ჩემი აზრით, ამის გააზრებაა საჭირო: გარდაუვალია მწვალებლობა. შეუძლებელია რამის 7 მილიარდამდე კაცთა მოდგმა ერთ აზრზე დადგეს. მწვალებელთა არსებობა არც ქრისტიანობის ნაკლს მოწმობს და არც, ცხადია, მწვალებელთა სატანურობას ადასტურებს. მცდარია ასეთი ნათქვამები. უბრალოდ იმ ფაქტს უნდა მიღება, რო ყოველთვის იქნება ადამიანთა შორის უთანხმოება, განხეთქილება და სხვა. თვითონ სიტყვა მწვალებლობაც ხო აქედან მოდის - "განწვალვა" ძველ ქართულში გაყოფას ნიშნავდა. აქედანვეა სიტყები ნაწილი, განაწილება და ა.შ. ასეა საქმე მოწყობილი და ამას ვინ შეცვლის? ქრისტიანობის პირველივე საუკუნეებში მოხდა დაყოფა, დანაწევრება. იგივე იყო იუდაიზმში,იგივე იყო ისლამში. რო აღარაფერი ვთქვათ ბუდიზმზე, ინდუიზმზე, სინტოზე და ა.შ. ყველა ამ რელიგიებში არის ასობით ქვემიმდინარეობა და სწავლება. სხვათაშორის, იგივეა პოლიტიკურ მოძღვრებებში. სამაგალითოდ ავიღოთ რევოლუციონიზმის ისტორია ან იმავე სოციალიზმის ამბები. ყველგან ერთი სურათია. ამის დანახვას არაფერია დიდი ჭკუ-გონება არა სჭირდება. ასე რომ, არც ქრისტიანობის ბრალია ესა და არც მწვალებელ-ერეტიკოსებისა. ასე იყო ყოველთვის და სავარაუდოა, რო ასევე იქნება მომავალშიც. თუ ეს ქრისტეს მეორედ მოსვლისას შეიცვლება, შესაქმე განახლდება და ახალ მიწასა და ცას დაედება საფუძველი, ეგ უკვე სხვა ამბავი იქნება. ჯერჯერობით კი იმ რეალობას უნდა მიღება, რაც ახლა არის. ხვალემ კიდე ხვალისა იკითხოს.
