოზიციური ძალებისგან განსხვავებით „პოლიტიკური მოგზაურობა“ არ ახასიათებს. „პოლიტიკური მოგზაურობაა ოპოზიციურ პარტიებში. ჩვენ ეს არ გვახასიათებს. ერთ არჩევნებზე ზოგი ერთ ნომერშია, მეორე არჩევნებზე სხვა ნომერში. ეს მათი არჩევანია და წარმატებებს ვუსურვებ, მაგრამ ერთიან სიასთან დაკავშირებით ჩვენი პოზიცია ცალსახაა: არანაირ ერთიან სიაში ჩვენი პოლიტიკური პარტია არ იქნება, გამორიცხულია. თუ ვინმეს კოორდინაცია ადარდებს, ორ საკითხთან დაკავშირებით შეიძლება იყოს ჩვენი კოორდინაცია ამ ადამიანებთან - ეს არის ახალია არჩევნები თავისუფალ, სამართლიან გარემოში, რომლისთვისაც გჭირდება სახელმწიფო ინსტიტუტების დეპოლიტიზება და მეორე: სინდისის პატიმრების გათავისუფლება“, - განაცხადა სიჭინავამ. გარდა ამისა, ბერდია სიჭინავა გამოეხმაურა გუშინ, სტრასბურგის სასამართლოს დიდ პალატაში 20 ივნისის საქმეებზე გამართულ ზეპირ მოსმენასაც და „ქართული ოცნების“ პოზიციას, რომ 2019 წლის ივნისის მოვლენებზე პასუხისმგებელი, როგორც შინაგან საქმეთა იმდროინდელი მინისტრი გიორგი გახარიაა. სიჭინავას თქმით, გიორგი გახარიას პასუხისმგებლობის არ ეშინია, ეს ადამიანები კი მმართველი პარტიიდან, ისინი არიან, ვინც „გახარიას ნაფეხურებს მიჰყვებოდნენ და კოცნიდნენ“. „კოვიდი რომ დაიწყო, ეს ადამიანები პარლამენტში საპოვნი იყვნენ. უწყებათაშორის საკოორდინაციო საბჭოზე არ მოდიოდნენ და მერე შეკავების ფაზა მსოფლიოში საუკეთესოდ რომ მართა გიორგი გახარიამ, მთავრობის ადმინისტრაციაში რეკავდნენ და ითხოვდნენ, იქნებ უწყებათაშორის საკოორდინაციო საბჭოში პარლამენტიდან სამი კაცი ჩასვათო. პოლიტიკური დივიდენდების საკითხი იყო. ასეთები არიან ეს ადამიანები. ეს ადამიანები არ იყვნენ სუპერ ძალოვან მინისტრს რომ ეძახდნენ გიორგი გახარიას? ეს ადამიანები არ იყვნენ მის ნაფეხურებს რომ მიჰყვებოდნენ და კოცნიდნენ? ეს ადამიანები იყვნენ ზუსტად. ამიტომ, მათი ქცევის მოდული არ შეიცვლება არცერთი ხელისუფლების დროს. შეიცვლება სიტუაცია? ისევ დაიწყებენ გიორგი გახარიას ქებას. გიორგი გახარიას პასუხისმგებლობის არ ეშინია არასდროს. გამორიცხულია, რომ გიორგი გახარიამ პასუხისმგებლობა არ აიღოს ყველა იმ მოვლენაზე, მაგრამ დაველოდოთ გადაწყვეტილებას. ადამიანის უფლებათა ევროპულმა სასამართლომ ორ გადაწყვეტილებასთან მიმართებით თქვა, რომ 20 ივნისს საქართველოს პარლამენტზე ხორციელდებოდა ძალადობრივი შტურმი და ხელისუფლებას ჰქონდა ძალის გამოყენების უფლება. მაგრამ იყო შემთხვევები, როდესაც უფლებამოსილების გადამეტება მოხდა ცალკეული საპოლიციო დანაყოფების თანამშრომლების მხრიდან და ცალკეული „ქეისები“ გამოძიებული უნდა იყოს. ის "ქეისები", როდესაც ადამიანებმა თვალი დაკარგეს. დიახ, ეს "ქეისები" გამოძიებული უნდა იყოს. მათ ხელში არაა? თვითონ არ გამოაცხადეს ამნისტია 2021 წელს? გიორგი გახარია უკვე ხელისუფლებაში აღარ იყო. ამიტომ, ცოტა დამშვიდდნენ, აზრზე მოვიდნენ, „იმედშიც“, ასევე მისი მფლობელებიც და ის ადამიანებიც, რომლებიც თითს იშვერენ 20 ივნისთან დაკავშირებით და რაღაც სისულელეებს ყრანტალებენ. ცოტა აზრზე მოვიდნენ. დაველოდოთ დიდი პალატის გადაწყვეტილებას და ამის შემდეგ გავაკეთოთ შეფასებები“, - განაცხადა ბერდია სიჭინავამ. გარდა ამისა, სიჭინავამ ისაუბრა დასავლეთ საქართველოში დიდთოვლობის გამო შექმნილ პრობლემებზე „ქართული ოცნების“ ქმედებებთან დაკავშირებით და განაცხადა, რომ „რეაგირება დაგვიანებული იყო, რადგან ეს არ არის ისეთი ტიპის კატაკლიზმი, რომელიც ვერ შეიძლება გათვალო“. ამასთან, სიჭინავა ასახელებს ნაბიჯებს, რომელიც კრიზისის დროს ქვეყანაში უნდა გადაიდგას. ესენია: მაღალი პოლიტიკური პასუხისმგებლობის აღება, საოპერაციო შტაბის დაუყოვნებლივ შექმნა ადგილზე, მაღალი პოლიტიკური ლეგიტიმაციის თანამდებობის პირის განსაზღვრა, რომელიც უშუალოდ იქნება ოპერაციაში ჩართული და ცხელი ხაზის დაუყოვნებლივ ამოქმედება. „ირაკლი კობახიძე არ არის მთავრობის მეთაური. არც ეკონომიკასთან დაკავშირებით აქვს ცოდნა, არც კრიზისების მართვის მიმართულებით. ერთადერთი, რაც კარგად გამოსდის, ეს არის ლაყბობა ივანიშვილის ძალაუფლების და ფულის შენარჩუნებისთვის. ხელისუფლება არაფერზე იღებს პასუხისმგებლობას“, - განაცხადა ბერდია სიჭინავამ. იპნ

888 starz официальный сайт http://watersport.org.ru/images/pgs/888starz-top-10-slotov-casino.html

ევროპულ სტრუქტურებში ძალიან კრიტიკული დამოკიდებულება აქვთ შენარჩუნებული და გადაწყვეტილებებიც ისე იქნება მიღებული, როგორც ამ კრიტიკულ ვითარებას შეესაბამება, - ამის შესახებ პარტია „გახარია საქართველოსთვის“ ერთ-ერთმა ლიდერმა, დიმიტრი ცქიტიშვილმა ევროპარლამენტის საქართველოზე მუდმივ მომხსენებელ, რასა იუკნევიჩიენესა და ოპოზიციურ პარტიებს შორის შეხვედრის დასრულების შემდეგ განაცხადა. როგორც ცქიტიშვილმა მედიასთან საუბრისას აღნიშნა, დღევანდელ შეხვედრაზე საუბრის თემა არ იყო სანქციები. „საინტერესო შეხვედრა იყო, გავუზიარეთ რა სიახლეებია მიმდინარე პროცესებში. მათთვისაც საინტერესო იყო, როგორც იცით, რასა არის საქართველოზე მომხსენებელი, მისი პირადი ჩართულობა განაპირობებს ევროპულ კლიმატს. ევროპულ სტრუქტურებში ძალიან კრიტიკული დამოკიდებულება აქვთ შენარჩუნებული და გადაწყვეტილებებიც ისე იქნება მიღებული, როგორც ამ კრიტიკულ ვითარებას შეესაბამება. დღეს არ იყო საუბარი სანქციებზე, ვერც იქნებოდა, რადგან სანქციები ევროკომისიის გადასაწყვეტია. ის ქმედებები, რომელიც შეიძლება სანქციების კუთხით ვერ განხორციელდეს, დიდი ალბათობით განხორციელდება ნაციონალურ დონეზე ევროპული ქვეყნების მიერ - „ქართული ოცნების“ არ აღიარება და იზოლაცია გაგრძელდება. ჩვენ შეიძლება ვიმსჯელოთ იმაზე, რომ „ქართული ოცნების“ გადაწყვეტილებებმა შესაძლოა გამოიწვიოს ვითარების გაუარესება და იმ ბენეფიტების დაკარგვა, რომელიც საქართველოს ევროკავშირთან ურთიერთობაში აქვს მიღებული“,- განაცხადა ცქიტიშვილმა. ამასთან, ცქიტიშვილმა საქართველოს მეხუთე პრეზიდენტის, სალომე ზურაბიშვილის ახალი არჩევნების გეგმასთან დაკავშირებული კითხვის საპასუხოდ აღნიშნა, რომ საკითხები, რომელიც ზურაბიშვილის მიერ გამოქვეყნებულ გეგმაშია, შეხვედრების დროს ყოფილა განხილული. „გარკვეული კოორდინაცია იყო ამაზე. როდესაც არჩევნების საკითხი დღის წესრიგში დადგება, ამ მომენტისთვის გვქონდეს ძირითადი საკითხები ჩამოყალიბებული და როგორ შეიძლება ეს არჩევნები ჩატარდეს. ამას სჭირდება საერთაშორისო დამკვირვებლების ჩართულობა, ადგილობრივი დამკვირვებლების კარგად მომზადება. ამ საკითხების ირგვლივ მიმდინარეობს დისკუსიები, თუმცა მთავარი ბრძოლა არის ის, რომ ხელისუფლება ვაიძულოთ დაინიშნოს არჩევნები. საკითხები, რაც მანდ არის დასმული, გარკვეულწილად არის განხილვის საგანი ჩვენ შორის. იქნება ეს შეხვედრა პრეზიდენტთან თუ პარტიებს შრის. ასე დეტალურად ეს ხუთი პუნქტი არ იყო განხილული, თუმცა ამ საკითხებზე მსჯელობა პერმანენტულად მიმდინარეობს“, - განაცხადა ცქიტიშვილმა. იპნ

скачать 888starz на андроид бесплатно http://hckolagmk.ru/images/pgs/888starz-strategia-martingeila.html

შინაგან საქმეთა სამინისტრო ისრაელური კომპანია Cellebrite-სგან ყიდულობს ციფრულ სისტემას, რომლითაც შესაძლებელი გახდება დაშიფრულ და დაბლოკილ ტელეფონებში, კომპიუტერებსა და სხვა ელექტრონულ მოწყობილობებში შეღწევა. შესყიდვის ღირებულება 6 796 092 ლარია. შესაბამისი კონტრაქტი გაფორმდა Cellebrite-ის ოფიციალურ წარმომადგენელთან საქართველოში, შპს „ქომუნალ ტექნოლოჯისთან“. ვებგვერდის თანახმად, Cellebrite ციფრული დაზვერვის კომპანიაა და კრიმინალური გამოძიებისთვის საჭირო პროდუქციით ვაჭრობს, ხოლო მისი სისტემები გამოიყენება ანდროიდის, ეფლის, მაიკროსოფტის, ლინუქსის, ღრუბლოვან და სხვა ოპერაციულ სისტემებში დაცული მონაცემების წაკითხვისთვის. შესყიდვის დოკუმენტაციის თანახმად, შსს-ს კომპანიის პროდუქტები სჭირდება საექსპერტო-კრიმინალისტიკურ დეპარტამენტს სისხლის სამართლის საქმეთა ფარგლებში დანიშნული ექსპერტიზების ჩასატარებლად. შესყიდვა მოიცავს Cellebrite Inseyets-ის პროგრამული უზრუნველყოფის 6 ახალ ლიცენზიას – 4 არსებული Premium ადაპტერის გამოყენებით, 2 ახალი ადაპტერის შეძენა; არსებული Cellebrite Digital Collector-ის – 1 ლიცენზიის განახლება. ზემოაღნიშნული ლიცენზიების მოქმედების ვადა უნდა იყოს შესყიდვიდან 3 წელი.

გერმანიის ელჩი, პეტერ ფიშერი აცხადებს, რომ გერმანია საქართველოსთან სამეცნიერო თანამშრომლობას ყინავს. ამის შესახებ მან პლატფორმა X-ზე დაწერა და აღნიშნა, რომ ეს შეეხებათ სტუდენტებს, ასევე, ევროკავშირის პროგრამებში საქართველოს მონაწილეობას. 27 ნოემბერს ფიშერმა, ასევე, გაავრცელა ინფორმაცია, რომ საქართველოს ბაზრიდან გავიდა „ჰაიდელბერგ ცემენტი”. პუბლიკა

ქობულეთის მუნიციპალიტეტში, სოფელ ხუცუბანში, ერთი ადამიანი გაყინული იპოვეს. ინფორმაციას „პუბლიკას“ ქობულეთის მერიის პრესსამსახურში უდასტურებენ. მათივე ინფორმაციით, დაახლოებით 50 წლამდე ასაკის კაცი სახლის ჭიშკართან იპოვა მეზობელმა. რატომ იყო ზამთარში კაცი გარეთ, უწყებას ინფორმაცია არ აქვს. პრესსამსახურში ამბობენ, რომ თოვლის საფარი სოფელში მაღალია, გაწმენდილია ცენტრამდე გზა, თუმცა შიდასასოფლო გზები გასაწმენდია. პუბლიკა

შინაგან საქმეთა სამინისტრო განცხადებას ავრცელებს, რომ „ყველა შესაბამისი დანაყოფი დასავლეთ საქართველოში, დიდთოვლობასთან დაკავშირებით, მესამე დღეა საგანგებო რეჟიმში მუშაობს”. განცხადებით თანახმად, „სამაშველო სამუშაოებში, საგანგებო სიტუაციების მართვის სამსახურის 600-მდე მეხანძრე-მაშველი და ათეულობით სპეციალური ტექნიკაა ჩართული, მათ შორის თოვლის ბურანები”. პუბლიკა

გურიაში დიდთოვლობისას, ოზურგეთის მუნიციპალიტეტში, ნატანების თემის სოფელ ჯაფარეულში, ქალი გარდაიცვალა. ინფორმაცია ამის შესახებ თავდაპირველად „გურიის მოამბემ“ გაავრცელა. მათი ინფორმაციით გარდაცვლილი ნონა კვაჭანტირაძე 85 წლის მოხუცებულ დედას უვლიდა. ნეტგაზეთს ოზურგეთის მერის წარმომადგენელმა ნატანების თემში, ვალერიან ვაჩეიშვილმა ნონა კვაჭანტირაძის გარდაცვალება დაუდასტურა და გვითხრა, რომ ქალი ინსულტით გარდაიცვალა. მისი თქმით, სოფელში გადაადგილება, ან სასწრაფოს გამოძახება პრობლემას არ წარმოადგენს. სასწრაფოში ნეტგაზეთს ეუბნებიან, რომ არცერთი გამოძახება გურიიდან არც ამ პირობებში რჩება რეაგირების გარეშე. მათ შორის, იმ შემთხვევებში, როცა გზა არ არის, ექიმები ფეხით მიდიან მისამართებამდე. თუმცა ელექტროენერგიის არარსებობა კითხვის ნიშნის ქვეშ აყენებს, რამდენად ყოველთვის ახერხებენ ადამიანები, თუნდაც გადაუდებელი საჭიროების შემთხვევებში, 112-თან დაკავშირებას და რამდენად დროულად შეუძლია ექიმს პაციენტთან მისვლა, მაშინაც კი, როცა სისწრაფე გადამწყვეტია. დიდთოვლობაში ჩარჩენილი ერთ-ერთი სხვა ოჯახის წევრი, რომელიც ჯაფარეულში მშობლებთან კონტაქტს ჯერ კიდევ ახერხებს, ნეტგაზეთს ეუბნება, რომ სოფელში გზა გაკვალული არ არის. ჯაფარეულს არც შუქი აქვს, ზოგიერთ უბანს კი — არც გაზმომარაგება. ახლოს მცხოვრები მეზობლები გაჭირვებით ახერხებენ ერთმანეთამდე მიღწევას და დახმარების გაწევას. ფოტოზე: სოფელი ჯაფარეული. ადგილობრივების ფოტო ნეტგაზეთი

საქართველოს ახალგაზრდა იურისტთა ასოციაცია გურიასა და აჭარაში მიმდინარე მოვლენებს ეხმაურება – ეს მოვლენები ცხადყოფს, რომ „ქართული ოცნება“ კვლავ ვერ/არ ასრულებს სახელმწიფოს პოზიტიურ ვალდებულებას, დაიცვას მოქალაქეების ჯანრთელობა, სიცოცხლე და უსაფრთხოება. საია აღნიშნავს, რომ მათ 2023 წელს გამოაქვეყნეს საადვოკაციო დოკუმენტი „ადამიანის უფლებები ბუნებრივი კატასტროფების პირისპირ“, რომელშიც წამოჭრილია ბუნებრივი კატასტროფების პრევენციის, მართვის და მათზე რეაგირების კუთხით არსებული ნიშვნელოვანი გამოწვევები და შეკითხვები, „რომელთა უმრავლესობა დღემდე პასუხგაუცემელი რჩება”. ორგანიზაციის შეფასებით, მიუხედავად ეროვნული კანონის და საერთაშორისო სამართლებრივი ვალდებულებებისა, სახელმწიფო წლებია ვერ უზრუნველყოფს სტიქიური უბედურებების ადეკვატურ პრევენციასა და ადმინსტრირებას, რის შედეგადაც ადამიანებს ტოვებს დაუცველს ისეთი საფრთხეების მიმართ, რომელთა თავიდან აცილება ან/და რომლებზეც ეფექტიანი რეაგირება სახელმწიფოს მოვალეობაა. პუბლიკა

ფოტო: გზების დეპარტამენტი იმერეთის რეგიონში სახელმწიფო რწმუნებულის, ლევან ზალკალიანის ინფორმაციით, იმერეთში ჩაკეტილია 42 სოფლის გზა, ელექტროენერგია არ მიეწოდება 28 870 აბონენტს. მისივე ინფორმაციით, ამ ეტაპზე 109 ერთეული ტექნიკით მიმდინარეობს თოვლის საფარისგან გზის გაწმენდის სამუშაოები, გზებზე ტექნიკური მარილს ყრიან და იწმინდება საფეხმავლო ბილიკები. „ინტენსიური თოვის გამო მუნიციპალიტეტების უმეტეს ნაწილში სკოლებში და ბაღებში სასწავლო პროცესი შეჩერებულია. ჩაკეტილია 42 სოფლის გზა. ჩვენ მაქსიმუმს გავაკეთებთ, რომ ეს რიცხვი შემცირდეს. ელექტროენერგია არ მიეწოდება 28 870 აბონენტს, ამ მიმართულებითაც მუშაობს სპეცჯგუფები, რათა დროულად აღდგეს მიწოდება“, – განაცხადა ლევან ზალკალიანმა. მის კომენტარს სააგენტო „ინტერპრესნიუსი“ ავრცელებს. პუბლიკა

ჩვენ ვერ ვხედავთ საქართველოდან პოზიტიურ ამბებს და ჩვენი ელჩის მიმართ ბოლო უსაფუძვლო ბრალდებები მხოლოდ ამ ფაქტს ადასტურებს. რა თქმა უნდა, ჩვენს ელჩს აქვს ჩვენი სრული მხარდაჭერა, - ამის შესახებ ევროკომისიის საგარეო და უსაფრთხოების საკითხების სპიკერმა ანიტა ჰიპერმა ბრიუსელში, „ინტერპრესნიუსის“ სპეციალურ კორესპონდენტს განუცხადა. „ამ დროისთვის ჩვენ ვერ ვხედავთ საქართველოდან პოზიტიურ ამბებს და ჩვენი ელჩის მიმართ ბოლო უსაფუძვლო ბრალდებები მხოლოდ ამ ფაქტს ადასტურებს. რა თქმა უნდა, ჩვენს ელჩს აქვს ჩვენი სრული მხარდაჭერა და რაც შეეხება მმართველ პარტიას და რასაც ჩვენ იქ ვხედავთ გასული წლის ოქტომბრის შემდეგ, ჩვენ ვნახეთ მუდმივი დემოკრატიული უკუსვლა, ჩვენ ვნახეთ მუდმივი დაშინება, მუქარა მშვიდობიანი მომიტინგეების, ჟურნალისტების, სამოქალაქო საზოგადოების და, ძირითადად ყველას მიმართ, ვინც საუბრობს თავისუფლებისა და დემოკრატიაზე“, - განაცხადა მან. ანიტა ჰიპერის თქმით, ევროკავშირი იმ ქართველების გვერდით დგას, ვინც საერთო ღირებულებებისთვის იბრძვის. „თითოეულ ქართველს, ვინც ღირებულებებისთვის იბრძვის, ევროკავშირი თქვენთანაა და ამიტომაც ჩვენ არ მხოლოდ მკაცრად ვგმოთ დაშინებისა და რეპრესიების ყველა ტაქტიკას, არამედ მივიღეთ შემდგომი ქმედებები. იქნება ეს ყველა პოლიტიკური კონტაქტის შემცირება და ფინანსური მხარდაჭერის გაყინვა ხელისუფლების მიმართ და ამის საქართველოს სამოქალაქო საზოგადოებისკენ მიმართვა, ასევე დიპლომატებისთვის მოგზაურობის შეზღუდვა”, - განაცხადა ანიტა ჰიპერმა. იპნ

გაეროს გენერალურმა ასამბლეამ მიიღო უკრაინისა და ევროპის ქვეყნების მიერ ინიციირებული რეზოლუცია, რომელიც უკრაინიდან რუსეთის ჯარის დაუყოვნებლივ გაყვანას მოითხოვს. რეზოლუციას მხარი დაუჭირა 93-მა ქვეყანა, 18 წინააღმდეგ წავიდა, 65-მა ქვეყანამ კი თავი შეიკავა კენჭისყრაში მონაწილეობისგან. აშშ-მა და რუსეთმა რეზოლუციას მხარი არ დაუჭირეს, საქართველო კენჭისყრაზე არ გამოცხადდა. ტექსტში ნათქვამია, რომ რეზოლუცია „იმეორებს მიმდინარე წელს ომის დასრულებისა და დიპლომატიური ძალისხმევების გაორმაგების გადაუდებელ აუცილებლობას, რათა შემცირდეს შემდგომი ესკალაციის რისკები და მიღწეულ იქნას ყოვლისმომცველი, სამართლიანი და მდგრადი მშვიდობა უკრაინაში”. ტექსტი ასევე მოითხოვს, რუსეთის ჯარმა დატოვოს უკრაინის საერთაშორისოდ აღიარებული ტერიტორია და შეაჩეროს მტრული მოქმედება. გაეროს გენერალურ ასამბლეაზე არ დამტკიცდა ალტერნატიული, აშშ-ის რეზოლუცია, რომელშიც რუსეთი დადანაშაულებული არაა, ის „ითხოვს კონფლიქტის სწრაფ დასრულებას“ და მწუხარებას გამოთქვამს „სიცოცხლის ტრაგიკული დანაკარგებისთვის რუსეთ-უკრაინის კონფლიქტში“. ის მხოლოდ ცვლილებების შეტანის შემდეგ მიიღეს – დოკუმენტს დაემატა მკაფიო ფორმულირებები, რომ რუსეთი გაეროს ქარტიის დარღვევით შეიჭრა მის უფრო მცირე მეზობელ ქვეყანაში. ასევე შეიტანეს ცვლილება იმის შესახებ, რომ რეზოლუცია კიდევ ერთხელ ადასტურებს გაერო-ს მხარდაჭერას უკრაინის სუვერენიტეტის, დამოუკიდებლობის, ერთიანობისა და ტერიტორიული მთლიანობის მიმართ. აშშ-ის მიერ ინიცირებულ რეზოლუციას მხარი 93-მა წევრმა სახელმწიფო დაუჭირა, 73-მა თავი შეიკავა, ხოლო 8-მ ხმა მის წინააღმდეგ მისცა. რეზოლუციაში ცვლილებების შეტანის შემდეგ აშშ-მა ხმის მიცემისგან თავი შეიკავა, ასევე თავი შეიკავა საქართველომაც. publika

მოკლედ განვიხილეთ საქართველოში არსებული სიტუაცია. რეპრესიული კანონმდებლობის ადაპტაცია და მომიტინგეების მიმართ ძალის გადამეტებული გამოყენება სიტუაციის საგანგაშო გაუარესებაა რეგიონში , - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ევროკავშირის საგარეო საქმეთა მინისტრების შეხვედრის შემდეგ გამართულ პრესკონფერენციაზე განაცხადა. „ყველა ეს მომიტინგე სასწრაფოდ უნდა გათავისუფლდეს. ის ნაბიჯები, რასაც საქართველო დგამს, ევროპის მიმართულებით არ მიდის. ჩვენ ველით გარკვეულ ღირებულებებს, გარკვეულ ნაბიჯებს, რომლებიც უნდა გადადგას კანდიდატმა ქვეყნებმა, როგორიც არის საქართველო და საქართველო ნამდვილად არ დგამს სწორ ნაბიჯებს“, - აღნიშნა კალასმა. იპნ

BBC-ის შემდეგ, აზერბაიჯანმა კორესპონდენტთა აკრედიტაციის საკითხზე დაწესებული შეზღუდვები გააფართოვა. ამჯერად საუბარია „ამერიკის ხმაზე“. აზერბაიჯანის საგარეო საქმეთა სამინისტროს პრეს-მდივნის, აიხან გაჯიზადეს განცხადებით, “ამერიკის ხმას” აზერბაიჯანში მხოლოდ ერთი კორესპონდენტის მუშაობის უფლება მისცეს. “ამერიკის ხმის” აზერბაიჯანული სამსახური მუშაობს 1952 წლიდან, თუმცა 2008 წელს უცხოური მაუწყებლების შეზღუდვის შემდეგ, რადიო და სატელევიზიო პროგრამების მაუწყებლობა ინტერნეტითა და სატელიტური გზით ხდება. საერთაშორისო ტელერადიომაუწყებლობის კორპორაცია BBC -მ აზერბაიჯანის ხელისუფლების მოთხოვნის შედეგად, ასევე დახურა ბაქოში ოფისი. BBC-ს აზერბაიჯანში მხოლოდ ერთი კორესპონდენტის შენარჩუნების უფლება მისცეს. ნეტგაზეთი

ქუთაისის მე-6 საჯარო სკოლიდან მუსიკის პედაგოგი სოფო როინიშვილი გაათავისუფლეს. სოფო როინიშვილი საპროტესტო აქციების აქტიური მონაწილეა და ვარაუდობს, რომ სკოლიდან გათავისუფლების რეალური მიზეზი საპროტესტო აქციებში მის აქტიურ ჩართულობას უკავშირდება. სკოლის ოფიციალური პოზიციით, პედაგოგის სკოლიდან გათავისუფლების მიზეზი „სკოლის შინაგანაწესის არაერთგზის უხეში დარღვევაა.“ როგორც სოფო როინიშვილი „პუბლიკას“ უყვება, ის 4 წელია რაც მე-6 საჯარო სკოლაში მუსიკის პედაგოგად მუშაობს. გარდა ამისა, დასაქმებულია გუმათის საჯარო სკოლასა და ქუთაისის მეორე მუსიკალურ სკოლაში. მისი თქმით, დღეს დილით სკოლაში მისულს ჩააბარეს ბრძანება სკოლიდან გათავისუფლების თაობაზე. გადაწყვეტილებას წინ უძღოდა სკოლის დისციპლინური კომიტეტის მიერ მისთვის გამოცხადებული სასტიკი საყვედური. „პუბლიკა“ დაუკავშირდა მე-6 საჯარო სკოლის დირექტორს დიმიტრი ქარსელაძეს. როგორც ის ამბობს, სოფო როინიშვილის გათავისუფლების მიზეზი სკოლის შინაგანაწესის არაერთგზის უხეში დარღვევაა და არ უკავშირდება მის საპროტესტო აქციებში ჩართულობას. შეკითხვაზე, უფრო კონკრეტულად დაესახელებინა საგაკვეთულო პროცესის არასაგაკვეილო მიზნებისთვის გამოყენების შემთხვევები და მაგალითები, სკოლის დირექტორმა გვიპასუხა, რო ამას უკვე დეტალურად სასამართლოზე განიხილავენ. სოფო როინიშვილი გეგმავს, რომ გადაწყვეტილება ქუთაისის საქალაქო სასამართლოში გაასაჩივროს. პუბლიკა

კომენტატორ სანდრო ცნობილაძის სახლში ჩხრეკა დასრულდა. სპეციალური საგამოძიებო სამსახურის ინფორმაციით, საგამოძიებო მოქმედება ჩატარდა გამოძიების ფარგლებში, რომელიც დაწყებულია დაზარალებულად ცობილი ქალის პირადი ამსახველი, ინტიმური შინაარსის ფოტოების უკანონო მოპოვების ფაქტზე. ცნობილაძის სახლიდან ამოიღეს მობილური ტელეფონი, ლეპტოპი, კომპიუტერი, დისკები და ა.შ. ჩხრეკის დასრულების შემდეგ, უწყების წარმომადგენელმა, რომელიც უშუალოდ ატარებდა საგამოძიებო მოქმედებას, თქვა, რომ ცნობილაძის სახელი უშუალოდ დაზარალებულმა ქალმა მიუთითა. ჩხრეკას ნაწილობრივ დაესწრო ადვოკატი ლაშა ტყეშელაძე. ის ამბობს, რომ საგამოძიებო მოქმედება მის გარეშე დაიწყო. თუმცა, ადგილზე მისვლის შემდეგ მისცეს დასწრების უფლება. ტყეშელაძის თქმით, გამოძიებას რაიმე მტკიცებულება რომ ჰქონდეს ცნობილაძის წინააღმდეგ, მას დააკავებდნენ. ადვოკატის შეფასებით, ამ ტიპის საგამოძიებო მოქმედების მიზანი დაშინება და რეპუტაციის შელახვაა. მედიასთან ისაუბრა თავად სანდრო ცნობილაძემაც. ჩხრეკას ის მის სამოქალაქო პოზიციას და პროევროპულ აქციებზე აქტიურად მონაწილეობას უკავშირებს. ნეტგაზეთი