არსებული მდგომარეობის ახსნა პოლიტიკას ამოფარებული, კრიმინალურ-პოლიტიკური ძალების ტერორით იგივეა, რაც კრწანისის ველზე ბრძოლის ტრაგიკულ შედეგში აღა-მაჰმად ხანის დადანაშაულება. ეს ხომ პრობლემის ალოგიკური განხილვაა... პოლიტიკა მოკვდა!,-იძახეთ და თავისთავად შეიცვლება ყველაფერი უკეთესობისკენ?! თუ "მე"-სა და "ჩვენ"-ის სურვილით შედეგს ვერ ვაღწევთ, მაშ რა არის ის "მესამე", რაც ღირსეულ ცხოვრებასთან მიგვიყვანს?! დღეს ერი უნდა მიხვდეს, რომ დილით ადგომა, სამსახურში წასვლა ან არწასვლა არაა საკმარისი, აუცილებელია გაღვიძებაც... თავად უნდა შევქმნათ ღირსეული საზოგადოება და აქტიური პოლიტიკა... ვისაც პოლიტიკის არსი ესმის, ალბათ, დამეთანხმება, რომ პოლიტიკა ხალხის გარეშე არაა პოლიტიკა და თუ მაინც ვაცხადებთ, რომ პოლიტიკა მოკვდა, ესეიგი ქართველი ხალხი საღათას ძილშია...